انا برأيي أنو الشعوب ما عم تثور من اجل الجوع او البطالة
الشعوب عم تثور من اجل البحث عن كرامتها يلي ضاعت
بعد حرب العراق 2003 وحرب لبنان 2006 وحرب غزة 2009
ومواقف حكامها وقياداتها المخزية.
واذا كانت الشعوب عم تثور من اجل البطالة والجوع فهاد عار على الشعوب
لان كان في شي اهم تثور من اجله
على كل حال انا بطمنكن انو بسوريا مابصير هيك ان شاء الله
لان سياسة الدولة بترفع الراس بالمواقف العربية وبالقضايا العربية وانتو معظمكم مغترين وبتعرفو
كيف بيستفبلونا العرب الاحرار وبناقشونا
فأنا صرت اول ما ادخل على سوبرماركت صاحبو يمني او مورتاني او مصري او..او..
اول شي بقولو انو انا سوري بصير بقلي (والله العظيم ) السوريين الله يحميهن
فتحو الحدود مع العراق وساعدو اللبنانيين بالحرب وعم يساعدو الفلسطينيين
ومنفوت على سوريا بدون فيزا ووووو.... وبسوريا منحس حالنا ببلدنا
وأخيرا بدي قول كلمة وأسف على الاطالة
مادام قرارات القيادة بتتماشى مع قرارات الشعب ما في خوف على سوريا باذن الله
يعني انت كمواطن سوري بقرارة نفسك كنت مع المقاومة بغزة ولبنان والقيادة كانت هيك قولا وفعلا
اما القيادة بمصر كلنا منعرف كيف كانت وتونس مادخلها ابداصارت كانها بلد اوروبي
وليبيا كانت قولا فقط والله يحمي سوريا
بس يا اخت سناء لهلأ ما شفنا نظام راح بينبكا عليه او حتى منزعل انو راح
يعني انت زعلتي ام فرحتي لما راح رئيس تونس او مصر
وسبب الاطالة انو ماعم يروح بسرعة لانو للاسف عم تحاول الدول الغربية وامريكا
انو تلاقي نظام موال بديل.
انا تابعت حالة مصر لحظة بلحظة واول شي كان مطلب امريكا اصلاحات وبالحظة يلي عين مبارك
عمر سليمان نائب تغير الخطاب الامريكي وصار عم بقله لمبارك التنحي الان يعني الان
وهاد يلي خلى مبارك يسلم الجيش الحكم مو نائبه لانو حس بالخدعة الامريكية
وطبعا امريكا عندها كمان رجالها بالجيش المصري
ونسبة شباب الفيس بوك بثورة مصر كانوا من ثلاثة لخمسة من كل الف متظاهر
شو رأيك؟؟
هنا جوهر الكلام ..
مثلما ذكرت الاخت سناء
لماذا هذا التسارع العجيب في توالى الثورات ضد الزعماء
تونس
مصر
ليبيا ربما
وغدا وغدا ؟؟؟؟؟؟
هذا إن دل يدل على شيئ واحد وهو
كل هذا أو كل ما يحدث ما هو إلا بفعل فاعل وأيدي خارجيه
ليس لها علاقه بأن الشعب قد ثار على الظلم والفساد
ألا نسينا عندما قالت كونداليزا رايس حينما قالت
نسعى من أجل شرق أوسطي جديد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هنا السؤال الذي يطرح نفسه !!!
ماذا قصدت أمريكيا بذلك ؟؟؟
أعتقد وصلت الرساله
تحياتي والله يستر من يللي قادم
Aramees
يوجـد دائما من هو أشقى منك .. فابتســـــم
شق طريقك بابتسامتـــــك
خير لك من أن تشقها بدموعـــــك
ARAMEES
المشاركة الأصلية كتبت بواسطة saherrr
أكيد أنا فرحت لسقوط رئيس تونس و مصر كمان ... و كنت بانتظار تنحيهم بفارغ الصبر
و أنا ذكرت أنه أنا مو ضد الثورات إطلاقا ... لأنه أنظمة فاسدة متل هي ... بتستحق أكتر من هيك ...
بس بنفس الوقت .... أنا ( برأيي الشخصي ) ... بحس أنه في ناس عم تحرك الثورات بطريقتها الخبيثة لتحقيق مصالحها الخاصة
و متل ما ذكرت حضرتك بما يخص امريكا و مصر .... طيب هاد دليل على أنه هالدول ما رح تترك الدول العربية بحالها ...
من مصلحتها الإبقاء على حالة الفوضى و عدم الاستقرار .... و تعزيز الانقسامات و النزاعات داخل الدولة نفسها ...
كتير ممتاز أنه سقط الحكم بمصر و بتونس .... بس الخوف من بعدين ... يعني دول عم تعاني من الاضطراب و الفوضى بهالشكل ...
معقول الدول الكبرى ما تستغل هالأوضاع السيئة لصالحها !!!!!!
و أنا هاد بالضبط يلي عم احكي عنه ....
بعد سقوط الحكم ... في مخاطر كبيرة رح تواجه الدول ... و في فخ أكيد رح تنصبه الدول الكبرى لهالدول ...
و خاصة بظل الانقسام داخل الدولة نفسها ....
لذلك أنا النقطة يلي عم احكي عنها .... أنه الشعب ينتبه تماما ... أنه في أطراف خارجية رح تحاول تتدخل بطرق جدا خبيثة ..
طبعا في سبيل السيطرة على هالبلدان .... لذلك لازم الشعب العربي ينتبه كتير لهالناحية ... كرمال ما ينتقل من وضع سيء لوضع أسوأ ..
أنا ما عم اعترض على إسقاط الأنظمة .... و لكن في خوف من الشي يلي بدو يصير بعدين .... و لازم يكون في وعي كتير لهالنقطة
و بالنسبة لموضوع الفيس بوك .... أكيد مو كل المتظاهرين كانوا عن طريق الفيس بوك .... بس كانت البداية طبعا من الفيس بوك ...
باختصار أنا بقول أنه الشعب كان معه كل الحق بإسقاط الأنظمة ....
بس بعتقد أن الدول صاحبة المصلحة كان لها مساهمة غير مباشرة بالشي يلي صار
و هي يلي أشعلت نار الفتنة بداية
( و إلا بعد كل هالصبر بكل الدول ... ليش هلأ فجأة توالت الأحداث !!!!)
لذلك أنا بعتقد أنه في شي مخطط ...
و طبعا من مصلحة الدول الكبرى تتدهور البلادالعربية أكتر من هيك ....
لذلك لازم يتم الانتباه كتير ... لأنه الدول عم تمر بمرحلة حرجة جداا
بشكرك كتير على اهتمامك و متابعتك
و أهلا و سهلا فيك معنا بالملتقى
و سوري ع الإطالة ... بس عم حاول قدر الإمكان قربلك وجهة نظري بالموضوع ... مشان ما تفهمني غلط
مع احترامي الشديد لوجهة نظرك
تحيتي
التعديل الأخير تم بواسطة Sanaa ; 02-23-2011 الساعة 02:23 AM
الذين يشاهدون الموضوع الآن: 3 (0 من الأعضاء و 3 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)