رجل مصري خارق القوة... يدعي أن سبب قدراته .. " طبق طائر " !!!!!!!!!

**Sanaa** · 10-06-2010 02:31 PM

مشكوووورة ع المرور

**دمعة فرح** · 10-06-2010 08:50 PM

سناء بدي اسألك سؤال .. هلأ هو سؤال غبي بس مظطرة تجاوبيني عليه

عنجد فيه مخلوقات فضائية متل ماعم يقول هاد !!؟؟

هلأ لازم نعيد تربية اطفالنا ولازم نقلن انو فيه مخلوقات فضائية من المريخ الشقيق لونها اخضر واشكالن غريبة !!

ههههههه الله يعينو لهالخارق ... مشكورة ياغالية

**Sanaa** · 10-06-2010 10:14 PM

ههههه لاء دمعة ... سؤالك مو غبي أبداا " أعوذ بالله " ... بالعكس سؤال ذكي و منطقي

رح قلك شغلة ... لحد هلأ هاد الموضوع مطروح للنقاش و مثير للجدل...

في ناس مقتنعة بوجود مخلوقات فضائية و ناس لاء

رائد الفضاء ايدغار ميتشيل يلي طلع على سطح القمر برحلة ( ابولو 14 ) 1971

أكد أنه شاف مخلوقات فضائية غريبة ... و أنه بعض أفراد الحكومة الامريكية كمان شافوهم

بس الحكومة الامريكية متكتمة ع الموضوع .. و بعام 1974 كمان أكد أنه بمدينة روزويل ... اتحطم طبق طائر

بس كمان الحكومة اتكتمت ع الموضوع ... و قالت أنه يلي انفجر شي تاني ( مروحية يمكن ) المهم مو طبق طائر

كمان سمعت أنه في رئيس اسمه " جيمي كارتر " صرح عام 1973 أنه من 4 سنين كان مع عشرة من أصحابه

و شاف جسم غريب بالسما ... غالبا بيرجع لمخلوقات فضائية

و بالتالي بشكل عام ما في أدلة ملموسة بخصوص هاد الموضوع ..

باستثناء بعض الصور لأجسام مضيئة بالفضاء ... إضافة لادعاء بعض الأفراد بمشاهدتهم

أنا بصراحة لحد هلأ مو مقتنعة بالموضوع ... لأنه ما بحس أنه في أدلة كافية ...

بس في ناس مؤمنين بهالشي ( و الله أعلم )

على فكرة من كم شهر صرحت الصين بمشاهدة جسم غريب ...

البعض قال بقايا صاروخ ... و البعض قال طبق طائر !!!

أنا نزلت موضوع من كم شهر على الخبر المتعلق بالصين ...

الخبر قديم ( بس بتقدري تقريه .. لمجرد الاطلاع بس )

هاد الرابط :

http://www.mgtrben.com/portal/showthread.php?t=43013

بكل الأحوال هاد الموضوع لسا في ناس كتير عم تعمل أبحاث و دراسات عليه للتأكد ...

ما بنعرف شو رح تكون النتيجة !!!

مشكورة كتير دمعة ع المرور اللطيف