الجولة الثانية
شرف لشوف اخرتها معك يا سيد ابو جعفر تفضل احكي
س -- سؤال

لو انت ماشي بالشارع وياغافل الك الله

واجاك كف على قفاك طفى ضو عيونك وانت قمت من على الارض

وبدك تاكل الي ضربك يسنانك يعني بدك تبيدو ابادة

ولما وقفت ودرت ضهرك لقيت واحد طولو مترين وعرضو متر

ههههههههه

شو رح يكون موقفك رح تحكي شي ولا ؟ مابعرف جاوب لشوف

يا حباب

بصراحة بقولو ( بتنكسر ايدك لو قويتها شوي)

س - سؤال

انت ماشي بالشارع وانشق بنطلونك وامورك الداخلية

صارت واضحة للعيان شو رح تتصرف

رح اعرج على رجلي ومد ايدي وقول من مال الله يا محسنين وبيفكروني الناس اجدب



س- سؤال

لنفترض جدلا انك شفت بنت جميلة او اية بالجمال

وذهلت فيها وفتحت تمك وبالحظة هي دخلت ذبانة بحلقك

احكي بسرعة شو رح تعمل دون تفكير

رح اسعل اكيد بتقوم بتعطيني البنت محرمة وبتقلي صحة وهيك منعيش لأخر العمر مبصوتين انا وياها



س -- سؤال


رحت تخطب بنت وانت قاعد ببيت الجماعة وجعك بطنك

واسافرغت على الصالون الي اخدينو الجماعة جديد

يا ترى شووووو رح تعمل

--رح قول انا اسف وبعتذر والي بسبني ماني مسامحو---



س -- سؤال


لو انت كنت متضايق من شي معين والشياطين عم تتنطط بوشك

وماشي مو شايف بعيونك ولطشت بنت

احكي بسرعة دون تفكير شو رح تعمل

لانو هيك امور الواحد مارح يفكر
الله يستر عليكي حلي عني مالي رايقلك


----

لحظة اعمل نفس اركيلة وارجعلك لاتروح اي

لاني عازمك على نفس رح ينشف حلقك

-----


اهلا ابو حمزة

تفضل حبيب القلب

اي خلينا نكمل

س -- سؤال

انت انسان حساس كتير

لو فرضا

عرفت انو ابوك مو هو ابوك الحقيقي

ولا امك هي امك الحقيقية

واخواتك مو اخواتك الحقيقين

وقالولك انو لقوك وانت صغير يتيم الاب والام وهنن ربوك

شو اول شي رح تفكر فيه
رح قول لعمش شو طلعتو مخبايين بتيابكون


س -- سؤال

انت راكب بسفينة بنص البحر وهجم عليك سمك القرش

وكسر السفينة وانت صرت بالمي
رح قول الي مالو حظ لا يعتب ولا يشقى ورح روح لتم السمكة وافتحو وزت خالي فيه مشان ما تتعزب

احكي شعورك


س -- سؤال

اذا انت تزوجت وطلعت عقيم مابيجيك ولاد

هل ياترى بتتبنا ولد من دار الايتام؟
تف من تمك يا رجل فال الله ولا فالك
وانا ماني من مؤيدين تبني الأطفال
س -- سؤال

لو عرضوا عليك منصب بالدولة

اي منصب رح تختار وليش

بختار كون رئيس بلدية الهامة لأنو اكبر حرامي بلبلد

لهون الجولة خلصت ولنا لقاء بالجولة القادمة

هلا شرفت ابو جعفر الله يخليك لحبابك

والله يجيرني منك