ضيـف الإسبـوع علـى كرسـي الإعتـرآف :: المبـدعـ { اراميـس } ::

[aramees]

هلا والله أختنا دانا

منورة

أول شي شكرا عالضيافه .. فعلا اجت بوئتا


عندي بعض الأسئلة وأتمنى تكون خفيفة عليك وبصراحة دمعة وباقي الاعضاء ماخلو شي الا وسئلو فيه

تفضلي ..

1-من هم اهم الأشخاص من حولك الذين لا تستطيع الإستغناء عنهم وتشعر ان حياتك بدونهم بلا هدف غير الوالدين ..؟!

بعتئد إنو لا يوجد هالشي عندي حياتي لها اهداف وليس للأخرين

أي علاقة بالنسبه لي لتحقيق الاهداف ..

أما بالنسبه لاشخاص ما بستغني عنن هما إتنين

صديقي وصديق الدرب ... أمين + عبد الحبيم


2-كلمة عتاب لمن تهديها؟

الى من كتبت له يوما لا يا صديقي

3 - من هو توأم روحك

حتى الان لا يوجد توأم روح والله يبعت

ومودع سرك؟

صديقي أمين


4- لو صادف أن ( أراميس ) شاهد حادثة اشتبك فيها شخصان
وجاء احدهم ليحل المشكلة لكنه ظلم احد الاطراف فهل يتدخل
( اراميس ) لينصره ؟ ام ان التدخل في شؤون الغير لا يعنيه؟
لطالما المشكلة حلت ولو بشكل ظاهري.؟؟

طبعا بتدخل ولا يمكن شوف الظلم بعيني وأوقف متفرج أو لا إتدخل

في حديث قدسي لرب العزة يقول

وعزتي وجلالي لانتقمن من الظالم في عاجله وآجله

ولأنتقمن ممن إستطاع نصرة مظلوم ولم ينصرة

.. لذلك ببذل قصارى جهدي لحتى استطيع ارفع الظلم
5-لو احترت بين قلبك وعقلك من تختـآر ؟

بالطبع عقلي

وطبعا لا بد من اختيا ر القلب أيضا مع العقل

6-من هو افضل فنان عربي أو اجنبي تحب تسمع اغانية دائما؟

القيصر كاظم الساهر

7-إعطيني اسم اغنيه معينه حزينه تحس انك تتأثر فيها عند سماعك لها ..؟! ولمن تهديها؟؟؟

أغنية محمد رشدي

( السعاده .. ليها ناس وناس طول عمرنا واحنا منها محرومين )

وبهديها لكل شخص محروم من السعاده ويبحث عنها

8-لو عندك 3 تذاكر سفر من من الأعضاء تفضل تأخد معك ؟؟ولماذا؟؟

السكون ..

نفسي أحتسي فنجان قهوي معو وأسمع منو كم بيت شعر

9- : هـل تـؤمن بالابـراج ؟ وماهو بـرجك ؟

لا طبعا لا أؤمن بها بتاتاً

وبرجي برج الحمل ولا تسأليني شو بيؤول برج الحمل لاني ما بعرف ولا بتبع



10-الشعر والخواطر من الاشياء التي تفضلها فماذا اعجبك من الشعر والخواطر؟>اذكر بيت وخاطره اعجبوك جداً!

إحساس مخيف جدا أن تكتشف موت لسانك عند حاجيك للكلام

وأن تكتشف جفاف دموعك عند حاجتك للبكاء

وأن تكتشف موت قلبك عند حاجتك للحب والحياه

وأن تكتشف أنك وحدك عند حاجتك للاخرين

11-الفرحه لحظات فهل بنظرك هي كذلك ولماذا؟

بل أقل من ذلك ربما لحظة من لحظات

الفرحه كما نسمة الربيع تأتي سريعا وتغدو أسرع

لماذا .. والله يا أخت دانا لانو الحياة هيك

وكأنو الفرح مكتوب علينا نعيشو لحظات بسيطة
12-الجرح هو اكثر ما يؤلم الانسان فهل تعرضت له ؟

