قصتي أغترابي في الكويت( ليش هيك) ؟!!

[ms.lonley]

الله يسعدك يا كابتن هيما
على كلن كلك زوق
بتشكرك علمرور الرائع والدعم اللطيف
وهيني مو بس أنا يلي عم عيش هلشي طلع عم يعيشو معاناتي كتار :(
ومتل ما تفضلت وقلت واثق الخطى يمشي ملكا
وأنا بقول يا جبل ما يهزك ررررررررررريح
وأكيد برفع راسي لفوووووووووق لأني سورية وكتير بفتخر وبعتز بسوريتي
لك مني كل التحية والإحترام
وخلينا نشوفك بقسم المغتربين في الكويت على تول
باي

[ms.lonley]

أختي بدك نصيحتي لا تحطي بقلبك وطنشي

وإبتعدي عن إلي بدايقوكي وخلي ثقتك بنفسك عاليه مادامك ما عم تعملي شي غلط

وبدك نصيحتي كوني مواليد الكويت
مثل ما في ناس سيئه في كمان ناس مناح

وبتمنالك تلتقلي بالإلي ترتاحي معن :)

بتشكرك عزيزتي علمرور والكلام الحلو
عفكرة أنا كمانة مواليد الكويت بس رجعنا البلد بعد الإجتياح ويمكن لأن كنا ساكنين قبل بمنطقة كلها مغتربين متلنا فما كنا نحس بهلشي
علما إني حاليا ساكنة بمنطقة كلها كوايتة بدو والمغتربين فيها قليلين كتير
فهيك حظييييييييي شو بدي اعمل
وأنا زكرت بتعليقاتي فوق أكيد في ناس مناح وطيوبين وين ما نروح ^_^ وما عممت علكل سوء المعاملة
وبتمنالك نفس ما تمنيتيلي غاليتي
حبي وإحترامي الكبيرين لشخصك الكريم
دمتي بود.........

[وفاء مقلي]

ياإختي وياحبيبتي أنا مثلك سيده سورية ومولوده وعائشه بالكويت صارلي ?? سنه ومتزوجه من كويتي وحامله الجنسيه الكويتيه
بس عن جد لازم تفهمي وتعرفي ان هذا الوضع موجود بكل الدنيا
حتى عنا بسوريا دائما النساء بالتحديد بيغارو من أي جنسيه تانيه بس
أنا بنصحك أنو تندمجي وتتعرفي على صديقات سوريات وتروحي وتجي
معهن وتندمجي اكتر بالمجتمع وصدقيني راح تنبسطي وتنسي غربتك
وبالعكس راح تحبي البلد هون كمان بصراحه بكفي ان هون النعمه كتيره والحمدلله ومافي
قال وقيل وحسد وفي راحة بال واستعيني بالله وبالقراءه وانشغلي
في بيتك واولاذك وعلاقتك الاجتماعيه مع العائلات السوريه وغيرها وراح
تشوفي الفرق والله المستعان

[nano]

ياحياتي عنجد الله يكون معك معليّ صديقتي طولي بالك ....والله غريب انا بعرف انو السوري وين ماراح الناس بتحبو غريبين هالكويتيات على كل حال ولا يهمك نحن معك قلباً وقالباً ولاتستسلمي وادعيلون الله يهديون ولك تحياتي اختك وصديقتك nano