اوك انسه حنان مافي داعي للتأسف بالعكس اكتر واحد لازم يحس فيكي نحن المغتربين يعني كلياتنا مرينا بهيك مراحل مرحلة السؤال من هادا وهادا ويادوبنا معلومة من هون ومعلومة من هون حتى جمعنا قوانا وطلعنا ويا غافل الك الله .... بالنسبة اني انصحك بتركيا او لا فهادا الشي عائد الك انت .. اما من ناحية الحياة بتركيا برأي انا كنظرة دينية افضل بكتير من اي بلد اجنبي تاني يعني تقريبا بيشبهونا بالثقافات ... ومن ناحية المستوى التعليمي مستوى جيد جدا مقارنة بدول الجوار غير انو شهاداتون معترفة عنا بسوريا وهدا اهم شي ...
الفحص عبارة عن رياضيات ومنطق وتركي ...التقدم الهون باللغتين بصير الانكليزي او التركي بس الشرط الاساسي انك لازم تنجحي بالتركي فهذا يعني لازم تتقني اللغة التركية بشكل جيد (( ذاتا لازم تتعلمي تركي من الاساس مشان الحياة هون ))
براي تتعلمي اللغة ببلدها الام يعني بسوريا مستحيل تتعلمي تركي ابدا واذا تعلمتي بدك تتعملي قواعديا مو محادثة وهادا الشي مارح يفيدك هون ...
مشان 2011-2012 هادا السنة الجاية والتقديم الهون بكون بأيلول 2011 يعني استغلي الوقت وتعلمي تركي من بداية هالسنة للصيفة ( اللغة تركية سهلة كتير يعني بـ 6 شهور بتكوني تمام فيها طبعا هادا بيعتمد على رغبتك بتعلم اللغة )
بالنسبة للحجاب عن جديد تم تعديل للدستور في تركيا وصار بأمكان الطالبات المحجبات الدخول للجامعة من دون اي تعليق ...
والله يوفقك ويوفق الجميع يارب
تحيــــــــــاتـــــــــي ...
=================
بحبــــ♥ـــــك يا بلـــــ♥ـــــدي
ممنونة لحضرتك
ولما قلت أجي على تركيا قصدي سجل بالجامعة بشكل شخصي ,برأيك بيكون أفضل؟
بيعطوني بالجامعة قبول مبدئي لحتى أخذ اللغة حتى أضمن وضعي لأني معيدة ( أطلع على حساب جامعة دمشق) وأدرس اللغة بتركيا
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)