أول شي شكرا على تعديل العنوان بس كنت متضايقة لما كتبتو ^_^ وما إنتبهت كتير للتوضيح
أكيد الحياة بدها صبر وما في حدى مرتاح بلدنيي كلها شكرا للجميع
وبلنسبة للمغتربين متلي بلكويت بتمنى ما تفهموني غلط وتقولو عني منحازة لأهل بلدي وبكره الباقي وهيك شي لا بس يمكن تكونو إنتو ما شفتو يلي شفتو أنا
بحكم إني ساكنة بمنطقة يندر فيها الأجنبي يعني كل سكانها كويتيين بدو ويمكن إنتو تكونو ساكنين بمناطق كلها مغتربين متل حولي ...الفروانية.....إلخ مشان هيك ما حسيتو بلشي يلي قلتو
الله يرجع الجميع سالم غانم على بلدو ويخلصنا من هلغربة على خير
أشكر كل من زار موضوعي
أشكرك أخي الكريم ملك اللاشيء .......:)))) إسمك غريب وسو فوني بس فريد من نوعو وحلو
بتعرف شو
أنا كمان تولد الكويت وكل أهلي كانو قبل الإحتلال فيها حتى إن والدي إجى علكويت بأول الستينات يعني كان صغير وقتها وتزوج ماما الله يرحمها وجابونا كلنا هون بس لما صار الإحتلال رجعنا لبلدنا وبقي والدي وخيي هون وبابا الله يذكرو بلخير بطل يسافر من عشر سنين ولا لو ضل يسافر يمكن كان حصل علجنسية الكويتية والحمد لله إنو ما حصلها هيهيهيهي
بس أنا كنت صغيرة كتير قبل الإحتلال وما بذكر غير شغلات بسيطة وأهلي كانو عايشين بخيطان يعني كان في كتير مغتربين بس أكترهم مصاروة
فيعني أنا تصورت إني عيش متل حياة إمي وخواتي قبل بس إنصدمت بواقع تاني محايد تماما
يمكن أنا فسرتها غضب النساء الخليجيات على الشعب السوري بسبب كثرة السفر من الكويتيين إلى سورية بسبب الإصطياف وتركهن لوحدهن
مابعرف ......شو الحل وشو نعمل
بس لا أملك غير الدعاء الله يهدي الجميع
ونخلص غربتنا على خير
بتمنى نبقى على تواصل من خلال هلموضوع
تحياتي وإحترامي
الذين يشاهدون الموضوع الآن: 19 (0 من الأعضاء و 19 زائر)
مواقع النشر (المفضلة)