-في رأيك ما هو السبب الذي يؤدي إلى تباعد أفراد الأسرة عن بعضهم البعض وتفكك العلاقات في ما بينهم ؟
الأسباب كتيرة في أسباب خارج ارادتنا متل السفر (سواء للدراسة أو للظروف الاقتصادية بالبلد أو أو ) وفي أسباب من الشخص بحد ذاته ( الغلط في التربية وعدم المساواة بين الأولاد والغيرة والتنافس )
ما دور التكنولوجيا المتقدمة ( القنوات الفضائية – الانترنت ) في حدوث التفكك بين أفراد الأسرة الواحدة
برأيي التكنولوجيا عم تقرب المسافات وبتساعد عالتواصل أكتر مالها أي دور في حدوث التفكك .. المشكلة باللي ما بدو يتواصل (الشخص نفسه) أما التكنولوجيا بتسهل التواصل وحتى التلفزيون ما في أحلى من جمعة العيلة على شي مسلسل ولا برنامج
- في اعتقادك ما هي مقومات نجاح الأسرة الواحدة ؟
المقومات أنو التربية الصحيحة من الأهل والاهتمام بأنه يكون في أنشطة مشتركة للأسرة بالأسبوع مرة وغرس المحبة بين الأخوة وهيك بس المغتربين الله يعينن ما بيقدرو يشتركو بشي وهون بتجي أهمية الانترنت والتكنولوجيا أنو بيتواصلو مع أهلن شوي
ما رأيك في الأسرة قديما والأسرة في الوقت الحاضر ؟ وأيهما تفضل من بين الأسرتين ؟ ولماذا ؟
هلأ كلشي اختلف عن أيام زمان مو بس الأسرة اختلفو الأفراد وطريقة التفكير وأسلوب المعيشة الخ..وكلشي الو ايجابيات وسلبيات .. وبفضل الوقت الحاضر اجمالا أكتر لأني عايشة فيه وتعودت عليه صراحة
ما المهام التي يجب أن يؤديها الوالدين لجعل أسرتهم متماسكة ومترابطة ؟
التربية الصحيحة للأولاد والاهتمام فيهن ماديا ومعنويا ,وتربيتن بجو فيه حب وأريحية بالتعامل
ما هي مقارنتك بين الأسرة العربية والأسرة الأجنبية من حيث طريقة تربية الأبناء وبناء أفراد واعيين ومثقفين ؟
يعني مجتمعين مختلفين بظروفن وبكلشي بقا طبيعي تختلف تربية الأبناء .. الأبناء في الغرب أكثر استقلالية ووعي .. بس أبناءنا أفضل من ناحية الروابط الاجتماعية والتماسك بين أفراد العيلة
إلى أي مدى ممكن أن يساهم الإعلام العربي في تقارب البيت العربي ؟
يساهم بنسبة ضئيلة مو كتير .. الاعلام ما رح يخلينا نتواصل مع أهالينا الا اذا نحنا تربينا على هالشي وحبيناه
-هل أنت ممن يعانوا التفكك الأسري ؟
أعاني من البعد عن اسرتي ...ايه بسبب الغربة
بس الاتصالات بيننا دائمة ولولا الغربة كنت بكون قريبة لعيلتي أكتر
وشكرا عالاستبيان ..
الذين يشاهدون الموضوع الآن: 1 (0 من الأعضاء و 1 زائر)
مواقع النشر (المفضلة)