المشاركة الأصلية كتبت بواسطة ماهرالفيزو
دمعة
نعم ياماهر ؟؟
الاسرار لو عاطكي احد الاشخاص سره سر ممكن تحافظي عليه يعني انتي بيت اسرار
ولو لأ كم ممكن يبقى بقلبك مكتوم
بير ما إلو غطى
لا انا بعتبر بيت أسرار والحمدلله كتير بيثقو فيني
وبيحكولي أسرار .. عندك شي سر
ياهلا ماهر
يداكي اوكتا وفوك نفخ ههههه
دمعة
ايوا ماهر ؟؟
ايمتا تكوني رايقة وبااحسن حال الصبح ولا الضهر ولا المسا
المســـآ
لمن تحكي مع غيرك كيف طريقط كلامك بسرعة ولا ببطئ ايديكي تحركيهم كتير
طريقة كلامي سريعة متل أبي الله يخليه ههههههههه
وبحرك ايدي أي بس مو كتير
بتحلمي شي احلام رعب لمن تنامي
كتييييير واحيانا يكون إلها أثر بالواقع
لو كنتي عم تشتغلي بشي معين ومركزة فيه كتير واجا احد قاطعك شو ممكن تسوي
يييييي بصرع الدنيا مابحب حدا يقطعلي سلسة افكاري .. يعني هلأ مثلا
وانا عم جاوب ازا حدا قاطعني وناداني بينقطع الشريط هههههههههه
إلا بحالات نادرة
لمن تروحي لحفلة اوشي مناسبة
لمن تدخلي من الباب تدخلي بشكل واضح بحيث الكل يشوفك
ولا ببطئ وتتخبي
ولا تدوري على شي حدا تعرفيه وتجلسي بجنبه
لأ لشو اتخبى هههههههه بفوت عادي وبيتم استقبالي طبعا
أو بكون بعرف حدا بسلم عليه وبقعد جنبو
لمن تضحكين تضحكي بقوة ولا ضحكة مو مسموعة وممكن تجربي ضحكة شيطانية
على حسب الموقف بضحك بس بشكل عام ضحكتي ما إلها صوت
والضحكة الشيطانية بضحكها بالمزح
لمن تمشي بلشارع تمشي بسرعة ولا ببطئ
ازا كان فيه تجمع شبابي بسرع بخطواتي
وانا اصلا سريعة بالمشي نوعا ما
ليش لمن تمري من جنب احد بلشارع وانتي وحدك احسك تخجلي كتير ويحمر وجهك وتتلبكي بخطواتك
ولي شو عرفك .. لأنو بحس حالي انا الوحيدة اللي ماشية وكل الأنظار مسلطة عليّ مع انو عيوني بالأرض وممكن مايكون حدا منتبهلي
لك شو عرفك مين قلك هههههه
بلشت أخاف منك ماهر
دمعة
كم مرة قلت دمعة اليوم هههههههههه
نعم ياماهر؟
شفتي رجال كبير عم يبكي قدامك
شو بتسوي
بمسح دمعاتو عن تجاعيد الزمن وبطبطب على كتفو وبخليه يحكيلي
عن سبب بكائو وبحاول ساعدو عقد مابقدر ^_^
انسان كتير متعلقة بيه لدرجة انك لازم كل يوم تحكي معاه وتركك وسافر او هاجر
شو موقفك وشو ممكن توجهيله كلام
لاااااا شو يروح مايروح بموت بأرضي
بقلو بدي شوفك كل يوم ياحبيبي وماتغيب عني ولايوم ياحبيبي
وتسلم عليّ بكرا وعشيي وخبيك بعنيي ياحبيبي
دمعة بتحبي لحظات الوداع وشو بتسوي بهيك لحظات
بكرها كتير كتير .. ببكي وقتها
واحيانا مابودع وبهرب من هاد الموقف
دمعة لو احد اكل حقك الي تعبتي فيه سنين شو ردك عليه
بسترجع حقي طبعا بكل الطرق ولو اظطر الأمر للعنف مابقصر
لو زوجك شي مرة وانتو بتحكو عن مغامراتكم حكالك عن تجاربه العاطفية من قبل وماشاء الله عليه مو مقصر
شو ردك عليه
بحط ايدي عتمو وبقلو حط راسك ونام وقتي ثمين أنا عم تضيعلي ياه بالحكي الفاضي
لو متغزل فيني مو احسن هههههههه
دمعة لو اخطأتي بحق احد اخطأ بحقك من قبل ومااعتزر ممكن تعتزري منه
لا راسي والف سيف مابعتزر لأنو متل مازكرت من شوي لنانو
الاعتزار بيعنيلي شي كبير
اي الاغاني تحبي تسمعي صخب ولا رومنسي ولا ..........
على حسب حالتي
الافلام شو تحبي رعب رومنسي مدبلج واقعي احجنماعي
بحب كل شي إلا الرعب
لو شفتي مناظر الحروب على التلفزيون بكل البلدان وشفتي الدم والقتنلى تنزل دموعك شي
أي ببكي وبتأثر كتير
الذين يشاهدون الموضوع الآن: 9 (0 من الأعضاء و 9 زائر)
ضوابط المشاركة
|
|
||
|
|
|
|
|
|
||
مواقع النشر (المفضلة)