استفسار

[diana]

King of nothingness
شكرا كتير الك طيب بس انا مالي حدا بلندن ابدا كيف بدي اطالع الفيزا انا حابة اروح هنيك و اقعد عند عيلة انكليزية بلندن هلا انا راسلت معهد اكسفورد بلندن و قدمت طلب عندون بس ما بعرف اذا بيقبلوني ما بتتخيل اديه حابة روح لندن بس اذا ما عندي حدا كيف بدي طالع الفيزا و بدي اسالك عن الاجراءات تبع الفيزا اذا بتاخد وقت او لا و عن جد شكرا عذبتك معي

[king-of-nothing]

مكاتب السفريات .... روحي مكاتب السفرييات هنين أخبر ناس من بعد السفارة بالشغلات هي ... هنين بيساعدوكي بالوراق المطلوبة ....
أنا لإنو عندي واحد من صحابي طلعلوو قبوول بالجامعة ولهلأ ما وافقولوو عالفيزا وصار مقدم شي 3 مرات من الكويت وبعدين بطل بدوو وغير مساروو

King of Nothing

[Sanaa]

آنسة ديانا ... ( حسب معلوماتي ) قبل كل شي لازم تحصلي على القبول من المعهد


ما بعتقد فيكي تعملي شي قبل القبول ( خاصة إذا كنت مسافرة على حساب الجامعة )


لأنه بهي الحالة ... أساسا ما فيك تحصلي على باسبورت ولا تعملي اي شي من غير موافقة رئيس الجامعة


أما إذا مسافرة على حسابك الخاص ( يعني ما لها علاقة جامعة حلب أبدا ) .. أكيد الوضع بيختلف


بس للأسف أنا ما عندي معلومات عن هالحالة


بكل الأحوال ( بغض النظر على حساب مين ) ... غالبا ما فيك تحصلي على الفيزا ... إذا ما حصلتي ع القبول


و أنا ما فهمت أنت مسافرة لمدة شهر واحد بس ؟؟؟ و لا بدك تدرسي لغة لمدة شهر ... و بدك تبقي بلندن مدة أطول ؟؟؟



ع العموم ... أنا بنصحك أولا تضمني القبول ... لأنه القبول من المعهد هو بيسهل اجراءات الفيزا


و فيك تسألي كمان برئاسة الجامعة عن حالتك ( خاصة قسم العلاقات الدولية ) .. لأنه هنن عندهم خبرة كتير بهالمواضيع

و عندهم علاقات مع المعاهد و الجامعات الأجنبية ... ممكن ينصحوكي


و فيك تسألي كمان بالمركز الثقافي البريطاني .... هو المعني بأمور الطلاب المسافرين ع بريطانياو الاتفاقيات و اللغة .......




بتمنالك كل التوفييييق


تحياتي الك

[Sanaa]

آنسة ديانا ... هاد موقع المركز الثقافي البريطاني ممكن تطلعي عليه :

http://www.britishcouncil.org/syria.htm


و هي معلومات الاتصال فيه إذا بدك ....


Maysaloun Street

Shaalan


PO Box 33105

Damascus

Syria





Tel : +963 011 331 0631


Fax: +963 011 332 1467

E-mail :

[email protected]

بعتقد ممكن يفيدوكِ كتير إن شاء الله