ضيفـة الإسبـوع على كرسـي الاعتـراف :: الآنسـة lolo89 ::

[لولو الصغيرة]

لولو حبيبي كيفك
مشتاقتلك حياتي ..انت كيفك ؟؟
بدي اسألك ممكن؟
اي لكن تفضلي ..

اولا ً انت بتحبي الشب الاشقر ولا الاسمر
الشب الأشقر جنني ياعيوني ..سارقلي عقلي مني الله الله
هههه عم امزح
شوفي ..انا لابهمني يكون اشقر ولا اسمر ممكن يكون اشقر بس مافيه شي من الجمال وممكن يكون اسمر كمان ماعندو اي صفة من الجمال
المهم عندي جمال روحو بيعنعكس على الجمال الخارجي .. وبعدين الجمال الخارجي بكون بالجاذبية والشخصية وتناسق الملامح والجسم وكمان طريقة الحكي والمشي والاناقة والنظااااااافة هدول صفات بتكمل الجمال والكمال لله..

ثانيا ً أي نوع من الحيوانات الاليفة بتفضلي
ليكي حبيبتي نانو ..انا وصغيرة كنت حب الحيوانات كتير
ربيت ارانيب ..صواص ..قطط كتييير ..وز ..سنجاب
عصافيييير ..وكمان خاروف صغير
بس مدري ليش هلق معت حبيتون وصرت اقرف منن كتير

بس اكتر شي هلق .. يعني العصافير والسمك








thanks
thanks for you and
welcom at any time

Regards
LOooLOoo

[لولو الصغيرة]

باااااااك
هلا وغلا دموعة ..



يلا هانت ظلك يومين بس .. حيوتي اتي
والله انبسطت كتييييييير خسارة مر الاسبوع بسرعة



لولو لو دخلتي الجنة والله سمحلك تاخدي 3 اشخاص مين رح تاخدي معك ؟
ان شاء الله الله يسمع منك يارب باخد
بابا وماما ولولو

لولو شو نوع لبسك ؟؟ وبتحطي ميك اب ازا طلعتي برا البيت ؟؟
اها .. شوفي لقلك انا مابلبس رسمي وكعب عالي الا عند الضرورة القسوة
يعني ..بلبس مناطي قصيرة سبور
او جواكيت قصيرة لعند الركبة مع بنطلون جينز

الاحذية .. اكرمكم الله ..
بواط كومفورس او خفافات

الحجابات ممكن حجابات قطعتين او لحشات بس المهم لونهابيض حصرا


اما بالطلعات الرسمية ..اي على المطاعم .. المعايدات ..السهرات ..
بحب البس رسمي شوي .. اكابري اكتر (فخامة)

الميك اب .. اهاااااااااا
بحط بس خفيييييييييييييييييف مو باين يعني بيظر ملامحي مو بيخفيها
خليتيني



تؤمنين بعلاقات النت التى قد ويمكن تتطور الي نهاية طيبه الا واهى الزواج؟
اي ائمن .. كتير سامعة عن هيك قصص انتهت بالزواج والحب


لكل منا لحظات فى العمر (سعادة أو حزن) لا يمكن أن تنسى ... فما هى اجمل لحظات سعادتك؟ وما اشدها حزناً؟
اجمل لحظات سعادتي .. لما شوف ماما وبابا فخورين فيني وتكون سعادتي مكتملة بالحصول على يلي بتمناه
اشدها حزنا .. من تأنيب الضمير .. ولما بفكر انو ليس كل ما يتمناه المرء يدركوه

في هذه الحياة نستقبل ضيوف بلا موعدفمن هم اولئك الضيوف بلا موعد في حياة لولو .. بالصدفة يعني
انتم .. وهو


[ كلمة]تكرهينها وأخرى تحبينهـــا ..؟
كذابة .. اشتقتلك


كيف هي حال مشاعرك هنا


مع رؤية عزيز ..! شوق وحنين ودموع فرح

مع اندثار حضارة ..!! شعور بالحزن الصامت ..والخوف من المستقبل

مع وداع عزيز ..!! ألم وحزن واحتراق وخوف من ألم أيام فراقه وشوق وحنين له قبل ان يغيب

مع بكاء طفل ..!! شعور بالحنان ..والألم واشعر ان لازم ضمو وأواسيه وعيني تدمعان

لي عودة اكيد
هلا دموعة نورتي .. رح اشتقلك

[ابو عمر]

مساء الخير أم اللول ...

