المشاركة الأصلية كتبت بواسطة محمد قطر
أولا ...أهلا و سهلا فيك طبعا
أما بالنسبة لسؤالك ...
هلأ الموازنة طبعا بتتكون من جانبين نفقات و ايرادات ....
إذا بدنا نحكي عن جانب الايرادات ( ايرادات ضربية و ايرادات غير ضريبية )
الايرادات الغير ضريبية ( رسوم و ايرادات الخدمات الصحية و السياحية ...الخ ) رح تتأثر بالتضخم من خلال انخفاض قيمتها الحقيقية .. طبعا لأنه التضخم يعمل على خفض القيمة الحقيقية للنقود ... حتى في حال تم رفع الأسعار لهذه الخدمات... غالبا لا يكون هناك توافق مع معدلات التضخم السائدة و هاد الشي بطبيعة الحال يخفض من قيمة الايرادات الحقيقية .
الايرادات الضريبية ( ضرائب جمركية ، ضرائب على الدخول )
الضرائب الجمركية.... طبعا رح يكون في زيادة بالاستيراد بشكل عام متل ما سبق و ذكرت بالموضوع ( منافسة أسعار السلع الخارجية للسلع المحلية ) ... هلأ إذا كانت الضرائب مقطوعة ( رح تنخفض قيمتها الحقيقية طبعا و رح تتأثر سلبيا بالتضخم و ارتفاع الاسعار ) .... أم إذا كانت ضرائب يتم تحديدها على أساس القيمة ( معناها رح تزداد مع ارتفاع الأسعار و بالتالي رح تزداد الايرادات الضريبية و لكن بشرط كتييير مهم أنه يكون الفارق الزمني بسيط بين فرضها و جبايتها ....و في حال عدم تحقق الشرط ... رح تنخفض القيمة الحقيقية للايرادات حتما ... لأنه مع مرور الوقت رح ترتفع الأسعار اكتر )
الضرائب على الدخول من أكتر انواع الضرائب حساسية للتغيرات و إذا كان النظام التصاعدي للضرائب هو السائد ... رح يكون في تزايد بالايرادات الضريبية طبعا ... لأنه غالبا رح تزداد الأجور نتيجة ارتفاع الأسعار و بالتالي الضرائب رح تزداد .... أي سوف يكون هناك آثار ايجابية على الموازنة .
أما بالنسبة لجانب النفقات .... بالمقابل الدولة رح تضطر تزيد نفقاتها نتيجة زيادة الأسعار ( نفقات العاملين و الخدمات المختلفة و الصيانة وووو ..... ) و من ناحية تانية رح يكون في خسارة بالنسبة للمدفوعات التحويلية ... لأنه رح يقوم الغير بتسديد الالتزمات ( ديون و فوائد ) و كمان فوائد الاستثمارات بالقيمة الاسمية .... مما يعني خسارة أكيدة بسبب انخفاض القيمة الحقيقية للديون و الفوائد .
بشكل عام و في ظل التضخم هناك زيادة في النفقات و نقص في الايرادات ... مما يعني عجز الموازنة
بصراحة انت سألت سؤال مهم و في جدل حوله ... البعض بيعتقد أنه الموازنة مستفيدة من التضخم ( لاحظ أنه في حالات ممكن يكون فيها زيادة بالايرادات ) ... بس لازم ما ننسى أنه هي الحالات خاضعة لشرط كتير مهم و هو الاجراءات الادارية السليمة التي من شأنها تقليل الفارق الزمني بين فرض الضريبة ( أو الرسوم ) و تحصيلها إلى أقل ما يمكن ( و غالبا هاد الشرط ما عم يتحقق ) و عم يكون زيادة النفقات (التي تضطر الدولة لدفعها في ظل ارتفاع الأسعار) أكبر من الزيادة في الايرادات .... لذلك رح تلاقي الاعتقاد السائد هو العجز في الموازنة نتيجة التضخم ( و هاد الاعتقاد برأيي الأصح و الواقعي ) .
إن شا الله أكون قدرت ( من خلال هالمعلومات المتواضعة والعامة )إني جاوب على سؤالك بشكل واضح إلى حد ما ... و إن شا الله رح حاول اعمل موضوع مفصل أكتر عن علاقة التضخم بالموازنة العامة إذا الله راد ...
تحياتي الك ... و بشكرك كتير على مشاركتك
مشكوووووووووووووووورة على الموضوع والجواب الرائعين
شكراااااا واااايد اخت سناء وماقصرتي رايتج بيضه حمدلله كل شي واضح عندي ولج الفضل
ومشكوره على ردك لي
الشكر الك دكتور على مرورك المميز
الذين يشاهدون الموضوع الآن: 4 (0 من الأعضاء و 4 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)