موضوع كتييير مهم فعلا ... مشكلتنا انه بمجتمعاتنا للأسف الاهتمام الأول (و الأخير أحيانا ) بيكون بالمظاهر و بس
و انا معك فعلا في أشخاص تحصيلهم العلمي مو كتير عالي .... بس هنن ناس مثقفين جدااا و قادرين على التكيف مع المجتمع و الناس بذكاء
مع احترامي لكل الناس ...بس في كتير ناس دارسين و ما لهم أي علاقة بالثقافة المجتمعية و كيفية التعامل مع الآخر( طبعا ما عم احكي عن الكل )
و بالمقابل ممكن تلاقي ناس الظروف ما ساعدتهم لمتابعة الدراسة بس هنن ناس كتييير مثقفين و أذكياء اجنماعيا ( كمان مو الكل طبعا )
و بصراحة - عن تجربة- ... أنا تعاملت مع شخص تحصيله العلمي مو كتير عالي ... بس عن جد أبهرني بثقافته و ذكاءه الاجتماعي
و فعلا هدول الاشخاص لازم المجتمع يستفيد منهم و من ذكاءهم و قدراتهم ...
بكل الأحوال نحنا عايشين بمجتمع لازم نكون قادرين نتعامل معه ... و العلم لوحده ما بيكفي ابدااا ... النجاح الاجتماعي شي كتييير مهم
المفروض نحاول نهتم بالموضوعين مع بعض ( العلم و النجاح الاجتماعي )......
شكراااا ع الموضوع
الذين يشاهدون الموضوع الآن: 1 (0 من الأعضاء و 1 زائر)
مواقع النشر (المفضلة)