والله يا مسكينة نشف ريقي عنك ...

انتي وعم تجاوبي ... وما حدا ضيفك شي ...

تفضلي روقي وهدي أعصابك بمشروبك المفضل .. أول شي ..




مشكورة كتير على جميع الأجوبة العفوية ... الرائعة ..

وشكر خاص لك على الإطراء والمدح اللي وصفتيني فيه ..

والله خجلتيني ...

طيب تقبلي مني ... هالنقرشة هي .. مشي حالك من هون للعشا ..




بعرفك بتحبيها .. من غير حلفان ... بس هالصحن كمان .. ههههههه





إن شاء الله صحتين وهنا ...
وهلاء سؤال زغنون ..

لولو ... بتعرفي تقرأي قرآن منيح ... بالأحكام يعني ....

ممكن أعرف مخزونك .. من القرآن ...

مشكورة من جديد لولو ... تحياتي لك

[لولو الصغيرة]

مساء الخير أم اللول ...
يسعد مساك اخي ابو عمر كيفك ان شاء الله مبسوط ؟؟

والله يا مسكينة نشف ريقي عنك ...
اي والله شايف .. يلااااااا كلو بسوابو ..

انتي وعم تجاوبي ... وما حدا ضيفك شي ...
معذورين ..اي ياعمي معيدين وماحدا ادون .. وانا تاركيني هون وبيلحشو اسئلتن وبروحو


تفضلي روقي وهدي أعصابك بمشروبك المفضل .. أول شي ..
ايييييييييييييييه لك لك شو هدعم هاد والله انك مزوق
امممممممممممم




مشكورة كتير على جميع الأجوبة العفوية ... الرائعة ..
تسلم تسلم .. هاد طبعي وبحب العفوية ولا شكر على واجب.. والرائع وجودك واسئلتك اخي

وشكر خاص لك على الإطراء والمدح اللي وصفتيني فيه ..
تسلم اخي .. والله مو مجاملة عنجد بتستاهل واكتر ...

والله خجلتيني ...
يييييي دخيلو الخجول هههههههه لا تخجل ولا عبالك اقل منها ...
وانشاء الله كون وفيتك ..

طيب تقبلي مني ... هالنقرشة هي .. مشي حالك من هون للعشا ..
اممممممممم .. ياهيك النقرشة يابلا



وحيات الله روح قلبي السلطات ممممممممم
بعرفك بتحبيها .. من غير حلفان ... بس هالصحن كمان .. ههههههه
كمان ياسلاااااااااااااااااااااام تبولة كمان والله انك زوق وفخامة





إن شاء الله صحتين وهنا ...
على قلبك يارب .. يسلمو هديات ..

وهلاء سؤال زغنون ..
تفضل ..

لولو ... بتعرفي تقرأي قرآن منيح ... بالأحكام يعني ....
يعني منيحة الحمد لله .. بس تجويد مو كتير بصراحة..


ممكن أعرف مخزونك .. من القرآن ...
اي ممكن اكيد ...انا حافظة جزء عمى وتبارك وسورة الرحمن وجزء من البقرة وسورة من آل عمران
وبعض الايات من سورة النساء


مشكورة من جديد لولو ... تحياتي لك
هلا اخي ابو عمر المحترم ... يسلمو على الاسئلة الحلوي
ماحرمت من حضورك

تحياتي