««صديقة الدرب»»
نصار العاشق الولهان غرقان بحزنو و حظو المعتر يلي بيفلئ الصخر
و لطفية المسكينة قاعدة بغرفتها و قافلة على حالها الباب و ناطرة قرار الامم المتحدة - ابو شوكت -
و كانت بتعرف انو قرارو رح يكون نهاية قصتها مع نصار
لهيك ضلت عم تبكي و تتزكر الايام الحلوة
و هي عم تسمع البوم اليسا الجديد
و غنية ع بالي حبيبي يلي كانت مقررة تهديها لنصار بيوم عيدو ميلادو
آآآآخ يا نصاااار
بس ليس كل ما يتمناه المرأ يدركه
و تجري المصاري بما لا يشتهي الموظف
و بغرفة ام شوكت و ابو شوكت - المناورات محتدة و النقاشات واصلة أوجها
ام شوكت : لك ليش هيك يا تؤبرني .. شو عملت البنت .. بركي صديقها الشب بس .. شو ما بتعرف جيل هالايام - هيهيهيهي - ( ضحكة بايخة )
ابو شوكت و الشرر عم يطلع من عيونو : ولك يا مرا خليني مروء احسنلك سمعتيني ولا لأ
و بتروحي تحكي لبنتك جوزين هالكلام يلي بدي قلك عليهون
و اوعك .. اوعك ها اسمع انك وقفتي بصفا او حاولتي تهديها
خليها عم تبكي بركي منخلص منها ومن همها .. و لك شرفنا ضاع بنص الحارة بسببها
ام شوكت : خلص يا تاج راسي مشان الله خلص .. انت فصل و نحنا منلبس ابن عمي
ابو شوكت : اي هيك هااااا .. ما احلاكي وما تسمعي كلمتي
ولك مين الرجال هون اه .. انا ولا انتي
ام شوكت و هي منزلة راسا للأرض : انت .. انت ابن عمي .. رجال البيت و تاج راسنا كلياتنا
ابو شوكت عم يشاور بأًصبعو : ليكي ام شوكت .. بتروحي بتخبري بنتك مقصوفة الرقبة
انو الخميس الجاي كتب كتابها على ابو الروض ..
عجبها عجبها .. ما عجبها بستميت مليون تلاتمية ألف داهية .. سمعانة وليه
ام شوكت و الدموع بعينيها : شو عم تحكي انت بدك بنتي تموت - مع دمعة بتسقط من عيونها -
بدك ياني اعطي لطوفتي - و هي حاطة ايدا ع خصرا لزوم الاكشن يعني -ست الحسن و الجمال لابو الروض - مع ضحكة استهزائية - يلي بيشتغل بياع بسوق الجمعة
ابو شوكت قام من مكانو ومسكا لام شوكت من ايدها بكل قوة و هو معصب: ولك هاااااااااد ابو الروض يلي مو عاجبك بيكون اخوه للمختار
بتحطي لسانك بلهاتك وبتروحي تحكي هالحكي لبنتك .. سمعانة وليه
ما بقي الا النسوان ترفع صوتها بحضرة الرجال
انئلعي من وشي وما بئا بدي شوف خلقتك لا انتي ولا بنتك
ام شوكت انسحبت من الغرفة و هي عم تندب حظها
و الجوازة يلي خططت الها للطوف من العكيد
و بنفس الوقت عم تفكر ببنتها شو رح يكون موقفها
يا ترى لطوف كيف رح تتقبل الخبر
بما انو هلأ جوازتها من ابو الروض
صارت شيء لا بد منو
و نصااااااااار .. نصار العاشق الولهان شو رح يصرلو
يتبع...
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
![]()
للاستفسار او مساعدة راسلوني على هاد الايميل
[email protected]
لا الموبايل ولا اللابتوب .. هاد ظلم .. يمكن لطوف رح تنتحر او يخطفا نصاااااار ههههههههههه عجبني رد ام شوكت بركي الشب صديقها بس هيهيهيهي
««صديقة الدرب»»
أم شوكت انسحبت من الغرفة تجر اذيال الهزيمة النكراء في مواجهتها الشديد مع ابو شوكت
عميد المنزل
و مشت رويدا رويدا لغرفة لطفية
لتزف لها الانباء السارة.. انباء خطبتها من ابو الروض
ام شوكت : يا ويلي انا .. يا ويل قلبي .. شو بدي احكي للبنت .. رح تجن
ولي على حظك المشحر يا بنتي.. لك ولي على ئامتي عليكي يا لطوف .. كيف بدك تتحملي
و بغرفة شوكت كان شوكت مع مرتو زهرية عم يحكو
زهرية مع ضحكة استهزائية : لك ولي على قلبي رح افرط من الضحك .. شوكت امسكني رح اوقع ع اد ما ضحكت
شوكت : وليش عم تضحكي يا بعدي .. لك تؤبرني هالضحكة الهي .. دخيل الله انا .. دخيل هالسنان اللولو
زهرية و خدودا عم يشعللو من الخشل : لك يوووووه ابن عمي .. لا تخشلني هيك خليني مبسوطة
شوكت : لك وليش القمر مبسوط .. روح دعس بطرطيرة نصار الهي .. لك موت و اوقع من الطيارة الهي بس ما انحرم من هالضحكة
زهورتي .. امانة امانة ضحكيني معك
زهرية عم تحكي بكل شماته : لك شمتااااااااااااانة شمتاااااااااانة انا .. لكان لطفية .. تتجوز نصار احلى شب بالحارة .. او تتجوز العكيد و انا اتجوزك انت
اي ما حزرت هالمقصوفة .. شفت .. شفت شو اخرتا اختك .. رح تاخد ابو الروض
