ضيـف الإسبـوع على كرسـي الإعترآف :: الأخ الغــالي ابـو عمــر ::

[ابو عمر]

الله يعينك على هالقعدة يا أبو عمر
لحق رد على اسئلة البنات
يا زلمة شو كان بدك بهيك لعبة مني منك بنسحب
ههههههههههه

الله يسلمك .. هاد اللي برد عالنسوان هيك بصيير فيه

والله تورطنا .. ودخول الحمام مو متل طلوعو ..
علقة سوداااا
لاحقك الدور سيفو الحبيب ..

بالفعل أخي نحنا ألنا الشرف انو معنا بالموقع شخص متلك
بتمنالك السعادة و بتمنى تحقق كل احلامك و طموحاتك
أنت و كل أعضاء موقعنا الغاليين على قلبي
لي رجعة إن شاء الله
الشرف بمعرفت أمثالك حبيب



يلا رح حط سؤال صغير مشان ما يقولو ما سأل شي

وين تعلمت الحلويات و كيف كانت بدايتك فيها ( لأني جربت اشتغل هالشغلة كانت صعبة )

والله هي مصلحة العيلة ..
يعني من أنا وعمري سبع .. تمن سنين .. وأنا بهالمصلحة
بجنب الدراسة طبعا ..
بس ما زبطوا التنين سوا ..

كلشي بداياتووو صعبة ... بعدين الامور بتبلش تسير بطريق سلس



مشكور للمشاركة اللطيفة أخي شريف

نورت حبيب .. سلملي على كل الشباب حواليك

[دمعة فرح]

b . a . c . k


صباح الخير اولا .. كل عام وانت بخير ثانيا .. ووصل تحياتي لأم عمر ثالثا

4376.jpg


كيفو الكرسي ؟؟ لا تستغلو وتعملو تخت صحصح معي

يلا هانت

نبلش بالاسئلة ؟

على بركة الله

* ذكرت انك كنت رح تخطب عن طريق النت .. كيف اقتنعت بالبنت لدرجة انك حبيت تخطبها ؟ وليش ماتمت الخطبة ؟

* ليش ماعم تفوت عالمضافة ؟؟

* بدي تزكرلي موقف محرج بحيث انك تمنيت انو الارض تنشق وتبلعك من كثر الاحراج ؟؟

* ايمت بتبكي ؟؟ بتخفي دموعك ؟؟

* اذا دخلت الجنة والله سمحلك تاخد 3 اشخاص معك .. بصراحة وصدق مين بتاخد ؟؟

اذا ما جاوبت بصراحة على الاسئلة رح تجيك رعشة كهربا ايوااا

b . r . b

[ابو عمر]

صباح الخير اولا .. كل عام وانت بخير ثانيا .. ووصل تحياتي لأم عمر ثالثا

صباح النور .. ومساء الخير .. وانتي وكل الأعضااء بألف خير وعافية
وينعاد علينا وعليكم بالصحة والسلامة وزيادة الطاعة ان شاء الله
ويتقبل دعائنا ودعائكم ..

ووصلت السلامات ..







كتر خيرك عالضيافة المهضومة .. يسلمو هالادين دمعه



كيفو الكرسي ؟؟ لا تستغلو وتعملو تخت صحصح معي
مريح وتمام غير شكل ...
بس الاستجواب بطيئ .. شي بنعس .. أميت الفرج .. ؟؟



يلا هانت
على خير ان شاء الله



نبلش بالاسئلة ؟

على بركة الله
تفضلي .. بسم الله



* ذكرت انك كنت رح تخطب عن طريق النت .. كيف اقتنعت بالبنت لدرجة انك حبيت تخطبها ؟ وليش ماتمت الخطبة ؟
ايوا ... سولافة طويلة ..
كنا بمنتدى .. وصار اعجاب .. حب .. شفتها .. عجبتني وعجبتها ..
حكيت مع أبوها .. وزرتهم وزارونا .. وما تيسرت الأمور

ماتمت الخطبة لإنو صلينا استخارة .. ورب العالمين ما أراد ..
السبب الرئيسي كان إنو وضعن المادي أحسن من وضعي ..

قصة طوووووووووووويلة



* ليش ماعم تفوت عالمضافة ؟؟
اول شي اسمها مضافة .. يعني الواحد بفوت بغيييير جو
وبيضحك وبينبسط شوي ..
والمضافة الماضية تسكرت وانتي بتعرفي السبب ..
وصار في قوانين جديدة بالمضافة الجديدة .. وأناما ناسبتني هالقوانين
فقررت الانسحاب بهدووووء ...
بس مراقبكم من الشباك الغربي خخخ

* بدي تزكرلي موقف محرج بحيث انك تمنيت انو الارض تنشق وتبلعك من كثر الاحراج ؟؟
رحت على مطعم .. أنا و ... وماكفوني المصاري اللي كانو معي



* ايمت بتبكي ؟؟ بتخفي دموعك ؟؟
المشاهد الحزينة المبكية ... نعم كثيرا ما أخفي دموعي


* اذا دخلت الجنة والله سمحلك تاخد 3 اشخاص معك .. بصراحة وصدق مين بتاخد ؟؟
أبوي .. أمي .. زوجتي



اذا ما جاوبت بصراحة على الاسئلة رح تجيك رعشة كهربا ايوااا
لا دخلك .. من غير دف ....


مشكورة دمعه عالمشاركة والأسئلة اللطيفة



b . r . b

t.y.t

[En.Khaled Alfaiomi]

أبو عمر سؤال فني مين بيطبح ؟ نت ولا أم عمر

لانوا شكلك خطير بالأكل

شو عاملين فطور اليوم