لا أعتقد .. ربما من صديق
13-الخيانه اقسى ما يمر بها اي انسان فهل مررت بها ؟

لا أعتقد ذلك
واحتمال يكون لي عوده ...,,,

اي الحمد لله أسئلتك خفيفة نضيفه ههههههه

بس لو عودتي جيبي أسأله متلا ها

ههههههههههههههههههههههه

تحياتي أخت دانا وشكرا عالمشاركه معي بالاسئله

وأهلا وسهلا فيكي وبأي وئت

تحياتي

Aramees

يعطيك العافيه وربي يعينك ,,,

الله يعافيكي

[aramees]

يسلمووو اراميس عنجد يسلمو شو هالاكلات الطيبين

صحه وهنا

وينو عاشق الوطنية بدي اكسحو كسح جكارة فيه
اجى الاكل بئسمي ومارح اطعميه

اي لا ما بصير انتي كريمه وهوي بيستاهل ريماس

اي ياخيو اراميس ..خلينا جديين بقى حاج نجيب سيرة اكل جوعتني بسببك .. هلاء مين بدو يجبلي كاتو ..

اي شو في اخبار عندك

اي لا جديد تحت الشمس

الاخبار كتيرة وقليله ما ما بعرف منا ولا خبر

منيح مااجت دمعة وحطيت اسئلة خليني لكن الحئ حالي قبل ماتحط قنابل اسئلة
لنشوف شو بدنا نسئلك

اي اي اي اسئلي هوي الشغله صارت استكساب .. ها

وئع اراميس على كرسي الاعتراف وبدنا ندبحو دبح اسئله قبل لا ييجي يوم الاحد




اديش وزنك وطولك !!

