اي محمد ندخل بالجد بقى ...
شكلنا انا وريماس رح نقضي عليك .. بس من المحبة ولو ما بنحبك ما بنستفسر منك
ولا دخلنا فيك .. بس حابين نبحبش بقلبك ونطلع كل شي

اول شي بدي اسألك كيف كانت تربيتك وانت صغير يعني ..
كان جو البيت مغلق .. او منفتح .. ؟؟ منفتح بمعنى إيجابي مو سلبي

انتو كشباب يامحمد بتحبو تختارو بنفسكن شريكة الحياة .. غالبا !!
شو اللي خلاك تميل للزواج الكلاسيكي ومابتختار انت بنفسك ؟؟

محمد ليه ماعندك اسلوب مزح ؟؟ بيجوز خارج النت عندك
بس هون داخل الموقع ماعندك مزح نهائيا وخصوصا مع البنات
بيختلف اسلوبك بالحكي مع الشباب والبنات ..
يعني هي انا وريماس بنشوف اسلوبك هجومي
وخاصة ببداية ماسجلت انا بالموقع
مرة نزلت موضوع بقسم الاستراحة وطبعا كان مكرر لكن انا ماكان عندي علم
نزلتو لكن كان العنوان مختلف .. وطبعا بادلتني بردك كالآتي : مكرر وحطيت عنوان
الموضوع الاصلي وبعدا حزفتو ...

وهكذا على جميع الاعضاء تقريبا وخاصة الجدد عند تكرار موضوع ما

كلنا بنعرف بأنو الاسلوب بيلعب درو كبير .. وبصراحة انا وقتا كرهت
الموقع كلو هههههههههههه

بس هلأ عن نفسي اسلوبك معي تغير وتغير للأحسن طبعا
والحمدلله

المطلوب منك : رحابة صدر أوسع .. وليونة بالكلام

شو كمان بدي اسألك شو كماااان

شو هي مواصفات فتاة أحلامك ؟؟

هون عنا افتح قلبك أي شغلة مو صحيحة بتقولا .. بتجيك صعقة كهربا