هل نحن متطورون أم مقلدون ..!!؟

[Dr.Berooo]

موضوع جميل جدا" .. اخي وصديقي الغالي ابو عمر حطيت ايدك على الجرح ...
بدك الصراحة نحن لا متطورين ولا مقلدين لك نحن مكانك راااااااااااااوح ....
لك عنجد صرت بتمنى انو نصير مقلدين بلكي منقدر نقلد ولو جزء بسيط من تطورات برة طبعا" مع احترامي الشديد لك متطور ويلي عم يسعو للتطور ببلدنا الغالي ...
برأي انا المشكلة الاساسية هي القضية الاقتصادية يلي عم يعاني منها الكل ولو في فسحة اقتصادية مريحة لكنا شفنا نوع من انواع التطور بكل مجالات الحياة عداك عن الاكتشافات ، لأنو كلنا بيعرف العقل السوري وما يحمله من قدرات هائلة في اي مجال ان كان سواء طبيا او ادبيا او تقنيا ...
عنجد يا شباب مارحت على دولة من الدول الا والكل بيشيد بالعقل السوري هدا ان دل وما دل بيدل على تفتح هقولنا وان نحن جيل مطور وعنا القدرات الفنية بس وين برة !!! طيب ليش ؟؟؟ مادة ...
طبعا بدكون تحكو هي الدول العربية الخليجية فيها تطور اقتصادي بس وين تطورها الاجتماعي والسياسي هون بيجي كلمة نحن جيل مقلد لأنون عم يقلدوا من دون ما بفهموا اي شي وبتضل المعلومات محفوظة ضمن وطنها الام ...
فمشان هيك الحل بين ايادينا يعني لازم يكون في جيل مضحي بالنص بحيث كل المبتكرين والمخترعين والمبدعين على كل الاصعدة سواء الطبي والتقني والسياسي والاجتماعي ترجع لبلدها وتعمل اي شي مستحيل للتطوير مشان الاجيال القادمة تعيش بنوع من التطور والفكر المبدع اكتر ...
مع عدم النسيان انو الحمدلله نحن في تطور ملحوظ ببلدنا الغالي ومتل ما تفضل سيادة الرئيس بقوله نحن نسير بعربة قديمة وبطيئة وعلينا التحرر من هذه العربة وان شاء الله ايد بئيد بدنا نقدر نغير هالوضع ومتل هيك مواضيع بتفتح اذهان الشباب على تحمل المسؤلية وان الوطن بنتظارون ...
والف شكر الك صديقي الغالي ابو عمر ...

[ابو عمر]

لاء طبعا نحنا عنا عقول رائعة جدااا ... بس بالمقابل بلادنا عم تعاني من هجرة الأدمغة

يعني يلي بيكون عنده امكانيات و طموح بتلاقيه غالبا بيسافر على أحد البلدان المتقدمة

و السبب أنه غالبا ماعم يكون في مناخ داعم و محفَز للإبداع و تطوير القدرات و المهارات ببلادنا ....

و طبعا غالبا لما بيروح على شي بلد ... ما رح يرجع لبلده

لأنه الفرص و التسهيلات يلي بتتوفر برا ... ما بتتوفر هون للأسف

الشي التاني و المهم ...

غالبا بنلاحظ بالدول العربية بشكل عام مو بس بسوريا ... أنه الرواتب يلي بيتم دفعها للخبراء الأجانب

أعلى بكتير من الرواتب يلي بيتم دفعها للخبراء العرب

( حتى و لو كانوا بيمتلكوا المؤهلات العالية جدااا و يلي بتتشابه مع مؤهلات نظراءهم الأجانب )

و بصراحة أنا فعلا بحس أنه في ثقة بالأجنبي و قدراته و مواهبه أكتر من العربي ...

و هاد سبب أساسي من الأسباب يلي بتخلي العربي يبقى برا و ما يرجع لبلده

لأنه بينصدم أنه ما عم يحصل على فرص موائمة ... و ما في تقدير لكل المؤهلات و القدرات يلي بيمتلكها

أنا بعرف شخص موهوب ... درس بإحدى الدول الغربية ... و أثناء دراسته اشتغل كمان ...

و بالتالي جرب الدراسة و الشغل هنيك

لما رجع لهون .... انصدم فعلا ... كان طول الوقت يخبرنا أنه ندمان ع الرجعة .... ما اتوقع الوضع هيك رح يكون أبدا

اتوقع أنه راجع يلاقي كل الفرص و التسهيلات عم تتقدمله على طبق من فضة ...

خاصة أنه راجع بشهادة دكتوراه و بخبرة عمل ممتازة

بس الواقع كان مختلف ... الفرص كانت كتير عادية .... مقارنة بالفرص المميزة يلي اتقدمتله بالبلد يلي كان فيه

بس هو رجع كرمال أهله .... و كرمال أنه يستقر ببلده ... و ما بده اولاده يتربوا برا

بس فعلا ... ما بعتقد أنه لقى التقدير يلي بيستحقه أبدا

و طبعا بالنهاية ما لازم ننسى نذكر أنه في شباب عندهم قدرات رهيبة ...

