"مــآهر الفيزو " .. ضيفنا بإفتح قلبــك مـع " دمـعة فـرح "

[ماهرالفيزو]

اي ماهر وقعت وقعة ياسلام
بعين الله ريماس
ياشماتة ابلة زازا فيك
هيك عم قول كمان الله يرحمها

اي خلينا نبلش فورا احم احم
تفضلي انسة ريماس حي الله لشو هيك صاير فيكي على هالموديل صحة صحة
اسئلتي بريئة وصغيرة ونتوفة
لاتخجلي عادي خدي راحتك نتوفه هي مابحبا
اسمك بالكامل
ماهر وليد الفيزو والنعم طبعا محدا عنده اعتراض اكيد
عمرك
24 سنة وكم يوم مدري الا كم يوم
طولك
على اساس 184
وزنك
79 قابل للزيادة والنقصان
خبرني طباعك
اي طباع حباب كوميات ومسالم كوميات ووفي عنيد عصبي بحب الخير ماشي برضا ربي ورضا اهلي ومصيف مطبل
تحب المقالب
انا ابوها اي بحبها
اكلت شي قتلة من اهلك وليش اذا كان في قتلة
بذكر اي من بي كوميات اما شو قتلة ياستي تعي نحكي شو ورانا
ولا بعد شويات
تشرب دخان ؟؟
موكتير بس لمن تكون زحمة سير
شو نوع لبس تفضلو ؟؟
جينز ورسمي احيان
هل تعلمت من حياة ؟؟ واذا علمتك شو يلي علمتك ؟؟
مين حياة؟؟؟ اها ممكن قصدك الحياة تعلمت كتير الصبر وتعلمت الحقد وتعلمت شو يعني انا وتعلمت وتعلمت كوميات
شو اخبار خالتك غفران ؟؟ يبقى سلملي عليها ؟؟
ماعم احكي معها اتوقع مبسوطة لانها حمصية الله يسلمك ويخليك يوصل انشاء الله
تحب تنائر ومين اكتر شي بتنائرو ؟؟
كوميات اي بحب ناقر الي بحبه والي يتحمل نقاري
شو تحب ؟؟ شو تكره ؟؟
بحب امي وبكره ستي هههههه

بحب كل شي خير واعمل خير وارمي بلبحر وبكره الشر والحقد وكتير شغلات

ماهي الصفات الحلوة الكل يحبها فيك ؟؟
كتير صفات
الكرم وعزة نفسي والخجل بحدود
ماهي الصفات الكرها فيك ؟؟
عصبيتي بس
كم عددكم من ناحية البنات والشباب ؟؟
ياستي هي في شب اكبر مني ب4 سنين بعدين شب اكبرمني بسنة هاد حبيبي الدب
وبعدين بنت اصغر مني مابعرف بكم يمكن ب3 سنين او اكتر بعدين بنت اصغر باصغر بكوميات صغيرة ممكن 6 سنين وبعدين ولد صف رابع اتوقع
اديش ترتيبك ؟؟
انا زعيم البيت هههه ترتيبي حكيته الوسط ممكن بهيك حالة بكون ما اي ما
تحب الشكولاتة والايس كريم ؟؟
متل مابدك اي ازا بدك بحبها كوميات اي اكيد
شو كمان ياريماس
فكري عادي خيتي خدي راحتك
خلاص اخطي حاج اسئلة مابدي اهللك بالاسئلة
انا قلت هيك خطي ممكن سؤال شو هالبخل هاد
بس رح ارجع ها
اهلا وسهلا بيكي تنوري والله فرحانة ما خير في شي يعني
حبيت اطمن عليك شلون صحتك هلاء ان شاء الله امورك تمام
الله يسلمك يارب ويخليك صحتي تمام غير شكل واموري فينك تقولي كم شهر وتصر تمام ادعونا بس ورح اعزمكم الكل على شعيبيات وانتي على نخاعات خاصة الك

[عاشق الوطنية]

العشا اخي ماهر

شدة وبتزول

[ماهرالفيزو]

العشا اخي ماهر

شدة وبتزول

على راسي ياحبيب ماقصرت والله بفرحك انشاء الله وبعين الله

[محمد النعيمي]

السلام عليكم اخي ماهر
الحمد لله على سلامتك
انا لما انتميت الى هذا الموقع اعتبرت كل الاعضاء اخوة لي واتمنى لهم ان يكونوا باحسن واهدء بال
احدى الاخوات فهمت كلامي غلط انا قصدت في كلامي الثبات هو عن الاسئلة والله لا اقصد شئ ثاني
وانا بعتذر منك كثير
واذا كلامي بزعل انا بنسحب
واتمنى لك الصحة والعافية