ضيفة الاسبوع على كرسي الإعترآف :: الآنســة ريمـــاس ::

[ريماس]

السلام عليكم اخت ريماس
وعليكم السلام

كيفك إن شاء الله بخير
انا منيحة الحمد الله ..

بصراحة منورة الكرسي
مرسي إلك كلك زوء والنور نورك ..

شي كتير حلو هالموضوع و أنتي محليتيه بزيادة
بأجوبتك الصريحة والعفوية
و اسمحيلي بهالكم سؤال

اتفضل وانا حاضرة بالاجابة على اسئلتك

:: 1 ::
بتتمني لو أنك ما كنتي مغتربة ؟؟
اي تمنيت مااكون مغتربة .. بس الحمد الله على كل حال ..


:: 2 ::
وصلتي لمرحلة بيوم من الأيام تمنيتي أنك تتركي أهلك وترجعي على بلدك ؟؟ ( إذا أي من شو تمنيتي هالشي من البلد يلي أنتي فيها ولا من أهلك )
بصراحة لاء ماوصلت هالمرحلة لانو اساس عندي وجودي بين احضان اهلي ..

:: 3 ::
الكاتو يلي بتعمليه بالبيت طيب ؟؟
اي طيب كتير الحمد الله وبكل الانواع بعملا .. وان شاء الله قريب رح احط اعمالي وشغلي بالمنتدى ..


:: 4 ::
إذا الكاتو طيب و الشوكولا بتحبيها كتير معناها اكيد وزنك كتير كبير قديش وزنك ؟؟ ( اختياري )
لاء الحمد الله وزني ماهو كتير بالعكس ضعيفة ومهما اكلت مابسمن الحمد الله ..وراثة ..
طبعا وزني 51 ولازم الطول معو 167


:: 5 ::
عنجد مفكرة أنو أسمي شريف فتوش ؟؟
اي والله فكرتك شريف فتوش هيك طلعت معي من غير انتباه .. بعد مانبهتني دققت بالاسم طلع فتوح .. خشلت بعدا

:: 6 ::
دققت بكم مشاركة ألك انتبهت أنك ما بتذكري أسمي أبداً أنا متغيب لهي الدرجة و لا ما فيني شي بذكرك فيني كعضو بالموقع ؟؟
بصراحة بداية لما سجلت كنت اشوفك وكنت مرح كتير وكانت ردودك بضحكني بالذات في لعبة حطاها مان صار فيها تفاعل وصارت معرفة وكنت تشارك فيها بدئت اعرفك .. حتى في موضوع فيو اسئلة وقتا ذكرت اسمك ..
بعد فترة تغيبت كتير صرت مااشوفك ولا باأي قسم يلي بدخلها .. فلذلك صرت مااعرفك ..
وانت بتعرف انو المشاركات والتفاعل بين الاعضاء بتزيد المعرفة فلذلك ماشفت مشاركتك إلا نادر ..



:: 7 ::
بتحسي أني مقصر بالمشاركة بموضيعك إذا قارنتيها بشكل نسبي بمشاركتي بالموقع بشكل عام ؟؟ ( بعرف أني مقصر بس حبيت شوف وجهة نظرك )
اول الشي اخي الفاضل انا مابشوف انو انت مقصر لانو بشكل عام بترد على حسب وقتك
وانا بقدر ظروفك ومتأكدة وبعرف لو عندك وقت كبير مارح تقصر لاي موضوع او رد سواء الي ولا لغيري
لهيك انا مابعتبر هاد تقصير ..
ايمت بعتبرو تقصير ؟
بعتبرو تقصير في حالة لمن مثلا ترد على مواضيع غيري ومواضيعي لاء في هالحالة ممكن اعتبرو تقصير وممكت اعاتبك عليه..



شكراً على أجوبتك سلفاً
العفو اهلين فيك شريف فتوح ..

وبتمنى تكون الأسئلة خفيفة على قلبك
اكيد اسئلتك خفيفة على قلبي وبتشكرك عالاسئلة العفوية ..

[ريماس]

قبل ما كمل غلازتي حبيت كون جدي شوي بالموضوع:
بالعكس اهلين فيك شكرا كتير على تفاعلك

ماهي هواياتك؟
هوياتي الرسم والفنون التشكلية والخط ..

طموحاتك؟
بطمح اكون مصممة الديكور ..

شي لاتستغنين عنه؟
ألة الاستغفار ..

افضل موضوع قرائته بالمنتدى؟
مافي موضوع محدد بس بحب وبفضل المواضيع الصحية الطبية ..


((رسائل ؟؟؟؟))

* رساله عتاب لمن تبعثيها ؟
لكل صديق بعيد ..

* رساله حب صادقه لمن تبعثيها ؟
احتفظ بها

* رساله اعتذار لمن تبعثيها ؟
لكل من أخطئت في حقه بقصد او بغير قصد ..

ياورد مين علمك تجرح ,,, لمن توجهين هذه العباره ؟؟
للناس يلي عطيتها حياتي وبالاخر خانتني ..



