يا لطيف شو ظريف و مثير للجدل هالموضوع ...
بالنسبة إلي ... أنا ضد و مع بنفس الوقت !!
مع المفهوم النظري الصحيح للمساواة
و ضد التطبيق العملي الخاطئ ... الناتج طبعا عن الفهم الخاطئ للمساواة بشكل عام
أنا ضد الشعار القائل : " الرجل = المرأة "
المرأة لا تساوي و لن تساوي الرجل بأي حال من الأحوال
الرجل : رجل ..... و المرأة : مرأة
و يلي بيقول غير هيك ... معناها بدو ينقلب على قوانين الطبيعة و الحياة ... و بدو يعاكس سنة الكون
لو كان الرجل = المرأة فعلا ... ما كان في رجل و مرأة بالحياة .... كان بيكفي وجود نوع واحد
هي حكمة رب العالمين ....
بس أنا مع المفهوم الصحيح للمساواة ... و القائم على أساس :
مساواة المرأة بالرجل بما يخص الحصول على حقوقها ( و مليون خط تحت كلمة حقوقها ... و خاصة ضمير " ها " )
يعني متل ما الرجل بيحصل على حقوقه بالمجتمع ... لازم المرأة تحصل على حقوقها كمان
( حقوقها بس ... دون التعدي على حقوق الرجل ... و دون أن يتعدّى الرجل على حقوقها )
لأنو كمان في ناس بيقولوا أنو الرجل و المرأة لهم نفس الحقوق و عليهم نفس الواجبات !!
و طبعا كلنا بنعرف أنو في حقوق و واجبات مشتركة بين الرجل و المرأة ...
و في حقوق و واجبات خاصة بالرجل ( بما يتناسب مع طبيعته ) ... و حقوق و واجبات خاصة بالمرأة ( بما يتناسب مع طبيعتها )
و ما بيصير حدا منهم يتعدّا على حقوق التاني ...
الغرض الأساسي من المساواة ...
هو رفع الظلم الواقع على المرأة من خلال حرمانها من بعض حقوقها ( و خاصة " برأيي " : حرية الرأي و التعبير )
و بالتالي إصلاح العلاقات القائمة ما بين الرجل و المرأة ...
بس يلي صار عكس هيك تمام .. العلاقات خربت ... المشاكل زادت ... حالات الطلاق بتزايد مستمر
صار دايما في حرب ما بين البنات و الشباب ... و الشاطر مين بدو يغلب !!
و طبعا السبب بكل هالشي ... مو المساواة بحد ذاتها ... بل الفهم الخاطئ للأسف للمساواة
صارت القصة تحدي ... و كأنو عايشين بساحة معركة ... و نسينا تماما العلاقة المتكاملة ما بين المرأة و الرجل ...
و المشكلة الأكبر أنو بمجتمعاتنا ... البعض طبق المساواة على كيفه و بما يتناسب مع مصالحه ( دون الاهتمام بالغاية الأساسية )
يعني على سبيل المثال : صارت البنت تقول أنا من حقي ارجع ع البيت الساعة 12 بالليل لحالي بدون ما حدا يحاسبني
مو هيك بيعمل أخي ؟؟؟؟ ..... هي المساواة !!!!!!!!
بعض الناس اهتموا بأمور سطحية جدااا و خاطئة ... و نسيوا المضمون العميق للمساواة للأسف
نسيوا انو الغرض من المساواة ( بمعناها الحقيقي ) ... إعطاء الاحترام اللازم و النظرة الراقية للمرأة
المرأة التي لا يمكن في يوم من الأيام أن تساوي الرجل !!
لأنو برأيي و باختصار :
المرأة رائعة لكونها مرأة ... و الرجل رائع لكونه رجل
و الأروع الاحترام المتبادل ما بينهما ...
سوري كتير دمعة .. طولت مو !! أكيد مو ههههه
بس الموضوع حلو و مهم جداا ... بالنسبة إلي الحكي فيه ما بيخلص
طبعا هاد رأيي الشخصي ... مع احترامي لآراء الجميع ( أعضاء و عضوات )
تحيتي إلك دمعة ع الطرح الحلو
و تحيتي للجميع
التعديل الأخير تم بواسطة Sanaa ; 03-14-2011 الساعة 06:50 PM
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)