ما هو شعورك عندما يكون أهلك سبب (( ضياعك ))..

[Sanaa]

أحيانا الأهل ممكن يبالغوا بحبهم و خوفهم على اولادهم .... طبعا ما بيكون قصدهم ضياع اولادهم


بس للأسف بطريقة غير مباشرة بيضروا اولادهم بدل ما ينفعوهم


و متل ما قلتي الأهل بيتصوروا انه عندهم الخبرة و التجارب ويلي لازم الاولاد يتبعوها ( سواء اقتنعوا فيها او لاء )


و هون الغلط ... ممكن الاهل يقدموا خلاصة تجربتهم لاولادهم ... مع احترام وجهة نظر الاولاد و رأيهم و رغباتهم


هاد الشي بنلاحظوا كتير مثلا بالنسبة للدراسة ( لازم الولد يدرس متل ما اهله بيقرروا بغض النظر عن ميوله و طموحاته )


و بهالحالة رح يدرس اوكي ... بس رح يكون غالبا فاشل ...لأنه دخل مجال ما بيحبوا و لا مقتنع فيه


و نفس الحالة كمان بالنسبة للزواج ( غالبا رح يكون الزواج غير ناجح لأن مبني على اختيار الأهل فقط دون الالتفات لرأي أصحاب العلاقة )


أكيد الواحد فينا لازم يسمع لنصايح اهله و يستفيد كتييير من خبراتهم .... بس لازم الأهل كمان يسمعوا لابنهم و يحترموا وجهة نظره و قناعاته


الكلام بهالموضوع فعلا ما بيخلص .... بشكرك كتيييييير ع الطرح الحلوو