ولما بيوصل العريس للزفة بتبلش النسوان بالتهاليل وهون دور
بنت الغرام بكون وهي بيسة ومن ئلي بئولوها



اوها يا عريس لا تعبس

اوها فريد البقجة والبس

اوها شورابك عروق الريحان

اوها وسوالفها عروق النرجس

لي لي لي ليش

***

اوها ببيتنا رمانة

اوها حامضة ولفانة

اوها حلفنا ما منقطعها

اوها ليدخل عريسنا بالسلامة

لي لي لي ليش

***

اوها سعيد يا واحد

اوها محمد يا تنين

اوها واللي ما بيصلي عالنبي

اوها يعدم العينتين

لي لي لي ليش

***

اوها عاللعلي عاللعلعي

اوها يا صبايا تجمعي

اوها يا ليل طول طول

اوها ويا شمس لا تطلعي

لي لي ليش

***

اوها حصنتك بياسين

اوها ويازهر البساتين

اوها يا مصحف صغير

اوها على روس السلاطين

لي لي لي ليش

***

اوها شو هالنهار اللايق

اوها وفرحتلنا الخلايق

اوها وطقت قلوب الاعادي

اوها ولمن حقت الحقايق

لي لي لي ليش

***

اوها ديارنا كبيرة

اوها ودرج الحمام فيها

اوها وام العريس فرحانة

اوها والله ربي يهنيها

لي لي لي ليش

***

اوها يا عريس ريتو مبارك

اوها يا عريس السبع بركات

اوها وان شاء الله لما بيجيك صبي

اوها وبتكمل الفرحات

لي لي لي ليش

***

اوها جبينك بيلمع

اوها ادانك بتمسع

اوها ما منطلع من هون

اوها لتطعمينا ما ها لمجمع

لي لي لي ليش

***

اوها رفاع راسك واقشعها

اوها قبل ما تفرد مجمعها

اوها وان كان لك ص**** اهجرا

اوها وباب القهوة لا تعبرا

لي لي لي ليش

***

اوها يا جماعة كلكن

اوها وما نسينا فضلكن

اوها واليوم عنا

اوها وان شاء الله بكرة عندكن

لي لي لي ليش

***

اوها العريس يا واحد

اوها اخوه يا تنين

اوها يا خرزة زرقا

اوها ترد عنهن العين

لي لي لي ليش





وبعد ما ياخد العروس عروستو بكون صفي الجو شوي وبتبلش النسوان بالغنا ومنها الغنية الشهيرة



يا قضامة مغبرة.. ويا قضامة ناعمة

شوف عيني شوف

شوف روحي شوف

شوف حركاتي شو ناعمة

*

جبلي الحمرة بالورقة

قلتلو شفايفي ما بتلقا

قاللي تعي يا رشقة

وحمرني وانا نايمة

*

جبلي البوردة بالورقة

قلتلو خدودي ما بتلقا

قاللي تعي يا رشقة

وبودرني وانا نايمة

*

جبلي الشلحة بالورقة

قلتلو جسمي ما بيلقا

وقاللي تعي يا رشقة

ولبسني وانا نايمة

*

جبلي السوتيان بالورقة

قلتلو صدري ما بيلقا

وقاللي تعي يا رشقة

وزررلي وانا نايمة


وكماااااااااااااااان


يا شميسي طلعيلي
حتى أنشر غسيلي
غسيلي بالعمارة
نطت عليه الفارة
والفارة هندي هندي
والليلة نامت عندي
سرئتلي الصينية
حمرة و بيضة و بنية
طلعت عالسطوح
رماني الهوى
شافني الدكتور
وصفلي داوا
قالي فستق..بندق..كعب الغزالة
غزالة غزالة طاب جرحي طاب
والقمر سلاني ما خلاني نام
أخدونا وودونا
عل العسكر جابونا
مشينا مشينا
لئينا محمد
فتحلنا البوابة
قلنا وقفوا
فاطمة بنت النبي
شدي حصانك واركبي
لعند أبوك هالنبي
تفاحتو بجيبتو
الله يخليلو ميمتو


هي بالنسبة للنسوان الرجال غير



وبتمنى من ئلي عندو اي اضافات يضيفها


اما بالنسبة للشباب كالاتي

كمان يتبع