مقاهي الإنترنت من يراقب ومن المسؤول !!!!

[ريماس]

بشكرك ريماس على طرحك القييم

في عدة نقاط اثرتيها في هل الموضوع الجميل .. فعلا المقاهي اصبحت في اغلبها مكان موبوء وعبارة عن شلل او شباب نازلين
تحميل افلام اباحية او يلعبو البوكر على الفيس بوك او يشاتو ع المسنجر و على تدخين و قصص فاضية ما بطعمي خبز متل ما بيقول المتل

انا معك بكل النقاط الى نبهتيلها بس في نقطة بخصوص الرقابة

رح لون كلامك باللون الزهري و كلامي باللون اللأزرق لسهولة الرد

- ضعف الرقابة الصارمة أو المُحكمة على هذه الخدمة لأنها شبكة دولية تتجدد فيها المواقع خلال الدقيقة الواحدة.

اين الوعي الانتشار الكبير الحاصل في مقاهي انترنت لماذا لاتوجد رقابة من قبلهم ؟؟
من المسؤول ؟؟

بسوريا في رقابة كبيرة على كل المواقع السياسية و في برامج خاصة لكل كافي نت بتنقل الباسورد و الايميل لرجل الامن
واي كلمة بتكتبيها او اي موقع بتفتحيه منقول عن طريق داتا و خدمة معينة لرجل الامن و في فريق متخصص بهل الموضوع بصراحة
و الرقابة فقط على المواقع السياسية او التي تؤثر على الشعب العربي السوري من خلال ما تتمتع به هذه المواقع من ميزات او مصداقية ...الخ

- الفضول وحب البحث عن الممنوح لدى الكثير من الشباب دون أي رقيب نظامي أو حكومي أو أسري.

رح ركز على الاسرةو ابعد عن الحكومة لأني رديت بلقسم الاول بهل المجال

انا ضد الرقيب و الحسيب و مع التوجيه و التوعية و التنوير من الصغر و المشاركه مع الشباب في اهتماماتهم وحاجاتهم في الكبر او في نفس الموقع
يعني في مثل بيقلك " اذا كبر ابنك خاويه " مافيها شي لو اشتركت معه بنفس الموقع ع القليل بصير الاب او الام ضمن عالمه الافتراضي و
ببقى قريب منه وبيشوف رفقاته و بينصحه في حال غلط و بتبقى نصيحتهم وتأثيريهم اقوى بكثير و بيحافظوا على نظافة عقل و قلب اولادهم
" كل ممنوع مرغوب " و الى عم يفكر و يحاول الاهل او الاسرة ديما يعملوه هو عبارة عن وضع عصا في دولاب لعرقلة وصول الشب
او البنت لهل ( الشي ) بالنهاية رح يعرفو رح يعرفو و من ورا الاهل و بيكون الاهل خلقوا حاجز سلبي و ما قدرو يدعمو الشب او البنت
او المراهق او المراهقة بهل المرحلة الصعبة و الحرجة في حياتهم و فرضوا الاهل على اللأولاد انهم يتعلمو من كيسهم و بيتأخرو في
مرحلة المراهقة و عملية النضج الجنسي و الاجتماعي و هل الشي الى عم يحاول الاهل يعملوه صار صعب في عالم العولمة و الانترنت
و تبادل المعلومات و الانتشار الكبير للمقاهي

اسف على الاطالة بس والله الموضوع جميل جدا و ممتع و حبيت اشارككم فيهودمتي بكل ود ...

يعطيك العافية اخي الفاضل عالمشاركة ولعلا وعسى نجد الاجابة في ايجاد افضل الحلول .
الانتشار عم يصير بكثرة كبيرة وعم يتوسع ولاتوجد وعي فكري ..
شكرا لك اجابتك ومشاركتك دقيقة ..
تحيتي لك