امثله تطورت مع الزمن هههه
1- جبر الخواطر علي الحساب.
(جبرالخواطر علي الله).
2- اللي بيته من زجاج مايغيرش في الصالون.
( اللي بيته من زجاج مايحدفش الناس بالطوب).
3- لو حبـيـبك عسل متحطلوش طحينه
(لو حبيبك عسل ماتلحسوش كله).
4- فاقد الشيء يدور عليه.
(فاقد الشيء لا يعطيه).
5- ياخبر بفلوس بكرة ينزل عليه أوكازيون.
(ياخبر بفلوس بكرة يبقي ببلاش).
6- اقلب القدرة علي فمها الفول يقع منها.
(اقلب القدرة علي فمها تطلع البنت لأمها).
7- تأتي الرياح محمله بالاتربه.
(تأتي الرياح بما لا تشتهي السفن).
8- اللي معاه قرش محيره يجيب حمام ويحمره.
(اللي معاه قرش محيرة يجيب حمام ويطيره).
9- القفه أم ودنين شلها فوق دماغك.
(القفه أم ودنين يشلوها أتنين).
10- القرعه تتباهي ببروكتها.
(القرعه تتباهي بشعر بنت اختها).
11- جات الحزينه تفرح شغلت شريط حكيم وقعدت ترقص عليه.
(جات الحزينه تفرح مالقــتلهاش مطرح).
12- اللي يتلسع من الشوربه يتصل بالمطافي.
(اللي يتلسع من الشوربه ينفخ في الزبادى).
13- اللي ياكل لوحده يشبع.
(اللي ياكل لوحده يزور).
14- لا تبكي علي اللبن في البسكوت.
(لا بتكي علي اللبن المسكوب).
15- اقطع عرق وحته بتلو.
(اقطع عرق وسيح دمه).
16- اطبخي ياجريه الأنبوبه فاضيه ياسيدى.
(أطبخي ياجريه كلف ياسيدى).
17- المتعوس متعوس لو حطوا علي راسه هدنشولدر.
(المتعوس متعوس لو حطوا علي راسه فانوس).
18- قليل البخت يتصل من أى محمول يكسب 5000 جنيه.
(قليل البخت عضه الكلب في السوق).
19- من خرج من داره ماينساش ياخد المفتاح معاه.
(من خرج من داره يتقـل مقداره).
20- أصبر علي جارك السو ياتجيله شوطه ياربنا يفتكرك.
( أصبر علي جارك السو ياتجيله شوطه يا يرحل).
21- الباب اللي يجيلك منه الريح شيله وركب قبنورى.
(الباب اللي يجيلك منه الريح سده واستريح).
22- أكل العيش يحب الطعميه.
(أكل العيش يحب الخفيه).
23- باب النجار الموتال.
(باب النجار مخلع).
24- المركب اللي فيها ريسين يلعبوا طاوله.
(المركب اللي فيها ريسين تغرق).
25- المضطر يركب تاكسي.
(المضطر يركب الصعب).
26- اللي تقول عليه موسي يطلع سوسه.
(اللي تحسبه موسي يطلع فرعون).
27- ضرب الحبيب زى أكل الفلوس.
(ضرب الحبيب زى أكل الزبيب)
28- اللي يخاف من العفريت يعمل عبـيط.
( اللي يخاف من العفريت يطلع له).
29- اللي خدته القرعه تاخده أم الخلول.
(اللي خدته القرعه تاخده أم الشعور).
30- يابخت اللي يوفق راسين عند الحلاق.
(يابخت من وفق راسين في الحلال).
31- قالو للحرامي احلف قال وحياة قلبي وأفراحه.
(قالوا للحرامي احلف قال جاللك الفرج).
32- يموت الزمار علي السلم الموسيقي.
(يموت الزمار وصوابعه بتلعب).
33- رجعت ريما من عند خالتها في مارينا.
(رجعت ريما لعادتها القديمه).
34- ياداخل بين البصله وقشرتها حط قطره علشان هاتد مع من ريحتها.
(ياداخل بين البصله وقشرتها ماينوبك الا صنتها).
35- القرش الابيض ينفع في كابينة المصرية للاتصالات.
(القرش الابيض ينفع في اليوم الاسود).
36- ضربوا الأعور علي عينه قال كسرتم النضارة.
(ضربوا اللأعور علي عينه قال خسرانه خسرانه).
37- أصوم اصوم وأفطر علي المدفع.
(أصوم أصوم وأفطر علي بصله).
38- رب صدفه خير من ألف ليله وليله.
(رب صدفه خير من ألف ميعاد)
ا
الذين يشاهدون الموضوع الآن: 1 (0 من الأعضاء و 1 زائر)
مواقع النشر (المفضلة)