يلي بدو يتعلم فن اصول الطبخ مالكم غير ريماس وابو عمر مع شهادة تخرج بشطارة !!

[ريماس]

رز وبامية

المقادير :
لحمة ناعمة + دهنة اذا وجدت
ملح +بهار
بامية
صلصة الطماطم (مية افرنجي )
ليمون او حصرم
نص ملعقة صغيرة سكر ( مشان تتعئد )


الطريقة :
نقلي اللحمة ثم نضع ملح والبهار وبعدين نحط بامية فوقها ونقلبها كتير
طبعا رح طولي وانتي تقلبيها ليش مشان مايمخط ..
وبعدين تحطي صلصة طماطم مع ماء بس تغلي حطي رشة سكر
شوية ليمون او حصروم اذا كانت صلصة ماهي حامضة ..ونرتكها لحتى تستوي البامية ..

وتقدم مع رز بالشعرية او برغل مع فلفلة خضرا حارة ياعيني
وصحة وهنا على قلوبكم





رز وبطاطا بالمرقة

المقادير :
زيت قلي +بطاطا مقطعة مكعبات وسط
مية افرنجي (صلصة طماطم )
ملح +بهار

الطريقة :
نضع الزيت على النار ونقلي فيها اللحمة ونضع اللحمة والبهار ..
نضع البطاطا فوق اللحمة ونقلبها الى ان تصبح بطاطا نصف قلية
( بطولي كتير وانتي تقلبي بهالبطاطا بتاخود معك وقت )
ثم نضع مية فرنجي مع معجون الطماطم مع الماء ونغمر البطاطا فيها ولاننسى الملح.
نغطيها ونتركها الى ان تستوي البطاطا

وتقدم مع الرزبالشعرية وفليفلة حارة
وصحة وهنا

[ريماس]

يعطيكي العافية زينة باين عليها طيبة وانا كتير بتشكرك ع مشاركاتك
شكرا الك انك حابة تفيدينا بفنك لطبخ
وخلينا على طول نشوف ابداعاتك ونتعلم منها

[ماهرالفيزو]

ريماس المامونية هي طبق الحلو صح الي يطلع لونها اصفر بلنهاية

بس كم ممكمن تاخد وقت وين رح حصل سميد بلاقي بلسوبر ماركت شي

وضروري حط سسمنة على وجها ولا عادي


على فكرة بحب هالاكلة كتير وخاصة بلشتا كنا نشتريها ايام المعهد


مشكورة ريماس بس رديلي كم تاخد وقت

[ريماس]

ريماس المامونية هي طبق الحلو صح الي يطلع لونها اصفر بلنهاية

بس كم ممكمن تاخد وقت وين رح حصل سميد بلاقي بلسوبر ماركت شي

وضروري حط سسمنة على وجها ولا عادي


على فكرة بحب هالاكلة كتير وخاصة بلشتا كنا نشتريها ايام المعهد


مشكورة ريماس بس رديلي كم تاخد وقت

اي مزبوط طبق حلو ولونها اصفر
طبعا مابتاخود وقت
يمكن بس وقت تحميص السميد
انت لما تحط الطنجرة عالنار فورا بلش بتحميص سميد
مشان لما يغلي بتكون خلصت تحميص سميد
ولازم يكون سميد ناعم مو خشن
انتبه مايكون سميد بودرة
مو ضروري اذا ماحبيت تحط سمنة تقدر تستبدل بدل سمنة زبدة
واذا ماتحب زبدة بلاها

ممكن ياخود معك ربع ساعة الى نص ساعة

واي اسئلة انا جاهزة