فعلا غالبا الدول النامية و العربية بشكل خاص عم تتوجه للاهتمام بالقطاع العسكري بسبب مخاوفها الناتجة عن زيادة التهديدات الخارجية( و الداخلية أحيانا ) كمحاولة منها لأخذ الاحتياطات اللازمة.
بس المشكلة أنه بهيك دول عم يكون الاهتمام بالقطاع العسكري على حساب أمور مهمة جدااا و أساسية لتحسين الأوضاع المعيشية و زيادة مستوى التنمية ... عم يكون على حساب ( الاهتمام بالبنى التحتية و توفير الخدمات الأساسية و الاهتمام بالتعليم و الصحة ووو) ... ناهيك عن زيادة العجز بميزان المدفوعات و بالموازنة و زيادة المديونية ... يعني عم يكون على حساب التنمية الاقتصادية و الاجتماعية بشكل عام .
تقريبا ممكن نستثني دول الخليج بس ... على اعتبار هالدول حققت مستوى جيد من البنى التحتية و الخدمات المعيشية ... و بالتالي ما عم يكون انفاقها العسكري على حساب الأمور المهمة التانية ( بالمقارنة مع باقي الدول العربية طبعا ).
هلأ نحنا بنلاحظ أنه حتى بالدول المتقدمة في اهتمام بالقطاع العسكري بس هيك دول بتتمتع بمستوى معيشة و رفاهية عالية ... و محققة توازن بين الانفاق العسكري و التنمية الاقتصادية و الاجتماعية ... حتى لما بتزيد الإنفاق على المنشآت العسكرية ... عم تعمل بشكل غير مباشر على تنشيط صناعة الأسلحة ( يعني بالمحصلة هي المستفيدة ) .
بصراحة موضوع و معلومات في غاااااااية الأهمية
يعطيك ألف عااافية دكتور
الذين يشاهدون الموضوع الآن: 1 (0 من الأعضاء و 1 زائر)
مواقع النشر (المفضلة)