شوكت بلش يعصب : و انتي ليش مبسوطة كتير اه .. نصيبك وا خدتيه شو بدك بالبنت يعني
زهرية و شكلها مو هاممها كلامو لشوكت : شو يعني .. بدك لطوف نصيبها يصير احسن مني
هاهاهاهاهاااااي ... ليش هي بشو احسن مني بلا زغرة.. أي والله والله انا احلى منها بستميت ألف مرة
شوكت و راسو للأرض لانو بيخاف من مرتو كتير : يؤبرني الحلو ( طبعا و هو خجلان من حالو و صاير اد الصوص لانو ما بيئدر يرد عليها .. لكان هي زهرية مو حيا الله
لطوف بغرفتها عم تبكي و بجية امها
طق طق طق طق ... صوت دقة الباب
لطفية خافت فكرت انو ابوها جاي .. قالت بركي نصار بعتلا مسج و ابوها شافو
لطوف عم تحكي بكل رعبة و خوف : ولك مينووووو ع الباب
ام شوكت : افتحي يا بنتي انا امك تؤبريني
لطفية فتحت الباب و ارتمت باحضان امها .. ولي على قلبي انا.. مشهد مؤثر كتير و رومانسي ع الاخر
ام شوكت : لطفية .. كتب كتابك الخميس الجاي من ابو الروض
لطفية وقعت و انهارت .... وما قدرت تحكي ولا كلمة
يتبع
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
![]()
للاستفسار او مساعدة راسلوني على هاد الايميل
[email protected]
««صديقة الدرب»»
بعد ما لطوف سمعت الخبر و وقعت من طولها و اغمى عليها يا ويلي انا
ام شوكت جابت الكولونيا و فيقتها
و حكو مع بعض حديث وومن تو وومن
و لطفية اقتنعت بنصيبها
شو بدا تعمل يعني تروح خطيفة او تنتحر؟؟!!
والله ما بتزبط
بعدين بتخرب القصة
اي المهم
اجو اهل ابو الروض المكونين من
المختار ابو فهمي
و اخوات ابو الروض
ام بريص و ام اربعة و اربعين و ام صطيف
- يلي مالو متزكرون يروح ع الاجزاء الاولى .. هنن يلي اجو طلبو ايد لطفية -
و اتفقو على كلشي
لطوف قررت بينها وبين حالها انها ما تخلي قدام ابو الروض ولا وراه ولا قرش واحد
و كانت الطلبات كالآتي
مقدم قدرو 400 ألف ليرة
مأخر قدرو مليون ليرة
شبكة ألماس من داماس
و شبكة تانية دهب ماركة فرفشة تبع ننوسة
و شبكة تالتة لازوردي
و طبعا المحبس لازم يكون فيه 20 الماسة بالتمام و الكمال
ما بينقصو ولا بزيدو ولا وحدة
فستان الخطبة طبعا من تصميم المصمم العالمي ايلي صعب
شو زهرية احسن من لطوف يعني
هديك صمم فستانها زهير مراد يووووه
و الحفلة بصالة ألف ليلة و ليلة
- طبعا هالصالة من تأليفي والله ما بعرف ازا في صالة هيك او لا -و طلبت ليموزين مشان تاخدها ع القاعة
ابو الروض الدنيي ما كانت عم تسعو ع اد ما كان مبسوط
بست الحسن و الدلال لطوف
بس لطفية
كان قلبها واجعها
كانت بس عم تطيع اوامر ابوها
و القلب عم يرفرف
و ينادي حبيب الروح نصار
لك نصار .. يلي ما حدا بيعرف الله وين حاطو
وما حدا سمع اخبارو
نصار بعد ما سمع خبر زواز لطفية
قرر انو يهاجر على دبي
و يشتغل
بركي يجمعلو كم قرش و يقدر يرجع و يفرجي لطوف
انو هو احسن من ابو الروض
و فيه يجبلا ميت ألف ألف شبكة من داماس و غيرو
لانو طبعا .. هو مفكر انو لطوف تخلت عنو مشان المصاري
آآآخ ع الحب يلي راح هدر
و آآخ على حبيب متل نصار بيفكر انو لطفية باعتو
نصار للحظة حس بضعف
وصار يفكر بخيرية
و دقلا
انا مش مبينالو انا ناويالو على ايهساكتة و مستحلفالو و ******
- نسيت الباقي خخخ -
المهم هي رنة موبايل خيرية
خيرية : الوووو نسووووووووووورتي
نصار و الدمعة بعيونو : اهلين خيرية كيفك
خيرية يا تؤبرني انا شو اخبارك كيفك يا بعدي .. لك يعدمني ياها لطفية الهي .. شفت يا عمريشفت كيف قدرت تبيعك مشان كم قرش
لك ولا يهمك يا تؤبر عظامي .. انا معك وحدك و بخفف عنك
نصار و الغصة بحلقو و مو عرفان شو بدو يعمل : خيرية انا ما دقيتلك مشان نرجعبس انا محتاج حدا احكي معو و فضفضلو .. ما بعرف لك آآآآآآآخ يا لطوف آآآخ
خيرية و هي حاسة روحها رح تطلع : سلامتك من الآخ يا بعدي
كيف نصار رح يتحمل كل هالعزاب
وكيف رح يعرف انو لطوف مجبورة
و خيرية ... شو موقعها من الاعراب يا ترى
يتبع ...
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
![]()
للاستفسار او مساعدة راسلوني على هاد الايميل
[email protected]
الذين يشاهدون الموضوع الآن: 3 (0 من الأعضاء و 3 زائر)
مواقع النشر (المفضلة)