واجب الشباب السوري هذا اليوم

[ريماس]

الكلام ما قل ودل

انا برجي الأسد ووطني الأسد وسوريا الأسد لو اختفى منها الأسد اكلتنا الضباع
واصبحت بلادنا ضياع هل توافقوني الرأي ؟


محمود وانلي

كلام اعجبني منك اخي الفاضل محمود
وانا اوافقك الرأي
الله يحفظ بلادنا ويحسن اوضاعنا وان يجعلها بلدة امنة مطمئنة
شكرا لك بشار على طرحك المميز الرائع
تحيتي لك

[msh2000f]

نحبك يا بلادي

حماك الله يا سوريا

[عكيد]

لامكان للفاسدين والمخربين والخونة في سوريا
سيدي الرئيس المفدى (بشار الأسد)
نحن جميعاً معك في قيادتك الحكيمة
شعب سوريا كله معك ياقائد هذه الأمة العظيمة
لن تركع أمة أنجبت (بشار الأسد)
نحن كسوريين نرفع رأسنا بك
ونفتخر بأنك رئيساً للجمهورية العربية السورية
حماك الله يا أسد العروبة
الله ينصرك على أعدائك
آمين .... آمين

[bashar]

طبعا الاخ من سوريا وبيتمنى الخير لسوريا وكلنا منتمنى الخير لسوريا ولاهلها وهاي الاحتجاجات الي بيقوم فيها الشباب السوري هي من العمق السوري وليس من الخارج حتى نتحدث عن حملة خارجية ضد سوريا وهذه الفتنة الي بتحكوا عنها اكيد الشعب السوري بعيد عنها الا اذا المخابرات السورية افتعلها بين الشعب باستخدام اجندتها وباستخدام المرتزقة التابعة لها وباستخدام عناصر حزب الله الي عددن 3000 مقاتل دخلوا على سوريا ويا سيدي الكريم عن اي فتنة تتحدث ما الفتنة موجودة زرعها النظام الغاشم في سوريا منذ 48 عاما وواجبنا نحن كشباب سوريا نلتحم ضد كل ممارسات النظام وحاج تحكوا على القومية هية الي خربت بيوت السوريين وحاج تتحدثوا عن مواقف سوريا اتجاه الخارج واتجاه اسرائيل ومن المعروف ان النظام السوري اكبر عميل لاسرائيل وامريكا واذا المخابرات الامريكية بدها تستجوب احد الاشخاص كانت تبعته الى المخابرات السورية من اجل استجوابه وهاد الحكي معروف للشعب السوري كله وحتى الك يمكن اخ بشار بعدين حاج نحكي عن المؤامرة الخارجية هاد النظام هو اكبر مؤامرة على سوريا واهلها وشعبها وخيراتها نهب وسرقة ورشاوي وبلطجية واي شيء سيء بتلاقوه في النظام البعثي السوري العميل ومعقول يا ناس حدا له في الحكم 11 سنة ماقدر يحرك ساكن ما قدر يعمل شي لبلدوا وللناس الي عايشة بالبلد كم من صوت علا وقال يا سيادة الرئيس الاصلاح كم من باب للحوار فتح واغلقه الرئيس كم من معتقل في السجون السورية لمجرد طالب بالاصلاح او لمجرد قال ان هذا النظام فاسد لو ما نو ا التظام فاسد والمخابرات افسد منوا ما كان ضل لحد هالوقت ولو مانوا حاكم شعبوا بالنار والحديد ما كان ضل لهلق
والشعب السوري ما بدوا غير الاصلاح بس الظاهر انوا النظام ما عم يعتبر من الثورات الي بتحدث في الدول المجاورة ويا سيدي الرئيس واللهي عائلتك لن تنفعك اول الناس الي بدها تتخلى عنك عائلتك وما الك يا سيدي الرئيس الا تصالح شعبك وهنن بيحموك وبيدافعوا عنك و ممكن ما تشوفوني بعد هالحكي طبعا بسبب المخابرات السورية وانا بعتذر اذا اسات لاي شخص منكم وهاد الحكي انا بحكي منشان سوريا بلد الخيرات ولصالح الشعب السوري والفتن الي بتحكوا عنها ما رح تقع بين الشعب السوري لانوا الشعب اوعى من هيك بكتير والله يحمي شعب سوريا الصامد منذ 48 سنة ضد القمع والمخابرات والظلم والرشاوي وكفانا يا شباب سوريا هروب من الواقع ومن الحال السيء الذي يعيشه شباب سوريا وما رح تخرب اكتر مانا خربانة وشكرا لجهودكم من اجل التغيير الى الاحسن في سوريا
وإما حياة تسر الصديق وإما مماة تغيظ العدى

انا ما فهمت عليك
يعني انت سويت حزب الله عميل وسوريه عميله وعم تخلق فتن
مين هو اللي مانو عميل؟؟؟؟
اخي علينا ان نتحدث بموضوعيه
يعني اذا كان في بعض من عناصر المخابرات فاسده ما يعني صرنا عملاء لاسرائيل وامريكا
بعدين يا ريت تفهمني انت من وين جايب معلوماتك!!!
يعني في شغلات انت عم تناقش فيا وهيي من المسلمات
يعني حاسك من جماعه 14 اذار