سؤال مستعمل من قبل هههههههههه


وزني 65 كجم 000 وطولي 1.85 سم

بعدين ليش مابتحب الشكولاتة والله الشكولاتة اطيب ؟؟ شو السبب

ما في سبب من صغري وانا ما بحبا لو فكرت أكل شوكولاته

بيصيبي مغص بمعدتي وبحس حالي بدي رجع

أففففففففففففففف قفلي على هالسيرة قفلي



وبعدين ليش ماتحب الرياضة.؟؟

مو إني ما بحبها

غير ممارس للرياضه بحكم ظروفي وطبيعة شغلي

أنا ما بترك شغلي قبل الساعه 11 ليلا وبروح الساعه 10

صباحا

يعني ما في عندي وئت لحتى مارس الرياضه

بس زمان قبل شي 10 سنين كنت بلعب رياضه باستمرار

وخصوصا كرة القدم وكرة السله والتنس

طيب تحب ركوب الخيل او كرة القدم ؟؟

والله الاتنين رياضه جميله جدا جدا

تحب السفر ؟؟

أمنيتي أكون من المسافرين

زرت شي دول خارج بلدك يعني سافرت لمكان ؟؟واذا سافرت شو هي الاماكن يلي رحتا ؟؟

مع الاسف الشديد لا

بس لو صار ما في غير سوريا طبعا هيي حلمي الوحيد

اديش عمرك ؟؟

28 سنه

وعم تفكر شي بالزواج ؟؟


الله كريم ويبعت عم فكر هلا بهالشي

اكيد اختك الكبيرة يلي بتنائرها اكتر شي بتحبا اكتر شي صح ؟؟؟

إي طبعا ولوووووووووو لك هوي أصلا هيي ما في غيرا

وأختي الصغيرة عمرا 12 سنه

يعني باعتبار بوئت لما كنا دراير وعم نتخانئ

هاد طبعا قبل لا تتزوج و ما كنت أختي الصغيرة

باعتبار كانت وحيده

يعني كل الدلال والمحبه الها

عم تتحمل شي مسؤلية البيت ؟؟

إي طبعا شي أكيد

أساسا أنا هلا شايل مسئوليه البيت

وبوجود أبي الله يطول بعمرو

يعني من زمان زمان وأنا حامل هالشي

وخصوصا إنو انا أكبر أخواني الاولاد


واذا تحملت مسؤلية البيت شو احساسك بالمسؤلية ؟؟

سعيد جدا طبعا


حابة اعرف رئيك بريماس ؟؟ وادارتي بالموقع ؟؟


لك شو هالاحراجات هي بلكي رأيي سلبي بريماس

شوفي رأيي بريماس كعضوه بصراحه ماشالله عليها

يعني مميزة جدا جدا بمواضيعها ومشاركاتها

وغير هيك اكتر شي ملاحظو

إنو تواجدها بجميع اقسام الملتقى ملحوظ

يعني ما قسم الا وعم تدفش حالا بشي موضوعين تلاته

يعني تواجدها بالملتقى بشكل عام ملحوظ وتصلح للادارة

أما كمديرة الموقع

لا تعليق طبعا

هيك ختم بدو هيك مزبطة


منيح لحئت حالي كم سؤال قبل ماتجي دمعة

إي لكان يعطيكي العافيه

ولكي عوده طبعا

أهلا وسهلا

وشكرا عالاسئله وتحياتي لالك

Aramees

[aramees]

اراميس كيف بتتعامل مع الأشخاص الغير مرغوبين بحياتك

بمعنى آخر يتدخلو بحياتك الشخصية .. وانت وضحتلهم

بطريقة أو بأخرى انو وجود مناخيرن بحياتك مو مرغوب .. بس مابيفهمو .. شو بتعمل ؟؟

هالشي حصل معي بالتمام والكمال

هلا طالما هالشخص انا وضحتلو إنو انت انسان غير مرغوب فيك بحياتي ومع ذلك فضل ملزئ

وحاولت معو مرة واتنين وتلاته وفضل ملزئ متل الدبش

معناتو هالشخص متخلف وانسان ما عندو احساس بنوب فا انا لما صار معي هالشي

حليت الموضوع بإنو لئيت أفضل شي إني رحب في واستغلو تماما

واطلاع معو شي مشوارين تلاته وحاول طبعا نفوت شي مطعم واتركلوا الفاتورة لحتى يحاسب

ههههههههههههههههه أكيد بحل مو هيك

طبعا مرة واتنين راح تلائي من نفسو قفش حالو بطل يبينلي وشو

لا تؤولي فرضا الرجال كان سعيد جدا بدفع الفواتير لا ما بظن اساسا هوي لو من هالنوعيه

ما بيكون دمو تئيل يعني بالله معو فلوس وبخير مسلا مو معئول يكون دمو تئيل ولزئه متل هيك

يعني بعتئد بيفهمها لحالو

أما إزا سؤال بالقصد الأخر ما في أفضل من إني طنشو شو ما عمل طنشو

وحاول قدر المستطاع ما بينلو وشي وما اتواجد بأماكن هوي موجود فيها

راح يمل ساعتا ويبطل دمو زنخ

لا سماح الله لنفرض حبيت وتعلقت بحبيبتك لدرجة كبيرة .. وهي مرضت

مرض ممكن يودي بحياتها .. شو بتعمل ؟؟ اكيد رح تكمل معا سؤالي مو هون

السؤال شو رح تعمل بعد مايتولاها الله برحمته وتنتقل للعالم الآخر ؟؟ لاتقول مابعرف

أقولها وبكل صدق وبكل أمانه

سأبقى خالدا في ذكراها

سأُحَرِم النساء من بعدها

بتتزكري مسلسل الليل وأخرة

شو عملت حبيبتو ليحيى الفخراني لما توفى فضلت 15 سنه وهيي عم تزورو

وتهدي قبرو اكاليل الورد صح

لغاية ما توفاها الله حبيبتو

هاد هوي الحب

بس

سأبقى خالدا لذكراها


وتجاوبني أجوبة مبهمة *_^

مرة من المرات وقع صديقك المقرب في حب فتاة سيئة السمعة او خلينا نقول

انت بتعرف عنها شغلات مو حلوة وانو هي بنت لعوبة .. كيف رح تتصرف

وتقنع صديقك بأنو هي البنت مابتنفعو ؟؟ "_"

