««صديقة الدرب»»
عدنا
وبعد هريبة نصار و مرجلتو المعروفة يلي زاع صيتها بنص الحارة
و لطوف المسكينة يلي وقعت بين ايدين اخوها
وصارت بين نارين .. نار عيلتها .. و نار حبيب القلب و البنكرياس
نصااااااااار
شوكت و هو عم يشد لطفية من شعراتا ..يلي للأسف طلعو اكستنشن و نصون علقو بايدو
شوكت : ولك لطوووووووف .. العما بعينك العما .. ولك الشرف الشرف .. والله لموتك
زهرية : لك شوكت حبيبي روء عليها شوي
شوكت : لك زهرية ..بعدي عني احسن ما ادبحك انتي التانية كمان .. لطفية طلعي بعيوني الله ياخدك ولك شو واقفة عم تساوي مع نصار الـ (#@#$@#$ ) _ مسبة مشفرة _ .. و قدام كل الحارة .. مو خايفة على سمعتنا .. حاجتك وليه حاجتك تضربي بشكلك يا#$!@$!#!#
لطفية : اخيوالله ما ساويت شي .. لك والله كان جاي بدو مني شغلة بس قمت انا خفت فيئك صدقني ما في شي ..
شوكت : مفكرتيني اجدب .. مفكرتيني غبي ما بفهم .. مفكرتيني تور وليه يا @$@#$@# والله لموتك و خليكي عبرة لكل هالحارة
عم تقليلي ما في شي وانتي عم تحكيلو اهرب .. يهرب ان شاء الله لنار جهنم الهي
و بجيت أبو شوكت و أم شوكت
أم شوكت و هي عم تركض و تصرخ و تروح تمسك بنتها و تلملم الشعرات الاكستنشن يلي تناثرو هنا و هناك
أم شوكت : ولك شوكت اترك اختك .. اتركها يا ابني .. بدك تموتها .. لك بدكون تموتوني انت وياها .. فضحتونا بنص الحارة صواتكون وصلت لبيت المختار
ابو شوكت : لك خلص اخرسو بئا
و الكل انكتم نفسو ..
ابو شوكت عم يجعر بأعلى صوتو : و لااااااااااا شوكت .. مو عيب عليك تمسك اختك هيك و تضربها وقدام مرتك
شوكت و هو عم بطلع بعيونو ع الأرض و يروح يبوس ايد ابوه :سامحني يا بي .. والله ما قصدي .. بس و حياة شواربك الغاليين و راسك يلي عم يشم الهوا انا ما بيهون عليي فيك .. بترضا شرفنا يتلطخ لك يا ابو شوكت .. يا بي لطفية كانت واقفة مع نصار و ***********
و بهالاثناء لطفية عم تبكي و ميتة رعبة و عم تتخبا ورا أمها
أبو شوكت عيونو شعلو نار
أبو شوكت عم يصرخ : لطفيــــــــــــــــــــــــــــــــة .. ولك لطفية عم ناديكي انا يا مقصوفة.. الله لا يوجهلك الخير إلهي
لطفية ماتت رعبة و راحت ركض لغرفتها
أبو شوكت حمل حالو ولحق وراها وفات ع الغرفة ..
أبو شوكت : ولك يا عديمة الترباية .. هيك بتعملي فيني .. والله لفرجيكي
وصار يبحبش و يدور بالغرفة
لطفية : لك شو عم تعمل يا بي على شو عم تدور
أبو شوكت : لك وينو البلاك بيبري يلي عندك وينو آه .. مفكرتيني ما بفهم لجيل هالايام .. هاتيه وليه الله لا يوجهلك الخير .. وبطريقك جيبي معك اللاب توب .. و احلمي تفوتي نت او تحكي موبايل مرة تانية ... جيل فائس
و بهيك لطوف بهالليلة خسرت أعز الشغلات على قلبها
حبيب القلب نصار يلي هرب بدون ما يفكر بحبيبتو ..
خصلات شعرها الاكستنشن يلي ركتبون عند كوافير مدام صونيا و حق الخصلة الوحدة 300 دورار
و عدساتها يلي وقعو من عيونها لما شوكت ضربها كف على خدها
و فوق كل هاد البلاك بيري و اللاب توب
لك آآآآآآآآآآآآآآآآآآخ عليكي يا لطوف
قلبي معك تؤبريني
يتبع
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
للاستفسار او مساعدة راسلوني على هاد الايميل
[email protected]
لااااااااااااااااااا ... يامسكينة يالطوف .. قلبي تقطع عليها
««صديقة الدرب»»
لاتخافي عليها حياتها كلها اكشن تتوقعي اخر شي شو بيصرلا
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
للاستفسار او مساعدة راسلوني على هاد الايميل
[email protected]
««صديقة الدرب»»
مشهد قصير ...
نصار هرب مبتعدا بين الغابات و الاشجار
ستنو ستنو
نصار هرب لبعيد و ركب على طرطيرتو و قلبو عم ينده حب عمرو لطوف
و الدموع مليانة بعيونو
طالع الموبايل من جبيبتو
حاول يدقلا
لقاه مقفول
قلبو وجعو
مشي ومشي ومشي وحس الدرب طويل كتير
و قلبو كان طاير بنص الحارة لعند لطوف
وصل نصار ع البيت و فات دغري ع غرفتو
فتح اللاب توب و المسنجر
قال بركي بلاقي شي من لطوف
بس آآآآآآآآآخ ما في شي
مو ابوها للطفية اخد منها اللاب توب
نصار العاشق الولهان تسطح على تختو
عم يفكر كيف بدو يسترجع لطوف
و هو عم يحكي مع حالو ويقول
لطوف
رح اخطفك
و رح تصيري مرتي
لو شو ما صار
يتبع
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
للاستفسار او مساعدة راسلوني على هاد الايميل
[email protected]
الذين يشاهدون الموضوع الآن: 10 (0 من الأعضاء و 10 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)