تعو شوفو غزل عالطريقة الحلبية وتعلمو

[ميدو المشاكس]

الله يسلمك حبيب

بس الحمد لله الاسعاف عنا بالسعودية بيجي بسرعة

لك مابعرف شو صرلي ئد ماضحكت على رورو

ئصدي عالغزل الحلبي

بس لحئوني باخر لحظة قبل ما افطس

[ميدو المشاكس]

لك اي اي رورو مزبوط كلامك كتير حلو الحكي الحلبي

وانا كل ما اشوف حدا عم يحكي حلبي

بيغمى علي من الضحك

نياهاهاهاهاهاهاهاهاها

[denno]

بالبداية مشكورة رورو ع الموضوع الحلو
بس اسمحيلي مو لازم يكون عنوانو شتائم و مسبات حلبية بدل غزل حلبي
معلش يمكن جو الخليج اثر ع اللهجة تبعك ههههههه

اذا بتسمحيلي اضيف شوي ع موضوعك , احم احم :

-سمعوا هاد الغزل الحلبي يلي على اصولو-

شفت عيونا فسط الكاسة...

فسط الكاسة..

فسط الكاسة شفت عيونا

تقدح متل الونّاسة

حلوة متل مربّى المشمش...

ونظراتا بتعبّي الطاسة

يخرب بيتا..

يخرب بيتا شقد حبّيتا...

قلعتلي قلبي من جرنو

ساوتني بيضة فقّاسة

كسرتتني متل البطّيخة..

حتى صرت ...حزوز حزوز

هالمخلوقة...ينعن طيخا..

حلوة متل "العنبر بوظ"

فيزونا...

شمّطلي عيوني...

وطيّرلي من راسي الظوظ

أخدتلي واحد شرشوح..

وهي حالة دنيتنا..حظوظ



راحت حبّت واحد غيري..

جبلا بيتين وسيارة

ودشدوش...

وجبلا سنّارة..

مابعرف إشقد كان عيارا

بس البعرف..

إنّي كل نسوان الحارة

غاروا منّا..

وشالوا عالمشتشفى الجارة

فطسانة...وما منّا شارة

لمّا شافت هالسنّارة



فلّس جوزا...

وصارت متل الجيجة العوزا

على طول مهرهر شحوارا

ورجعت لعندي زعلانة..

باستلي إيدي من الكوع..

وقالت : سامحني ...ندمانة

قلتلا : روحي من وجي

حاجة تنّقي ياكرارة

كنتي عندي متل الوردة

وهلّق ...صرتي متل القردة

كم كاسة قهوة ضيّفتك

وكم سيكارة ستأجرتلك و كم مسكليت

روّحت عليها سحّارة

وكم رفسة طعماني أبوي..

وكم طيّارة..

وكم حرب علقنا وكم غارة

كلّو مشانك يافصعونة

وبالآخر ...عردشتي وفصفصتي عضامي

وتركتيني متل الفارة



وحياة ترابك يا جدّي ..

وحياة الأركيلة الكانت نانتي بتشغلاّ النارة..

مالك عندي عضّة خبزة..

وقصّتنا مالا دوبارة...

أنا شعّلتك ..

وأنا طفّيتك..

وآخرتك ...فلتر سيكارة


ملاحظة : الشين بالحلبي تقرأ بين الشين والجيم في بعض الكلمات مثال وشك

شكراً رورو مرة تانية[/size]

[MOSTAFA]

هههههههههههههه