دعاء لاهلنا في سوريا

[fareslove]

وكالات الأنباء تتساءل ..أين القائد العام للجيش والقوات المسلحة وقد قتل جميع قادة جيشه ...لم لا يلقي خطاب ينعيهم

لك شو بدكن ياه يطلع يقول (( دقت ثاعة الهرب ..دقت ثاعة الانتخابات ..هروب هروب جيبولي ثيارة ...قثدي طيارة ..احجزولي على روثيا ) هههههههه

[ريحانةُ الجنّه]

دكتورة ميسا بعيداً عن طائفتك وديانتك ومكان تواجدك وانتي من انصار بشار او معارضية اتركي كل هدول وحاولي تفكري بحاجة وحده بس وهي ( انتي ك انسانة ك وحدة من بني البشر تتحملي رؤية الدم والتهجير والتشريد !! تتحملي رؤية الاطفال يذبحون !!! تتحملي الظلم " بتتحملي وجودك ببيتك وبين اهلك وتلاقي حالك صرتي ببركة دم من دماء عيلتك واخواتك ؟ ويا ترى بترضي تعيشي بذل سنين وسنين وما تسترجي تقولي لا )
فكري ولو لمرة وحده ك وحده حرة بافكارها ومو مقيده بافكار غيرها وشو زرعو جواها من اكاذيب . فكري ك ميسا
دكتور ميسا قبل حوالي 8 سنوات او اكثر شوي كنت لسا صغيره وطلعنا بزياره لسوريا مع أهلي من بعد منع سنينن لحاملي الجنسيه الفلسطينيه دخول الاراضي السوريه وبمرة موكب مهيب مر ونحنا بتكسي بوسط الشارع طبعا الكل تنحى واخد الجنب من الرصيف على شان يمر هالموكب واذا ب اسماء بسيارتها بتمر بابا بكل برود قال كل العجقه هاي على شان اسماء تمر الشوفير قام قلو يستر على حريماتك وطي صوتك خلينا مستورين بنمشي الحيط وبنقول يا رب السترة
كلامي هادا قبل 8 سنين يعني قبل الثوره بسنين وسنين المقصود الشعب من يومو دايق المر وساكت وما بسترجي ولما ما قدر يتحمل اقام ثوره والي هي ثورة الحق ثورتو ليقول كلمة وحده انا انسان والي حقوق
يا ترى يا دكتور ميسا الانسان هادا وغيرو من الشعب السوري "" اسرائيلي ولا امريكي ولا ارهابي ولا عراقي ولا مصري "" هو سوري اب عن جد بس حقو وحقوق غيرو ضاعت وراحت كلها لطائفه وحده طائفه بشار ومؤيدية
ويا ستي قلتي بمره ((من ايمتى بيصير عنا هيك شي لولا دخول المسلحين الكفرة ؟
وايمتى نحنا شفنا اي موقف سيء لسيادة الدكتور بشار الاسد قبل الأزمة ؟
هو من نبل اخلاقه ورقة قلبه لم يقبل بالحسم الا بعد استجداء الشعب له
وقناة الدنيا هي قناة الحق والصدق))
تعالي يا شطوره وقوليلي / مين سمح للكفره بالدخول ولا الحدود ما عليها جيش بشار على شان تمنع الكفره هدول!
واذا انتي بعمرك ما شفتي لبشار موقف سيئ فبتكوني مو عايشه بالبلد بس غيرك شاف كتيييييرررررر
ونبل الاخلاق الي بتحكي عنو والي هو اكيد بعيد عن النبل ومتجرد من الاخلاق وما عندو قلب بشر قبل الحسم وهو على يقين انو لمصلحتو غير وزير جاب الالعن منو غير قانون امر بقانون اقسى منو
وجينا لقناة الدنيا وما ادراكي ما الدنيا اي نعم هي صادقه والصدق بشر شر شرشره لدرجه انو بتعمل مقابلات مع الناس وبتسالهم بالله كيف الوضع بالشارع السوري فبقومو بجاوبو يييييييوه غير شكل عال العال ما في منو والجيش الاسدي محيط بالسياره والشارع الي واقفين عليه ارضو علامات الدبابات والمجنزرات واضحه وضوح الشمس """ وعلى فكره العائلة هادي كانت طالعه رحلة بس على شان الالعاب الناريه الي في اجواء سورريا ويلي اطلقت بهجة بحلول رمضان رجعو انزعجو من الصوت يا حرام """
بشار راعي وكل مسؤول عن رعيته وشعبو ورعيتو اندبحو وتشردو فهو ملزم امام الله وامام الحق وامام الانسانيه بالمساأله والمحاسبة بشار ما همو غير الكرسي ما همو غير السلطه ولو كان غير هيك ما كان شعب مكون من مئات الالاف الثورة ضدو وضد حكمو لو كل هدول الالاف غير سوريين وين راح الشعب السوري ؟
بالنهاية الله عادل وما بنتصر غير الحق عاجلاً ام اجلاً
اللهم انصر الحق واعلي كلمة الحق وارنا باعدائك عجائب قدرتك

[ماهرالفيزو]

