ضروري الرجل يثبت وجوده ... و تكون شخصيته قوية و قيادية ... و قادر على فرض احترامه على أهل بيته

بس أبدا أبدا ... ما رح يقدر يوصل لهالشي من خلال العنف و القسوة ..

بيجوز يقدر يفرض حالة من الخوف و الهلع و التوتر داخل البيت ... بيجوز أهل البيت يسمعوا كلامه

مشان يتقوا شره ... مو احتراما له على الإطلاق ...

شو رح يستفيد إذا فرض سيطرته على أهل البيت بالعنف ؟؟؟ رح يخافوا منه .. بس ما رح يحبوه

رح تكون أسوأ لحظة بالنسبة لأهل بيته ... لحظة دخوله ع البيت ...




بالمقابل ... بيقدر يفرض احترامه .. و يثبت وجوده ... بمنتهى الرقي و الأخلاق ...

لازم يكون قوي بذكاء .... قمة القوة .... بالمرونة ...

بقدر ما يكون الشخص بيتمتع بشخصية قوية ... بقدر ما يكون مرن ...

و بقدر ما بيكون مرن و حنون .... بقدر ما بيفرض احترامه و حبه ع الكل

و ما حدا رح يرفضله طلب ... مو خوفا منه ... لاء حباً فيه و احتراماً له ...

عمر القوة ما كانت بالعنف .... القوة بالذكاء و حسن التصرف و القدرة على التعامل مع كل المواقف بحكمة و حزم

هي القوة الحقيقية .... يلي بتخلق السعادة و الاستقرار بالبيت

أما العنف .... بيخلق حالة دائمة من التوتر و عدم الاستقرار بالبيت ... لك حتى الشخص نفسه ما رح يكون مرتاح

لأنه بيت بدون حب و حنية و سكينة و طمأنينة .... ما بيسوى شي .... و رح تكون الحياة صعبة ع الكل



القوة حلوة و مطلوبة ... لما بتكون حقيقية و مصحوبة بالحب و الحنان




و متل ما قال الرسول صلى الله عليه و سلم :

" ليس الشديد بالصرعة ، إنما الشديد الذي يملك نفسه عند الغضب "



مشكووورة كتير ريماس ع الطرح المميز

و سوري ع الإطالة ( كالعادة طبعا ) ههههه