النظام السوري في الميزان

[أيهم العلبي]

اخي الكريم بحكم غربتي ادركت مدى تأخر بلدي الحبيب سوريا حضاريا
ان ما تملكه سوريا من ثروات منها طبيعه واقتصاد وعقول بشريه يؤهلها ان تكون بالمقدمه
مع الدول المتحضرة المتقدمه على جميع المستويات
ولكن الفساد المسيطر هو سبب التأخر الشديد بلا شك
اتمنى ان ارى بلدي في ابهى صورة
ولكن مالذي يجعلك تتأكد بأن سوريا لن تصبح عراق ثاني بل اسوأ
والله لست ممن يقدسون هذا النظام لا بالعكس
ولكن اخاف على اهلي وناسي مما سيحصل ان سقط النظام

أختي الكريمة حطيتي ايدك عالجرح تماما و لذلك انا بدي اسألك ليش خايفة على اهلك مين رح يأذيهم ؟ قصدك المخابرات و لا الجيش و لا غيرهم ..؟
بليبيا معروف مين عمضرب و عميضرب المتظاهرين السلميين بالبداية و كذلك الامر في اليمن و قبل ذلك في كل من تونس و مصر
ما هي هي مشكلتنا الخوف من المجهول و الخوف من بطش النظام الحاكم معك حق تخافي على اهلك و ناسك و انا كمان بخاف على اهلي و ناسي و على حالي كمان لاني انا بسوريا
لكن شو برأيك الحل.........؟
نضل خانعين و مذلولين و اموالنا عمتنسرق و تنهب من قبل قلة قليلة حكمت سوريا الابية
عدد سكان سوريا 40 مليون نسمة منهم 20 مليون فقط داخل الاراضي السورية و هي الاحصاءات من مجلة نقابة الاطباء و ممكن تتأكدي يعني احصاء حكومي
ليش 20 مليون سوري برا سوريا ليش
مع اننا دولة غنية بمواردها الطبيعية و البشرية
متل ما بيقول المتل ما في شي ببلاش
اخوتنا المصريين دفعوا دم 856 شهيد و نجحت ثورته و فرحتهم هلأ ما بيعطوها لحدا
و كذلك التونسيين و الليبيين على الطريق و حتى الان 10الاف شهيد و اليمن بحدود 1000 شهيد حتى الان
اختي الكريمة انا بدعو للاصلاح و ليس للسلاح
و التظاهر حق يصونه الدستور و كل شعبنا فهمان و مالو بالعمليات المسلحة و لا القتل و القتل المضاد
و بتمنى أنو يصير عندنا اصلاح حقيقي لاننا بنستاهل
و ليس ضحك عالذقون كما حصل في تشكيلة الحكومة الجديدة
15 وزير جديد و لكن 15 وزير قديم و كأني العلة في الوزراء الذين تغيروا و ليس في الذين لم يتغيروا
هل تعلمين ما كان منصب وزير الداخلية الجديد في السابق .... مدير سجن تدمر السيء السيط
و بعد كل هاد بتسدئي انو تغيير الحكومة رح يغير شي
اصلا ما هم الا ادوات تلعب بهم اجهزة الامن كما تشاء
تقبلي ردي و لك كل الشكر و التحية