اوكَف يا زمن عدنه عتاب وياك
تعال وشوف جرحك بيش ملچوم
---
اوكف يازمن وخل نسمع معاك
شكوى الجروح والقلب محروم
خليت المصيبة بگلب كل انسان
ويابيت التطبله تشوفه مهموم
---
وايامنا صارت ليالي شثقلها تتحداك
وكلامنا صار ثرثرة ومو مفهوم
عاشرنه الحزن من چنه بالكاروك
ولحد ما كبرنه ويانه مظموم
---
اطفال صفينا بعد الكبر اترجاك
ودنيتنا مظلمة وسمانا غيوم
البشر بالعيد تفرح تلبس اشكال
واحنه من الدمع فصلنه الهدوم
---
وطرزناها بخرز اسود نوع بلاك
مدري احنا غلط ما معلوم
العيد إنذِبَح والضحِك دمه يسيل
ومجهول الهوية الفرح هاليوم
---
الله اكبر صار الفرح مغصوب
والحزن خيم على ديارنا دوم
تعودنه بعد عالقهر والحسرات
وتعلمنه الحزن مو خوش تعلوم
---
تعلمنا نتفنن ونفتخر بالنوح
والرضيع على الاهات مفطوم
نعيش بنص وحوش وناس تاكل ناس
وضمير اكثر العالم صار معدوم
---
ضمير مستتر والنحو مطلوب
والكذاب محبوب بين الناس ومهضوم
صار الضحك سلعة وتشتريها الناس
وثمن كل ابتسامة بكاس مسموم
---
والثمن بعنا فرحة طفل يتيم
مرمي بوسط بحر ولايعرف يعوم
------
اهداء لبنت اختي رقية
دمتِ بحفظ الرحمن
المشاركة الأصلية كتبت بواسطة السكون
صح لسانك خالي .. شو جاب لجاب اي حروفك اروع
تسلم ايدك وشكراااا كتيييييير إلك
محبتي
صح لسانك خالي .. شو جاب لجاب اي حروفك اروع
تسلم ايدك وشكراااا كتيييييير إلك
محبتي
الله يسلمك يا خال
مشكورة بنت اختي الغالية
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)