سأعطيكِ أوسمة تقلديها لأحد الأعضاء….

فمن ستعطين ..:.

القلم الذهبي
السكون

الكنز الفكري
خالد الفيومي

المبدع
حسن حاضري

الرائع
لولو


المميــز
دمعة فرح

شعله المنتدى
الصقر الحنون


:::::

صورة ماتفارق ذاكرتك ؟
مدابح اطفال وابرياء غزة والعراق ..

مالصفه التي تطلق عليك غالبا ؟
طيوبة وفرفوشة وقادرة


وشكراً (وراجعلك)

العفو اواهلا وسهلا فيك

[ريماس]

رورو هل بلش الجد

اي اتفضل

يسعد صباحك اولا

اهلين فيك

خلينا نفوت بلب الموضوع

ميمي

قسم الحياة الزوجة عنا بلمنتدى

يتحدث عن كل ما يتعلق بلأمور الزوجة

سؤالي

ما رأيك بكلمة مشرف المنتدى دكتورنا حسن واللي ذكر فيها

انه رح ينزل مواضيع عن الجنس بين الزوجين وقال يلي بحب ينتقدني انا جاهز براحابة صدر؟
بحب اقلك اخي عاشق رئي الشخصي بصراحة بكلمة دكتور حسن انو انا مابأيد هالمواضيع هي ابدا لعدة اسباب
اول الشي الناس مابتحتاج تتعلم هالامور لانو طبيعة الانسان والجبلة تلزم عليه معرفة هالامور طبيعيا دون تعليم
هي نقطة
ونقطة تانية انو ممكن يكون في المنتدى شباب وصبايا اذا قرئو هالمواضيع يتأثرو مو للتعليم لا ولكن لعمل اشياء ليس لها في الحسبان..
تالت شي ممكن ياخود عليها ذنب ليه لانو في بعض بياخودها تعليم وفي بعض ياخودها لاشباع رغباتو وغرائزو ويغلطو ويكسبو ذنوب من ورا هالمواضيع..
بيصير صاحب الموضوع يشيل ذنوب هالشباب والبنات !!!
هاد رئي الشخصي وهاد قناعتي ..


رورو مواضيع الدكتور حسن اغلبها يتحدث عن الجنس
ووضعياته بين الزوجين

وكيفية الوصول إلى الزروة

ونقاط النشوى لدى المرأة والرجل

سؤالي

بما انك مديرة الموقع فلابد لكي من المرور من مواضيع الدكتور لسبب او لأخر

اذا هل انتي مع او ضد مواضيع الدكتور

وهل تعتبريها مواضيع محرجة

هل برأيك يجب ان يغير الدكتور حسن من خط سيره

وتسليط الضوء على باقي امور الحياة الزوجية
اخي عاشق انا لم امر ولاأي موضوع من مواضيع الدكتور حسن وقرئتها ولابعرف شو يلي مكتوب فيها ..
انا اول ماسجلت بالملتقى حطيت كم موضوع بهالقسم طبعا ماكان إلي خبر بنوعية المواضيع يلي كان يحطوها
وكنت جديدة وبعدين صرت اشوف مواضيع محرجة وطبعا واضحة من عنوانها اتفاجئت وطبعا بعدا بطلت افوت على هالقسم ابدا ..
طبعا انا ضد مواضيع الدكتور حسن
وبعتبرها مواضيع محرجة وجريئة
اي بشوف انو الدكتور لازم يغير خط سيرو مشان هالمواضيع
ونصيحتي للدكتور يحطلنا مواضيع يبين كيف يكونو الزوجين سعيدين بدون مشاكل في العلاقة الزوجية وغيرها
هي المواضيع مفيدة اكتر


واعتذر من الدكتور لذكري له في اسئلتي

وارجو منك تقبل مروري عليكي

واكيد لي عودة

اهلين فيك وشكرا على مرورك

[عاشق الوطنية]

رورو هل بلش الجد

يسعد صباحك اولا

خلينا نفوت بلب الموضوع

ميمي

قسم الحياة الزوجة عنا بلمنتدى

يتحدث عن كل ما يتعلق بلأمور الزوجة

سؤالي

ما رأيك بكلمة مشرف المنتدى دكتورنا حسن واللي ذكر فيها

انه رح ينزل مواضيع عن الجنس بين الزوجين وقال يلي بحب ينتقدني انا جاهز براحابة صدر؟



رورو مواضيع الدكتور حسن اغلبها يتحدث عن الجنس
ووضعياته بين الزوجين

وكيفية الوصول إلى الزروة

ونقاط النشوى لدى المرأة والرجل

سؤالي

بما انك مديرة الموقع فلابد لكي من المرور من مواضيع الدكتور )(هاد الشي بيزعجك؟

اذا هل انتي مع او ضد مواضيع الدكتور؟



هل برأيك يجب ان يغير الدكتور حسن من خط سيره

وتسليط الضوء على باقي امور الحياة الزوجية؟

واعتذر من الدكتور لذكري له في اسئلتي

وارجو منك تقبل مروري عليكي

واكيد لي عودة