بالبدايه بنصحو انها مو مناسبه وبحكيلو دعنا من الاسباب المهم أنا شايفها مو مناسبه لالك

بحاول معو باسلوب انو مو جميله الك موش قد المئام في اجمل منها وووو الخ

ومن هالاساليب هي إزا إقتنع كان بها وإزا ما قتنع بحاول معو بكل الوسائل

ولكن لا اواجهه بحقيقتها مراعاةً لمشاعره

أما إذا ما اقتنع بنوب وبعد كل التعب والحكي معو لا بد من مواجهتهه بالحقيقه

ازا كانت البنت فعلا لعوبه وما بتناسبو ابدا

بواجهو بالحقيقه وساعتا أُفضل أنا إنو ينجرح وينكسر قلبو أهون علي من إنو يعيش مخدوع

مع انساسه ما بدنا نسمي .. مو مناسبه

شو القسم المفضل بالنسبة إلك .. بالمنتدى طبعا .. بعرف الكل خير وبركة

بس بأي قسم بتحس حالك مبدع فيه ؟؟

ملتقى الشعر والادب

ومكتبة الصور

طبعا كلو أنا بلائي نفسي ببدع فيه والا ازا ما كنت متاكد من الماده تبعتي ما كنت بفوت القسم نفسو

بس هدول تنيناتهن أكتر شي

شو هي سلبيات الموقع ؟؟

بوجهة نظري ما في

ولو في بحكي عادي

وكمان ببعت للاستاذ خالد عالخاص لو فيو شي

بس مو شايف لحتى الان

الله يحميهن الشباب مو مخليين من جهدهن جهد والشابات كمان طبعا

ومين لفت نظرك أول مادخلت ؟؟


أول عضو لفت نظري ساعة ما إشتركت بالملتقى هوي الصقر وعاشق

هدول الاتنين لفتو انتباهي بردودهن على مواضيعي وبتقييماتهن

اول اسبوع كنت وين ما روح وحط شي موضوع

اول المشاركين دايما عاشق والصقر ولازم يفوتو مع تقييم

أي عضو تحب تدردش معو كتير وتهتم لوجودو سواء بالمضافة أو المواضيع الأخرى '_'

أكتر عضو بحب دردش معو هون .. دمعة فرح

بحب دايما فوت مواضيعو ودردش معو خصوصا بالمضافه

ودايما كمان هوي بينورني بردودو على مواضيعي

بس يللي بهتم لوجودو مع انو ما صدفت الا قليل انو كون موجود وهوي موجود

قليل لما بتصدف نتواجد سوى

ما بعرف ليش يمكن شنو انا بفوت متاخر وهيي بحكم الزواجه بتقفل بكير

.. العضو يللي هوي احلى دانا بهتم كتير لتواجدها

بهديها كل السلامات والتحيه

حاج لهون وبرجعلك .. وعندي كومايات اسئلة على قولة ابو عمر شوالات

هههههههههههههههههههههههههههه اي اي منيح كتير منيح

احسن من بعض ناس عم يبحبشو على الأسئلة ومو لاقين شي

أكيد بتقصدي ريماس انا ما راح قلا انك بتحكي هيك

تحياتي وشكرا عالاسئله

Aramees

[aramees]

مسا الخير اخي ارميس

مسا النور هلا

انشالله بينفك الحصار عن غزة بلد العزة

الله كريم يسمع منك أختي

وبيتحققوا كل احلامك ياااااارب ومشكور على اجاباتك الجميلة

شكرا

شو هو احلى شي صار معك السنة الماضي واسعدك ؟؟

بداية بناء البيت الجديد ..

ما في خبر أسعدني أكتر من هالخبر بإنو قبل اسبوع بدئنا في إعمار البيت

يللي انهدم بالحرب وبلشنا نعمرو من جديد والحمد لله

هاد اسعد خبر لعام 2010

شكرا على المداخله نانو

تحياتي

Aramees