الأخ (محمد عربي) ضيف ... افتح قلبك مع ( دمعة فرح )لهذا الإسبوع

[M-AraBi]

تسلم اخي اراميس

الصراحة لازمها قهوة السهرة، وانت اجيت بوقتك!!!!!!
...................................
ومن شان الاسئلة
من بكرا أنا معكم وشو بدكم انا جاهز

ومن شان المواقف بدك تعذرني لأنو هاليومين مخي مسكر شوي وملتهي بفحوصات العملي
وكمان ريماس ما خلت للتفكير دور

وشكراً على مرورك ومشاركتك

[دمعة فرح]

شكرا محمد لأجوبتك الصريحة ..
هلأ انا وضحتلك وجبت مشاركة إلك بتدل عل اسلوبك بس يمكن ما انتبهت عليها
انا بعرفك خارج المنتدى شب محترم ومحبوب كتير .. بس مابعرف ليش داخل المنتدى تختلف
عموما هو كل واحد حر بتصرفاتو شو ماكانت نوعا .. هلأ من ناحية مو فارقة معك اكيد هي حريتك الشخصية
وانت مو ملزم فينا تفهمنا أو تغير من وجهة نظرتنا إلك

لكن انا بصراحة بيهمني كتير رأي الاخرين ولو شفت حدا آخد نظرة سيئة عني
مابحل عنو لحتى حببو فيني واشرحلو وكون سلسة معو
بالنهاية كل واحد إلو طبيعتو مع الاخرين .. ولو كانت من وراء الكواليس ( الكيبورد )
وكتير من الاعضاء لما عرفتن اكتر كان اسلوبن واحد وكمان التقيت بواحد منن
وكان نفس الاسلوب برا النت وبالنت .. المهم

انا عن نفسي رح غير مسار الاسئلة لأنه خلص رسالتك وصلتني :)

هلأ بدي اسألك .. عندك اخوات بنات ؟؟

طبعا الاسماء اللي اخترتا لاولادك كتير حلوة

بس لو فرضنا المدام ماعجبها شو تعمل ؟؟

بتحب تسكن لحالك بس تتجوز ولا بتحب تكون مع اهلك ؟؟

شو رأيك بالمرأة العاملة ؟؟

وبرجعلك طبعا .. على فكرة انا بقترح بأنو يتم حظر عضوية ريماس لبين مانخلص معك
شو رأيك ؟؟

[M-AraBi]

انا عن نفسي رح غير مسار الاسئلة لأنه خلص رسالتك وصلتني :)

الحمد لله،
ومن شان تكمل القصة من يومين كنت كاتب على رسائل المشاركة تبع الايميل:
هذا أنا ... مأقدر أكون غيري أنا .... واللي مو عاجبو يصطفل
(شلون حلوة مو )

هلأ بدي اسألك .. عندك اخوات بنات ؟؟

ايه،
الكبيرة صف تاني ،والصغيرة عمرها 4 سنين

طبعا الاسماء اللي اخترتا لاولادك كتير حلوة

بس لو فرضنا المدام ماعجبها شو تعمل ؟؟

الأسماء رح يتم الاتفاق عليها مسبقاً ممكن وقت الخطبة،
واذا المدام كان عندها اسم بديل واحلى ممكن بدل
والتبديل ممكن يكون على اسماء البنات بس .
اما اسم وائل وعمر فإن شاء الله ما رح يتبدلو أبداً

بتحب تسكن لحالك بس تتجوز ولا بتحب تكون مع اهلك ؟؟

أول فترة مع أهلي وبعدين لحالي ،
وممكن ضل مع أهلي اذا تطلب الأمر ذلك (وهذا احتمال ضعيف)

شو رأيك بالمرأة العاملة ؟؟

أمرأة مجدة ومثابرة
وانا مو ضد أنو المرأة تعمل اذا تطلب الأمر ذلك
أما مثلاً اذا تزوجت وكان زوجها ميسور الحال، وقدم لها كل شي بتحتاجه
فمنزلها أولى لها من العمل

وبرجعلك طبعا .. على فكرة انا بقترح بأنو يتم حظر عضوية ريماس لبين مانخلص معك
شو رأيك ؟؟

انا مو مدايق من ريماس
بس مليت من القصة اللي ماسكتلي ياها وما كنا نخلص
والظاهر أنو مارح نخلص

وعلى فكرة لو ريماس ما غيرت الأسئلة وغيرت القصة في أخر مشاركة الها

كان ردي رح يكون غير شكل

[دمعة فرح]

هههههههههه فيه تهديد واضح لريماس وانا ماخصني
لك صح نسيت شو يعني ئرئ .. يعني بتحكي كتير ومزوحي مو ؟
ازا جاوبك أي فنحنا كمان بنستعملها لكن بالقااااف

!!!