اقتباس المشاركة الأصلية كتبت بواسطة ابو عمر مشاهدة المشاركة

السلام عليكم ورحمة الله ...

وعليكم السلام ورحمة الله .. والله زمان والحمدلله عالسلامة



شلونك دمعه .. أخبارك .. أخبار الأهل .. !!؟

انا منيحة وأهلي بخير ونعمة


اجا دوري بالأسئلة هههه

اي هلأ لوصلك الدور لأنو بالهند دورك بعيد

دمعه ..

نعم ؟؟

بما إنك من متابعي التطورات والأخبار ..

وقت سقوط بغداد ( رغم صغر سنك ) كنتي بقلب الحدث ...
ماكنت ببغداد لأنو بغداد كان عليها قصف كتير وأغلب اهاليها طلعو
للمحافظات وأنا كنت بالأنبار طبعا كان حرب كمان

ممكن توصفيلنا شعورك .. بدون ما تبكي ماشي ..!!

وقت سقوط بغداد كنا كلنا مجتمعين ببيت واحد
شي 6 عوائل كبيرة .. وسمعنا الخبر يوم 9 نيسان 2003
عن طريق الراديو ..
وبلش البكا والشباب وقتا قررو ينزلو لبغداد للموت
وقت عصيب جداً ووضع لا يحسد عليه .. لانو كانت بغداد بالنسبة إلنا الروح
وبالزور لطلعنا الشباب منها مشان نأملن ملجأ
وكمان سمعنا بوش بالراديو بيقول
بيكفيني من العراقيين 5 مليون بس !!

ابو عمر قلبت المواجع ورغم صغر سني وقتا ومابتزكر الأحداث منيح
بس دموعي نزلت مع أنو وصيتني

بتوصيني ما ابكي على بغداد يا ابو عمر !؟


وكيف تلقيتي الخبر ... وشو يلي صار بعدين ..!!

متل مازكرت عن طريق الراديو .. واللي صار بعدين
كتير من العوائل رجعت لبغداد وصار النهب والسلب وتدهورت الاوضاع كتير
ومدينة هارون الرشيد قلبت لفحمة سودة وبتبكي الحجر



هل فقدتي أحد من أقاربك .. ؟؟ أو أي شخص عزيز ...؟؟

اللي انقتل واللي انخطف واللي لازال بالمعتقلات
واللي انفقد ولهلأ ما إلو أثر .. كل العوائل العراقية خسرت



كيف قضيتي وعائلتك أيامك التالية للسقوط ..!!


بالأنبار لأن كانت الاوضاع أمينة نوعا ما


وكيف تمت عملية ترتيب خروجكم من البلد ..!!

بيوم وليلة طلعنا من غير ترتيب ..


هل واجهتكم أي عقبات .. !!؟؟
لا الحمدلله

بس الجنود الأمريكان كان تفتيشهم مرعب


ما هو حال مايلي في العراق :

بيتك .. راح

حارتك .. لا زالت صامدة لكن حزينة

جيرانك .. تهجرو

مدرستك .. موجودة

أصدقائك .. لا أدري !!

دكاكين الحارة .. موجودة والحمدلله

الطرقات .. مدمرة ومرعبة

الحدائق .. دمرت

طفولتك .. تحت الأنقاض

وشو بتتزكري كمان ..!!

بتزكر وقت كنت أروح للمدرسة والجنود موجودين بكل مكان
وبتزكر وقت كانت الدنيا تمطر رصاص
وبتزكر وقت كانو يضربو قنابل مسيلة للدموع والقنابل الصوتية عالمدارس
وحالات الاختطاف والسرقة اللي بتصير قدام عيوني
وبتزكر كل شي !!


طريق السفر الطوووووووووووويل الى الشآم ..


مصيري المجهول !!

عالمك الجديد ...

كيف تأقلمتي مع البلد الجديد ...

بالبداية ماكنت طيقو ابدا وبحن لبلدي وببكي كل يوم كل يوم مشان يرجعوني
حالتي كان يرثى لها


نظرة المجتمع الجديد لكم بشكل عام ..

مع الاستقرار حبيت البلد وحبيت الناس
وماحسيت حالي غريبة ابدا
الكل متعاون والكل متعاطف والحمدلله
وحبيت الشام وأهلها بدرجة كبيرة
..........................

بيكفي هلأ ...

متابع ... ولي عودة أكيدة إن شاء الله

وانا بالإنتظار أخي العزيز

مع التحية








اهلا وسهلا ابو عمر نورت