مظاهرات في جميع المدن السورية إلا حلب ؟

[أيهم العلبي]

أنا من حلب أخي الكريم و أهل حلب ما بيقصروا و تاريخهم بيشهد
لكن حلب الها الاهمية الكبرى من قبل النظام السوري بسبب قوتها الاقتصادية الكبيرة و عدد سكانها و أنا بأكدلك يا صديقي العزيز اذا تحركت حلب فأيام النظام بتصير معدودة
لذلك النظام بدو يعمل المستحيل حتى لا تتحرك اكبر مدينة سورية و هدا الشي اللي عميصير و وصلتني اخبار بأنو اي تجمع بأي شارع من شوارع حلب عميتم قمعو بقوة و بقسوة شديدتين
متل ما عملوا بالجامع الاموي في حلب من بداية المظاهرات
لكن يا اخي الكريم ما خفي كان اعظم و الاخبار كتير شحيحة عن سوريا بشكل عام و عن حلب بشكل خاص و ما حدى بيسترجي يحكي كلمة لا عالهاتف و لا عالنت و لا اي وسيلة اتصال تانية لاني كلشي مراقب
و بدي ضيف شغلة اذا ما قدروا يوصلوا للشخص المطلوب فما رح يتورعوا عن اعتقال اهلوا و اخواتو و كل اقرباؤه و ممكن يكون الثمن غالي كتير في بنات و في اهل و في اطفال و ما خفي كان اعظم

[hussam-86]

اخي الكريم اول شي مشكور على المرور وبتمنى ما تزعل لانوا عم احكي عن حلب هيك لانوا مستغربين من الي عم يصير بحلب ونحنا واهل حلب واحد وانا عم احكي هيك منشان كل اهل حلب تقوم لانوا اذا قامت حلب خلص راحت على النظام وبرجع وبقلك بتمنى ما تزعل مني انت وكل حلبي نحنا منعرف هاد الي عم يصير خارج عن ارادة الشباب الحلبي بس بتمنى لا تنسوا دم شهدائنا الي سقطوا الي هنن شهدائكم قبل شهدائنا لانن سوريين بس ومشكور على المرور

[ابو عمر]

فيما قام ملثمون على دراجات نارية بإطلاق النار بشكل عشوائي على المواطنين، مما أدى إلى وقوع إصابات.

[king-of-nothing]

إلك الله يا سوريا وإلكوم الله يا شعبنا الكريم



King of Nothing