ماذا تسمي صبر الزوجة على خيانة زوجها لها

[ريماس]

اعذرني اخي Ihab Mardoud في اضافة بسيطة انت عم تقول ماخانها من فراغ وانو التقصير منها

ممكن تكون هالسبب وممكن لاء فلا تأكد في تقصيرها

احيانا المرأة مابتقصر من ناحية زوجها بس بيكون هيك تعود انو يخون

يعني يلي بقصدو قبل مايتزوج الرجل بيكون خاين بعد مايتزوج كمان بيخون لانو هيك تعود قبل

المرأة عم تحاول المستحيل مشان مايصل عينو لبرا فلذلك الرجااال مايضلو يحطو الحق عالمرأة ويحطها هي سبب في خيانتو

طبعا انا مابعمم

وشكرا

[En.Khaled Alfaiomi]

تعليق على الأخ Ihab Mardoud والأخت رورو

طيب ليش يخونها؟؟

مافي شي أسموا الصراحة والتفاهم ؟( هيدا اللي ناقصنا في مجتمعنا العربي ) وبعدها مارح تشوف حالة طلاق وحدة بس..


كان فينوا يصارحها على النقص أو التقصير.. أحسن مايروح يخون زوجتوا أم أطفالوا..


بالتوفيق

[دمعة فرح]

رورو ازا ماكانت الزوجة مقصرة بشي لا من ناحية البيت والاولاد ومن ناحية اهتمامها بحالا وجوزا
ومع هيك خانها .. بيكون الخلل منو اكيد وعيونو فارغة
بس اللجوء للعصبية مابيفيد شي .. لأنو فيه شي اسمو تفاهم واكيد طبعا لكل بنت حدود للتفاهم
فيها تحكي معو وهو يسمع منا بتنحل الأمور .. بس ازا كان هو هاد طبعو من قبل الزواج ومرح يبطلو بعد الزواج فاللجوء للانفصال أمر لابد منو
...

[Ihab Mardoud]

طبعا انا ما بعمم وماني حاطط كل الحق عالمرأة
بس ازا هي مقصرة ما لازم تقعد تطبل وتزمر بخيانة الرجل
ولازم تحاول تصلح الموقف
وفي كتير نسوان الزلمة بيصارحن بتقصيرن وما بيغيرو شي
بعدين كيف هي بيكون الزلمة خاين قبل الزواج ازا ما بيكون مرتبط اصلا!!
بس ازا المرأة مانا مقصرة بحق زوجا فلازم ما بتظل ولالحظة عندو
ومتل ما حكيت ازا ظلت بيكون غباء وضعف