قال في يوم من الأيام صار عرس في أم الطنافس وصاحب العرس متكلف جداً عليه
يعني الأرض كلها تراب ومساحتها شي دنوم وفرشها سجاد
وألعاب نارية من أقوى شي بالعالم
و مطربين وشعراء من لبنان
وغير العشاء
وغير الضيافة والحلو

والعرس بلش الساعة 8 بالليل وخلص 2 بالليل
بس تاني يوم شوفو شو أنحكى عليه
على حسب قول واحد ما حضر العرس
**
قال:
ناس بتقول أنه السجاد من أفخر ما يكون وجداد جايبهم وما أسئجرهم وكلفت الوحدة شي 20000 ليرة
وللضيوف التقال سجاد عجمي تقيييييييييل
وناس بتقول غير هيك

وناس بتقول أنو المطرب لحالو أخد 600.000 ليرة وناس بتقول 800.000 وناس بتقول مليون وناس وناس وناس

وناس بتثول أنه جايب مصور تلفزيوني بأحدث الكاميرات ومدري كم كميرا حاطط
وناس بتقول غير هيك

 وناس بتقول أنه جايب العاب نارية لربع ساعة شغالة وهي بتكلف شي نص مليون
وناس بتقول لاء ما كمل الساعة وناس بتقول ما وقفوا الألعاب النارية طول الحفلة

وناس بتقول أنه ذابح مدري كم جمل
وناس بتقول أنه بس عامل كبسة
وناس بتقول بوفيه مفتوح

وناس بتقول عازم وزير المابعرف شو
ورئيس الشو أسمه
وجورج وسوف ووفيق حبيب
وهدول كرت العزيمة تبعهم مكلف 50000

وناس بتقول أنه المطرب مو منيح قام أجو شعراء ومطربين من أهل البلد وكملوا عنهم

وناس بتقول أنو العصير ما وقف طول الحفلة و شي 10 أصناف غير أنو على كل كرسي في صحن فواكي وأرجيلة

وناس بتقول الاذاعة مو منيحة ما سمعنا شي
وناس بتقول أنصرعنا

وناس بتقول أنه العرس ضل للساعة 2 بالليل وناس بتقول أنه ضل لصلاة الصبح

وناس بتقول أنهم ساوو عرس النسوان بالديميديان وناس بالشيراتون

وناس وناس وناس وبأخر ما عجبهم العرس
يعني شو ما عملنا مو خالصين



وعلى الفكرة العرس حقيقي وليس متخيل ولكن ليس في أم الطنافس بس من شان الفضايح ما كتبت أسم المنطقة
وهذا الحكي كلو مختصر ولسه في كمان