مجموعات منظمة بعدة دول وفضائيات مضللة تكذب لنشر الفوضى في سورية

[CANCER]

انا الصراحة سمعت واحد من السويد الناطق الرسمي باسمهن . قال نحنا ما بدنا نسقط نظام ولا بدنا نغير حكومة كل اللي بدون ياه هو الغاء قانون الطوارئ واعطاء شوية مجال للكلام بس !!

وما كانوا اضطروا ينزلوا عالشوارع لولا انه هالقوانين معمول فيها من اربعين سنة وما عادت تتغير بالرغم من كل المطالبات !

[ريماس]

اهلين فيكم وشكرا لكم على مروركم تحيتي لكم

[hussam-86]

معقول كل هالانباء عن وقوع ضحايا كذب فهمنا محطة واحدة تكذب الباقي عشرات المحطات تناقلت هذه الاخبار حتى قناة الجزيرة التي ملكها على علاقة طيبة بالرئيس الاسد نقلت هذه الانباء وبعدين يا مديرة هذه المحطات ما الها اي مصلحة لا مع سوريا ولا مع غير سوريا ومتل ما شفنا ان التصوير كله على الخليوي وبالتالي هناك مصداقية بعدين مع كل هاد الشي الي عم تساوي انتي وغيرك من اجل تنصيع وتبييض صورة الامن السوري في اعين الناس ما في داعي تبيني للناس حقيقة الامن السوري لان الامر بات مكشوفا الى كل الشعب السوري ومعروف مين هو رستم غزالي ومين الباقي ....... وما انتي ولا غيرك بيحدد للشعب السوري مين بيحب ومين بيكره وخدام احد اركان النظام البائد ومش الوا شي بها البلاد واذا رجع على سوريا رح يندفن فيها باذن الله هو وغيروا وبعدين كيف عم تحكي انوا المطالب ممكن تتقدم الى المسؤولينن وهنن بيتكفلوا بالباقي والله ملايين بل عشرات المللايين من الطلبات التي قدمت من اجل الرشاوي الي بتحصل في سوريا فقط ما حدا رد عليها وملايين الطلبات قدمت من اجل انتهاكات التي بيقوم فيها عائلة الرئيس وما حدا رد على هذه الطلبات اما بالنسبة للاصلاح الي بتحكي في حضرتك هاد ما شفنا منو شي على مدار 11 سنة من حكم الرئيس الاسد وانا تحداكي انتي وغيرك ممن يدافع عن النظام المخابراتي ان ياتي بشيء جيد فعله الرئيس الاسد انا بقلك شو عمل دايما بيقول انو نحنا في حالة حرب مع العدو الصهيوني هادي حفظناها بس هاد الحكي ما بيعطيني شغل ومصاري ورفاهية وابسط حقوق الي بيفتقدها 90%من الشعب السوري وال10%معروفين مين هنن هنن الي بياخدوا كل الاموال الن لك انا ما عم افهم واحد بدو يصلح 11 سنة ما قدر يعمل شي ممكن حدا يفهمني ياها لهادي كيف بدو يعمل اصلاحات وله في الحكم 11 سنة وما عمل اصلاحات الرجاء احد ما يفهمني هذا الامر.................. انا بترجاكم لانو اذا ب11سنة ماعمل اصلاحات ايمت بدو يعمل بعد ما يموت نصف الشعب السوري ؟. اما بالنسبة للمواطنين الي اتصلوا بالشرطة واعتذروا منن والله هاد الحكي مانوا صح لانو الشرطي السوري بيعامل المواطن السوري كانوا واحد يهودي ولو الامر بايد الشرطي يمصلوا دموا للمواطن ما بيقصر وهاد الشي معروف وملموس عند كل الشعب السوري وبتمنى منك انو لاتحاولي تبيضي صورة المخابرات السورية لانو معروفين مين هنن
مثل ما قال الشاعر : اسد علي وفي الحروب نعامة
وهاد حال المخابرات السورية بتعرف تقتل شعبها وتعرف دوس عليه وتهين كرامة الشعب بس هنن ما حاسبين انوا يو الك ويوم عليك وانو ما دامت لحدا ولكن هيهات هيهات هذا الامر ولا باذن الله عز وجل والشعب السوري اليوم غير مبارح وبكرا غير اليوم وما دامت لحدا لكن معقول 40 سنة الشعب السوري محكوم من عائلة واحدة والله في شي مانوا نظامي في شي غلط 40 سنة
وبتمنى من الشعب السوري يخلع ثوب الخنوع والخوف ومن شو خايفين من الموت كلنا اموات والموت بعزة وشرف افضل من الموت بذل وخنوع ونحنا لسنا احسن من ال4 شباب الي ماتوا
واما حياة تسر الصديق واما مماة تغيظ العدى
بتمنى ما عاد اسمع هيك خطابات وهيك ترهات لانوا نحنا الشباب نحنا الي بدنا نحقق الثورة
فاذا كان شبابنا كلوا بيحكي هالحكي معناتا على الدنيا السلام
شكرا