ما هي المصيبة التي فعلتها بصغرك

[Ahmadgsr]

والله هادا اللي صار معي
بس وقتها ما كنت أصلع

[jorybassam]

اما انا فطبعا من زمان عندي حب للمطبخ وكوني انا اكبر اخواتي فصدف مرة انوماما كان عندها مشوار وبقيت بالبيت انا واختي فجأة خطرلي اعمل مفاجأة لماما فتحت البراد لقيت صحن صغير في شوية بقدونس قلت منيح طبعا فرمت بندورة وبصل ونعنع وحطيت حمض وحطيت لهالبقدونس كاسة ونص برغل ياحزركم شوكنت عماعمل؟طبعا تبولة واجت ماما وكانت الكارث لما شافت المفاجأة لانوالتبولة وقتها كانت برغل ومعو شوية بقدونس طبعا بهدلتني وقالتلي ابقي لا تشتغلي شي مابتعرفي وقتها كنت بصف الرابع.

[Ahmadgsr]

اما انا فطبعا من زمان عندي حب للمطبخ وكوني انا اكبر اخواتي فصدف مرة انوماما كان عندها مشوار وبقيت بالبيت انا واختي فجأة خطرلي اعمل مفاجأة لماما فتحت البراد لقيت صحن صغير في شوية بقدونس قلت منيح طبعا فرمت بندورة وبصل ونعنع وحطيت حمض وحطيت لهالبقدونس كاسة ونص برغل ياحزركم شوكنت عماعمل؟طبعا تبولة واجت ماما وكانت الكارث لما شافت المفاجأة لانوالتبولة وقتها كانت برغل ومعو شوية بقدونس طبعا بهدلتني وقالتلي ابقي لا تشتغلي شي مابتعرفي وقتها كنت بصف الرابع.

منورة اخت جوري شكرا لمصيبتك
والحمد لله انها كانت بأقل خسائر من مصائب باقي الأعضاء

تحيتي لكِ

[Jude]

أما انا فهي يعني شوية شقاوة مو مصيبة بس وأنا عمري 3 سنين طبعا في يوم بقولوللي ما بتنسا كان يوم الشقاوة عندي
أول ما فقت من النوم رحت على خزانة الشوز وطلعتهم كلهم وصفيتهم واحد جنب التاني دور مدار غرفة السفرة و طلعت الطناجر والصحون اللي وصلتلهم حطيتهم تحت الطاولة والكراسي وطبعا بعد البهدلة ولوشة امي يعني بعد الضهر رحت عل المطبخ وطلعت الزيت و أخدت معي صحن وحطيتهم بنص الصالون و قال يعني بدي صب الزيت بالصحن بس سدقوني ولا نقطة اجت قلب الصحن يعني جنبو وكمان اجو أهلي وبهادل وما بعرف شو .................
رحت شفت بابا عم بصلي العصر خليتو عم يسجد وفتحت قنينة مي باردة تلج وكتيتة عليه بس مابعر شو خطر عبالي وقتها ههههههههههههههه بس بابا كان كتير حباب يعني ما صرخ علي كان عم يضحك وماما عم ينحرق دمها
وبعد ما خلصنا غدا وبدنا نطلع مشوار رحت ولعت ببرادي المطبخ يعني سويت حريقة بس كانت صغيرة يومها يعني فورا لحقوني
ما بعرف اذا نسيت شي لانو متل ما بيحكو هاد يوم ما بيتنسى كان حافل بالشقاوة بس والله زعلت ع امي كمان الله يعينها