مضافة المنتدى اهلا وسهلا

[SH.A.M.Y]

فئت هلأ لصلاة الفجر, وحبيت صبِّح عليكن, وإحكيلي كم كلمة.

جمعة مباركة يا رب! عم بمزح, اليوم الخميس,


بس والله عن جد خايف الجواز يخليني على رأي المتل طلطميس ما فرِّيء بين الجمعة والخميس!


ومتل ما بيؤولوا المصاروة: إلي واخد عئلك يتهنابوه!


طيب ليش تركتني كلي وأخدت عئلي وحدو؟!


يمكن بتحب النخاعات!


لك نخاعي ميداني ما بيستوي بعشرين طنجرة بخار ومايكروويف!

والله كنت بتمنى آخد بنت الحلال شي إسبوع لبلد حلوة,


لاكن هيي ما معها إقامة, وإزا خرجت ما بتحسن ترجع,


وحماتي راجعت سفارة دولتها, ووعدوها إنهن بيحاولوا يتوسطوا لمنح بنتها إقامة.


على كل حال أنا بدي خليها تضل هون بصورة غير مشروعة إزا ما أخدت إقامة.


وإلى اللقاء عن قريب يا أصدقاء.

ما حدا رد على مشاركتي هي ولا بكلمة!

معلوم, يللي بيغيب عن العين بيسلاه الخاطر!