هناك نار تحت هذا الرماد الذي نراه في تونس ومصر ومازالت النار مشتعلة في ليبيا
والآن لا ينفع هؤلاء إلا الدعاء الصادق من القلب
الله يحمي الشباب من الفتن
بس يا اخت سناء لهلأ ما شفنا نظام راح بينبكا عليه او حتى منزعل انو راح
يعني انت زعلتي ام فرحتي لما راح رئيس تونس او مصر
وسبب الاطالة انو ماعم يروح بسرعة لانو للاسف عم تحاول الدول الغربية وامريكا
انو تلاقي نظام موال بديل.
انا تابعت حالة مصر لحظة بلحظة واول شي كان مطلب امريكا اصلاحات وبالحظة يلي عين مبارك
عمر سليمان نائب تغير الخطاب الامريكي وصار عم بقله لمبارك التنحي الان يعني الان
وهاد يلي خلى مبارك يسلم الجيش الحكم مو نائبه لانو حس بالخدعة الامريكية
وطبعا امريكا عندها كمان رجالها بالجيش المصري
ونسبة شباب الفيس بوك بثورة مصر كانوا من ثلاثة لخمسة من كل الف متظاهر
شو رأيك؟؟
أكيد أنا فرحت لسقوط رئيس تونس و مصر كمان ... و كنت بانتظار تنحيهم بفارغ الصبر
و أنا ذكرت أنه أنا مو ضد الثورات إطلاقا ... لأنه أنظمة فاسدة متل هي ... بتستحق أكتر من هيك ...
بس بنفس الوقت .... أنا ( برأيي الشخصي ) ... بحس أنه في ناس عم تحرك الثورات بطريقتها الخبيثة لتحقيق مصالحها الخاصة
و متل ما ذكرت حضرتك بما يخص امريكا و مصر .... طيب هاد دليل على أنه هالدول ما رح تترك الدول العربية بحالها ...
من مصلحتها الإبقاء على حالة الفوضى و عدم الاستقرار .... و تعزيز الانقسامات و النزاعات داخل الدولة نفسها ...
كتير ممتاز أنه سقط الحكم بمصر و بتونس .... بس الخوف من بعدين ... يعني دول عم تعاني من الاضطراب و الفوضى بهالشكل ...
معقول الدول الكبرى ما تستغل هالأوضاع السيئة لصالحها !!!!!!
و أنا هاد بالضبط يلي عم احكي عنه ....
بعد سقوط الحكم ... في مخاطر كبيرة رح تواجه الدول ... و في فخ أكيد رح تنصبه الدول الكبرى لهالدول ...
و خاصة بظل الانقسام داخل الدولة نفسها ....
لذلك أنا النقطة يلي عم احكي عنها .... أنه الشعب ينتبه تماما ... أنه في أطراف خارجية رح تحاول تتدخل بطرق جدا خبيثة ..
طبعا في سبيل السيطرة على هالبلدان .... لذلك لازم الشعب العربي ينتبه كتير لهالناحية ... كرمال ما ينتقل من وضع سيء لوضع أسوأ ..
أنا ما عم اعترض على إسقاط الأنظمة .... و لكن في خوف من الشي يلي بدو يصير بعدين .... و لازم يكون في وعي كتير لهالنقطة
و بالنسبة لموضوع الفيس بوك .... أكيد مو كل المتظاهرين كانوا عن طريق الفيس بوك .... بس كانت البداية طبعا من الفيس بوك ...
باختصار أنا بقول أنه الشعب كان معه كل الحق بإسقاط الأنظمة ....
بس بعتقد أن الدول صاحبة المصلحة كان لها مساهمة غير مباشرة بالشي يلي صار
و هي يلي أشعلت نار الفتنة بداية
( و إلا بعد كل هالصبر بكل الدول ... ليش هلأ فجأة توالت الأحداث !!!!)
لذلك أنا بعتقد أنه في شي مخطط ...
و طبعا من مصلحة الدول الكبرى تتدهور البلادالعربية أكتر من هيك ....
لذلك لازم يتم الانتباه كتير ... لأنه الدول عم تمر بمرحلة حرجة جداا
بشكرك كتير على اهتمامك و متابعتك
و أهلا و سهلا فيك معنا بالملتقى
و سوري ع الإطالة ... بس عم حاول قدر الإمكان قربلك وجهة نظري بالموضوع ... مشان ما تفهمني غلط
مع احترامي الشديد لوجهة نظرك
تحيتي
التعديل الأخير تم بواسطة Sanaa ; 02-23-2011 الساعة 02:23 AM
و بالنسبة لموضوع الفيس بوك .... أكيد مو كل المتظاهرين كانوا عن طريق الفيس بوك .... بس كانت البداية طبعا من الفيس بوك ...
طبعاً ياسناء ... الفيس حلقة في سلسلة .. منها الحلقات التالية ... قناة الجزيرة وهي آخر هذه الفقرات وأهمها على الإطلاق .. وليت العرب يفهموا ذلك ... عندما تأسست القناة كان فيها ثمانية موظفين أساسيين يهود مهمتهم .. تنقيح الخبر وتقديم المهم على غير المهم و.. و.. ومنهم المُعِدّ والمذيع عازار الذي قال : أنا أعترف أني يهوديٌّ .. أما الحلقات الأوائل فتعود إلى سنوات ... يحتل الإعلام جزءاً هاماً منها ... ألا ترون أن الإعلام يحرك كل شيء في أسواق المال والأعمال والحروب والفتن و.. و.. ويشحن الناس في أمريكا لعشر سنوات عبر الcnn قبل شن الحرب على العراق .. ومنها تكريس ( باختصار ) الحالة من الجوع والبطالة واستحالة شراء بيت وتأسيس أسرة لكل شاب حديث التخرج .. وعودوا للبروتوكولات .. نحن أمة لا تقرأ
الذين يشاهدون الموضوع الآن: 3 (0 من الأعضاء و 3 زائر)
مواقع النشر (المفضلة)