قواعد اللهجة اللادقانية
1- في اللهجة اللادقانية يحذف دائما اخر حرف في الجمله او الكلمة اذا كانت مفردة
2- في اللهجة اللادقانية تمد الكلمة دائما ثلاث حركات مد لازم
3- في اللهجة اللادقانية تشدد الكلمة دائما في أوسطها
4- في اللهجة اللادقانية الأفعال الضعيفة تضاف اليها (نهنة) في مؤخرتها مثل(اخدو هنة) (دبحوهنة ) (ابو هنة) مع كسر الهاء


بعض المفردات من القاموس اللادقاني:
*عين = انظر (مع تشديد الياء)
*زتا أو اشلفا = ارميها
*خيسو = اضربو بالسكين
*أبوع =كيس وتقال احيانا للشخص الغبي بغيابه
*جريم (تلفظ الكاف متل الجيم المصرية)= كريم ويستعمل للدهن
*تتشيع = هاد الفعل حاله خاصة جدا لأنه يستعمل بدل اي فعل طبعا وتشتق عنه الشايعة والشايع ولكن طبيعة هذا الفعل بتنقال في حالة الاشمئزاز من شئ او الانزعاج من شئ معين
*مسكليتة = بسكليتة = دراجة
*ريحة = برفان
*جاكية = جاكيت (مع تشديد الياء)
*باكية = باكيت
*خفافة = بوط رياضة
*السيبا = السلم
*العمى =تقال في حالة الصدمة وغالبا من شئ مو كويس
*كت = عبي
*ابا = ارفع (مع كسر الألف وتشديد الباء)
*جلموء= متملق
*حمزة اربة= الذي يحشر نفسه في كل شئ
*معلاء=بيتدخل بكل شئ
*اشكمو=اخدلو (مع تسكين الشين)
*يبأبش=يلخبص=يلعب بأصابعه
*بالورب = بالمايل
*اعركا=حكا
*شفاتير = شفايف
*مأنتن = وسخ
*اياعااا ,اياااعزة (مع كسر الألف) ,شحاري ,شحميطي =للتعجب الكثير
*ماكن = قوي
*عكيد (مع تشديد الكاف )=أبضاي
*عمشة = وسخ العين
*سأرأ= علبة معدنية
*دربكو ,دعترو (مع تسكين الباء بالأولى والعين بالتانية)=اوقعة ارض
*زنزوءة = مرجوحة
*شئليبة = قليبة
*مأنشح =وسخ
*ألشين = جراب
*البيسة = كليوت
*طروشو = صرعو
*زلاعيم = لوزات
*خروء = ضعيف
*اكعرو = اصغرو =اطردو
*زمأ= مر
*بحت= ماء
*طشة , اهتر =اهبل
*مشنص = نوع من الموتورات في القرن 20
*مشنص (مصطلح)= حظو حلو
*دشو =اتركو
*جيعان = جوعان
*هبور = شرشوح
*معتر= مسكين
*تليانة = مليانة
*صحفة = نفاضة سيكارة
*بتو (مع تسكين التاء )= بنتو
*أخوي (مع تشديد الواو)= اخي
*اي أستاذي=تقال لاحترام شخص ما
*زاوة= زاوية
*كبينة=تواليت
*يابو= للمناداة
*علي ماعلي (بتشديد الياء بالكلمتين)=للحلفان
*مش= دليل على اللاشئ
*اته = انت أ(مع كسر الألف)
*فهنة= يوجد
*اي (مع مد الألف)=نعم
*باردلي= انا بردان
*بربيج = خرطوم
*فا= يوجد
*اسا(مع كسر الألف )= لسه
*يحمك (مع تشديد الميم )= دعوة بالشر والحمى
*فلوكا = مركب الصيد المتوسط الطول
*لنش = مركب الصيد الطويل والكبير
*ريسي = معلمي
*ماعن طيبي = ماعن قصدي
*يلعن سلسفيلك=يلعن اجدادك
*لز ,زيح , بعد =ارجع
*شو دحشك= شو دخلك
*اتورة , نتوسة= شوي صغيرة
*فط = نط
*حربوء = ذكي
*كشحو أو كعرو =طردو
*ليش عم تزاور = ليش عم تتطلع
*مسأسئ= مليان ماء
*بلعط , لوص =تحرك بسرعة او احتار لحالك وهي مشتقه من بلعوط ابن الضفدع
*قرقوعة = مهرهرة
*سيبو = تركو
*يطلع صوت برا = يذهب لدورة المياه
*كل يوم تعا= ياميت اهلا وسهلا بس لا بأ تعيدا
*ولا خي = يا اخي تقال تحببا
طروشو = طوشو = خيلو = جنننو
*طيك العوفة = يعطيك العافية
لأ ولو = للاندهاش الشديد
بسة = قطة
*مرية = مراية
*خسيلات = تياب الغسيل

مشكورة أختي رورو موضوع حلو ومميز ونتمنى من الجميع التفاعل..

منقول طبعا اللي كتبتبوا