بس ما عم يعرفوا يوظفوها و يستغلوها صح

يعني عم يضيعوا حياتهم بشغلات فاضية ...

على الرغم من أنه ممكن يحققوا شي كبير لو وظفوا امكانياتهم صح

آسفة ع الإطالة ... بس موضوعك رائع و مهم و واقعي جدا

ألف شكررر ع الطرح المميز

إلى الآنسة سناء ...

كل التحية والإحترام لك ولرأيك الواقعي ...

عرفتي الأسباب والمسببات .. ومتل ما بئولوا حطيتي ايدك عالجرح ...

للأسف الشديد هاد الواقع اللي نحنا عايشينوا مو بس ببلدنا ..
وبكل البلاد العربية متل ما تفضلتي ...

بس يا ترى ليش هيك عم يصير ..!!؟؟

ولأميت .. !!؟؟ بلادنا مو أولى بمثل تلك العقول ..!!

والإمكانيات الرهيبة ...

أليسوا أهلا لوضع كامل الثقة بقدراتهم .. !!؟

أسئلة كثيرة كثيرة جدا ... تدور ... دون جواب ..!!

ربما .. وربما ... وربما ....

من جديد لك التحية آنسة سناء

[ابو عمر]

سناء كفت ووفت لأنو فعلا الادمغة هاجرت وعم تشتغل برا بلادها لأنو فيه فرص عمل اكتر ورواتب تكفيهن

وحتى لو اشتغل ببلدو بنفس الافكار مرح ياخد حق تعبو متل مرح ياخدو بالخارج

ورح نظل نعاني من هي المشكلة .. بس مين السبب ؟؟

شكرا على الموضوع المهم ابو عمر

تحياتي الك

كلامك صحيح دمعه ...

وأنا بضم صوتي لصوتك ... مين السبب ..!!؟؟

شكرا على المشاركة اللطيفة ...
وأيضا لك التحية

[لولو الصغيرة]

لاء طبعا نحنا عنا عقول رائعة جدااا ... بس بالمقابل بلادنا عم تعاني من هجرة الأدمغة


يعني يلي بيكون عنده امكانيات و طموح بتلاقيه غالبا بيسافر على أحد البلدان المتقدمة


و السبب أنه غالبا ماعم يكون في مناخ داعم و محفَز للإبداع و تطوير القدرات و المهارات ببلادنا ....

و طبعا غالبا لما بيروح على شي بلد ... ما رح يرجع لبلده


لأنه الفرص و التسهيلات يلي بتتوفر برا ... ما بتتوفر هون للأسف


الشي التاني و المهم ...

غالبا بنلاحظ بالدول العربية بشكل عام مو بس بسوريا ... أنه الرواتب يلي بيتم دفعها للخبراء الأجانب


أعلى بكتير من الرواتب يلي بيتم دفعها للخبراء العرب

( حتى و لو كانوا بيمتلكوا المؤهلات العالية جدااا و يلي بتتشابه مع مؤهلات نظراءهم الأجانب )


و بصراحة أنا فعلا بحس أنه في ثقة بالأجنبي و قدراته و مواهبه أكتر من العربي ...

و هاد سبب أساسي من الأسباب يلي بتخلي العربي يبقى برا و ما يرجع لبلده


لأنه بينصدم أنه ما عم يحصل على فرص موائمة ... و ما في تقدير لكل المؤهلات و القدرات يلي بيمتلكها


أنا بعرف شخص موهوب ... درس بإحدى الدول الغربية ... و أثناء دراسته اشتغل كمان ...

و بالتالي جرب الدراسة و الشغل هنيك


لما رجع لهون .... انصدم فعلا ... كان طول الوقت يخبرنا أنه ندمان ع الرجعة .... ما اتوقع الوضع هيك رح يكون أبدا


اتوقع أنه راجع يلاقي كل الفرص و التسهيلات عم تتقدمله على طبق من فضة ...

خاصة أنه راجع بشهادة دكتوراه و بخبرة عمل ممتازة


بس الواقع كان مختلف ... الفرص كانت كتير عادية .... مقارنة بالفرص المميزة يلي اتقدمتله بالبلد يلي كان فيه


بس هو رجع كرمال أهله .... و كرمال أنه يستقر ببلده ... و ما بده اولاده يتربوا برا



بس فعلا ... ما بعتقد أنه لقى التقدير يلي بيستحقه أبدا


و طبعا بالنهاية ما لازم ننسى نذكر أنه في شباب عندهم قدرات رهيبة ...

بس ما عم يعرفوا يوظفوها و يستغلوها صح

يعني عم يضيعوا حياتهم بشغلات فاضية ...

على الرغم من أنه ممكن يحققوا شي كبير لو وظفوا امكانياتهم صح


آسفة ع الإطالة ... بس موضوعك رائع و مهم و واقعي جدا


ألف شكررر ع الطرح المميز

أنا مع سناء مية بالمية حكيت كلام واضح وصريح
وصحيح مية بالمية وبصراحة كلامها لا بينزاد عليه
ولا يعلى عليه


اشكرك اخي ابو عمر على الطرح الرائع والراقي
مع تحياتي...