أخي أيمن بالأول بدي إفهم لشو أصلاً خدمة العلم الإجبارية؟! في حرب أريبة؟! لا أريبة ولا بعيدة!
والجولان رح يرجع بالمفاوضات مو بالسلاح!
فليش عم يحرموا الوطن من شبابو مدة خمس سنين؟!
أنا بعتئد إنو "نفي" الشباب سببو إقتصادي, لأن البدلات بتشكل دخل محترم بالعملة الصعبة للدولة!
بالإضافة لتحويلات الشباب لأهاليهن.
لك هلأ كل نشاط وجهود الشب عم يروحوا لدولة تانية, طيب الوطن مو أولى فيهن؟!
وبصراحة أنا بحط كل الحأ عالشب يللي بيفضل الإغتراب عالعسكرية,
ويللي بيفضل إذلال الكفيل الأجنبي إلو على إذلال إبن بلدو بالجيش إلو!
لو آلاف الشباب يللي عم يهربوا من الجندية الإلزامية ضلوا بالوطن وأدّوا عسكريتهن
أنا متأكد إنو الدولة وئتها رح تلغي الإغتراب والبدل وحتى خدمة العلم نفسها,
لأنها من جهة ما إلها طاقة على إستيعاب الأعداد الكبيرة من المجندين,
ومن جهة تانية رح تنحرم من المبالغ الضخمة يللي عم تجنيها من البدلات!
وفي جهة تالتة مالي رح إحكي عنها!