قشعر او ئشعر بدنيييييييييي
ياريتو لو يفهم ويتنحى ويخلي هالشعب يرتاح احسن مايصير فيه متل ماصار بصدام
عم يحكو عن وجود اسلحة كيميائية ومابعرف شو .. بدكن امريكا تجي عالبلد وتخربها على اساس انو هي جاية تدور على هالاسلحة؟؟
متل ماصار بالعراق قال فيه اسلحة دمار شامل واجو وظلو8 سنين مات الي مات وتهجر اللي تهجر واخر شي طلعو ومالقو اسلحة الدمار الشامل
بس دمرو البلد وسلموها للمجوس وطلعو !!
بدو هيك يصير ويتدمر الشعب !! شوفي قديش عدد نفوس سوريا كل هدول برقبتو على فكرة
لو فعلا بدو مصلحة الشعب كان من اول ماصارت الثورة من اول مابلشت من درعا يطلع ويقول انا بتنحى وخلي الشعب يختار ..
ولو عمل هيك لكان هلأ كل الشعب حبو حتى معارضيه لأنو تنحى كرمال شعبو .. بس بني آدم طماع والدنيا دوارة والله يعطيكي العمر والصحة لتشوفي كيف رح تدور الدنيا

والله يادمعه والله يستر رح يصير نفس سيناريو العراق

الملاحظة: بتقول انو ارميكا مارح تتدخل حتى تشوف بشار ساقط وتلمحياتها الاخيرة بشأن الكيماوي هي اعترافها بسقوط بشار واعتراف بشار نفسه بسقوطه

من حيث الكيماوي وهي اخ رورقة لعب عندها وهي ورقة خاسرة بجدارة

ومن حيث القنواتالاعلامية الي عم تصرح ممكن يجو العصابات المسلحة ويخترقوها ويبثوا اشاعات كازبة من سقوط نظام الى الى الى


اما امريكا الي رح يدخلها هو نفسه بشار وماهمها الوحيد الا انها تقضي ( بمنظارها على الاسلامينن المتشددين )


محدا بريد لبلده الخراب ولاكن بشار اعلنها حرب مفتوحة مع ابناء سوريا وهو محتل بشائر النشر سوف تهل عن قريب بأزن الله سبحانه وتعالى

[Dr Mayssa]

جواب للأخت الفاضلة ريحانة الجنة
اشكرك في البداية لأنك تتكلمين بلغة العقل وانا سأجيبك انشاء الله بلغة العقل ايضا
لايوجد انسان في الكون كله مهما كان يملك من القساوة ان لايتأثر بالقتل والتشريد
وانا لن اتكلم عن نفسي والله وحده يعلم ما املكه من احساس ولكن لماذا تحكمين ان الدولة السورية والجيش النظامي هو من يقتل ؟
لماذا لايكون هناك فئة ثالثة غرضها الفتنة والإيقاع بين صفوف الشعب الواحد
والله يا أختي انا متأكدة تماما والله على ما اقوله شهيد ان الجيش النظامي برئ براءة الذئب من دم سيدنا يوسف برئ من القتل
وأن الجماعات التكفيرية التي دخلت البلد هي وراء كل الجرائم وهي تحاول بما تملك من فكر شيطاني ان توقع بين افراد الشعب
وانا اعلم ان الجيش النظامي لم يتدخل الا في الشهر الماضي وبعد ان فاقت جرائم المجموعات الارهابية كل حد وكل تصور
الارهابيين هم من يقتل المدنيين والارهابيين هو من يذبح الجيش والمدنيين
انا كل يوم اصلي وابكي وادعو الله العظيم رب العرش العظيم ان يسحق الفتنة في ارضها ويحمي شعب سوريا كله
انا احب الرئيس بشار الأسد ويجب ان تعترفي ان مؤيديه اكثر بكثير من معارضيه
نحن نحبه لأنه رمز سوريا القوية الأبية ..هو الرئيس العربي الوحيد الذي لم يصافح الاسرائيلي ولم يرضى بشروطه
هو الرئيس العربي الوحيد الذي فتح الابواب للفلسطينيين واللبنانيين والعراقيين على الرغم من كل التبعات التي تحملتها سوريا بسبب لجوءهم
اعطيني رئيس عربي واحد خدم القضية الفلسطينية متل الرئيس الأسد
انت قلت ان الناس اثناء مرور اسماء الاسد وقفوا على جنب الطريق
وانا بقلك هيدا شي بيحدث في كل الدول في بريطانيا مثلا لما يمر موكب ملكي كل الناس توقف على جانب الطريق هيدا مو سبب للبغض والكره
مرة ثانية انا ضد القتل بكل اشكاله ولكن خلونا نكون ايد واحدة في وجه العدو الحقيقي اللي عم يحاول يلهينا بنزاعات داخلية
خلونا نركز على مصلحة سوريا العليا شفنا شو عملت امريكا بالعراق وليبيا هل هذا هو المستقبل اللي نتمناه لبلدنا ؟
صدقيني يا اختي الكريمة الموضوع كبير كتير واكبر من مجرد معارضة الموضوع تدبير من امريكا واسرائيل لإسقاط سوريا
وانا رح قول لكل الناس اللي لسه عم تصدق اخبار العربية والجزيرة اصحوا يا إخوان هيدي فتنة كبرى
وبحب طمن امريكا انها فاشلة فاشلة فاشلة بإذن واحد احد وسوريا منتصرة والرئيس بشار الأسد مدعوم بغالبية الشعب
واتمنى السلام والخير لكل سوريا ويارب تشيل الغمة عن بلدنا وتحميه من الفتنة وتهدي الناس كلها يارب بحق هذا الشهر الفضيل
وبحق "من يجيب المضطر إذا دعاه " يارب احفظ سوريا وشعبها من كل مكروه ورد كيد أعدائنا إلى نحورهم قادر ياكريم