قصتي أغترابي في الكويت( ليش هيك) ؟!!

[ms.lonley]

ياإختي وياحبيبتي أنا مثلك سيده سورية ومولوده وعائشه بالكويت صارلي ?? سنه ومتزوجه من كويتي وحامله الجنسيه الكويتيه
بس عن جد لازم تفهمي وتعرفي ان هذا الوضع موجود بكل الدنيا
حتى عنا بسوريا دائما النساء بالتحديد بيغارو من أي جنسيه تانيه بس
أنا بنصحك أنو تندمجي وتتعرفي على صديقات سوريات وتروحي وتجي
معهن وتندمجي اكتر بالمجتمع وصدقيني راح تنبسطي وتنسي غربتك
وبالعكس راح تحبي البلد هون كمان بصراحه بكفي ان هون النعمه كتيره والحمدلله ومافي
قال وقيل وحسد وفي راحة بال واستعيني بالله وبالقراءه وانشغلي
في بيتك واولاذك وعلاقتك الاجتماعيه مع العائلات السوريه وغيرها وراح
تشوفي الفرق والله المستعان

يا ميت أهلا وسهلا بأختي الغالية وفاء عنجد كتير إنبسطت بشوفتك معنا ويارب إبقى شوف مشاركاتك على طول
حبيبة قلبي أنا صرلي بلكويت سنتين وخمس شهور تقريبا شفت كتير وخالطت كتير وأنا برجع بكرر ما بعمم علكل وين ما نروح في الصالح وفي الطالح
بس معلش الشعب الكويتي الله يهديه معروف بشوفة النفس وبلغرور وبلتعالي
وهادا الشي بيعرفوه حتى باقي الدول الخليجية مو بس الدول العربية
في إلي صديقة من البلد عزيزة كتير عليي عايشة بقطر بتحكيلي إنو القطريات أغلبهن نفسن طيبة وبحبو المغتربين وعادي ما بيعملو تفرقة ....وإلي صديقات ومعارف سعوديات وإمراتيات لاحظو نفس يلي لاحظناه على الكويتيات
أنا صراحة ما بحب إستغيب حدى بس على قد ما كنت شايفة منهم وكنت متضايقة ما لقيت مكان إشكي لحدى فيه غير المنتدى هاد يلي هو بيتي التاني ^_^
الموضوع شوي قديم الوضع هلأ تغير صرت ما إحتك كتير فيون وفي كمانة كتير أعضاء نصحوني عاملن بنفس معاملتن يعني لاحظت فرق لما طبقت النصائح
ولا تنسي أنا ساكنة بمنطقة بيندر فيا المغتربين خاصة السوريين وجاراتي كلن كويتيات صباح الخير يا جاري انت بحالك وأنا بحالي :)
أحكيلي انتي إن شاء الله مرتاحة ومبسوطة؟
عندك أولاد ؟ ولا علطريق
ربي يسعدك ويسخرلك زوجك ويجعلكم من أسعد الأزواج
عنجد كتير بتشرف بمعرفتك وإزا بتحبي تراسليني علخاص بكون كتير مبسوطة وممنونة
أنا ما عندي ولاد وماني موظفة وعادي تعودت على جو البيت والحمد لله في عندي صديقات ومعارف عرب كتير بنزورن وبزورونا وبحكي معهم على طول
بإنتظار ردك ولا تطولي عليي
تحياتي..........

[ms.lonley]

ياحياتي عنجد الله يكون معك معليّ صديقتي طولي بالك ....والله غريب انا بعرف انو السوري وين ماراح الناس بتحبو غريبين هالكويتيات على كل حال ولا يهمك نحن معك قلباً وقالباً ولاتستسلمي وادعيلون الله يهديون ولك تحياتي اختك وصديقتك nano

يا حنونة انتي تسلميلي
الحمد لله أموري هلأ بخير وتحسنت عن أول
لأن أول ما جيت ما كنت أعرف إتعامل مع الغربة والحياة والطبايع بس هلأ الوضع إختلف :)
أكيد بدعي للكل بلهداية وبضلن إخواننا في الإسلام
يارب ما يحرمني من طلاتك الحلوة عليي
بتشكرك على مرورك ودعمك يا غالية
وربي يحفظك وييسرلك كل أمر فيه خير
تحياتي وحبي

[وفاء مقلي]

ياهلا فيكي حبيبتي انا صارلي متزوجه 17 سنه وعندي 3 بنات وولد اكبرهم 16 واصغرهم 7 وعمري 37 والحمدلله مرتاحه ومبسوطه وانا ربة بيت ما بشتغل انا اصلا من حلب بس متل ما قلتلك انا مولوده بالكويت وكل اهلي موجودين هون بس كل سنه بالربيع بنزل على سوريا ما بقطع المهم انا بتمنالك كل خير حبيبتي وراحة البال واذا احتجت اي مساعده انا موجوده واخت لالك بالغربه وبشرفني اتعرف غليكي اكيد حبيبتي وبالتوفيق وياريت نتعرف على بعض اكتر واشوفك كمان

[ms.lonley]

ياهلا فيكي حبيبتي انا صارلي متزوجه 17 سنه وعندي 3 بنات وولد اكبرهم 16 واصغرهم 7 وعمري 37 والحمدلله مرتاحه ومبسوطه وانا ربة بيت ما بشتغل انا اصلا من حلب بس متل ما قلتلك انا مولوده بالكويت وكل اهلي موجودين هون بس كل سنه بالربيع بنزل على سوريا ما بقطع المهم انا بتمنالك كل خير حبيبتي وراحة البال واذا احتجت اي مساعده انا موجوده واخت لالك بالغربه وبشرفني اتعرف غليكي اكيد حبيبتي وبالتوفيق وياريت نتعرف على بعض اكتر واشوفك كمان

يا حبيبة قلبي تسلميلي شو أنك مزوقة وطيبة
والله أنا يلي إلي الشرف
حاولت ابعتلك رسالة خاصة الظاهر إن ميزة تلقي الرسائل الخاصة عندك ملغية فيكي ترجعيها من إعدادات لوحة التحكم
الله يخليلك ولادك يارب ويربو بعزكم ودلالكم ويجعلهم ربي من الصالحين البارين بوالديهم
والله كتير مبسوطة بردك الحلو وبتمنى نبقى على تواصل وكتير حابة إتعرف عليكي أكتر ^_^
لكي مني كل التحية والحب والتقدير