مظاهرات في جامعة دمشق لاول مرة مع تصاعد حدة التوتر

[hussam-86]

اختي كلنا شفنا التصوير على الموبايل كان العدد اكتر من الف بس
ومستحيل يكون الموبايل بيكذب مستحيل لهيك انا صدقت لانو مستحيل يكون الصورة على الموبايل مفبركة
وشكلها ريمة ماكانت موجودة بس بدها تعلق وتبرر لانوا الكل شاف تصوير الموبايل كانوا فوق ال500 ما بدي قلك الف

[شهودة@]

انا حكيت مع اخي مبارح لما شفت الخبر لان هو طالب بكلية العلوم
ومن خوفي عليه حكيت معو الساعه اربعه العصر
قلي اجا الامن وبكميات كبيره واخد المجموعه
وسألتو ازا في حدا اضرر قلي في منن انضرو بس نحنا الطلاب مافينا شي الحمدلله
واللي فهمتو ان مجموعه كبيره من الطلاب هتفت هتافات تأييد ضد مجموعة الشباب
ومابعرف ازا هني من الجامعه او لا ما سألتو كان همي اطمن عليه وبس
الله يحفظ الجميع كلن ولاد بلدنا معارضين مؤيدين كلن بيهمونا
حتى الامن والجيش ولادنا يارب سترك
اهم شي محد يتأذى والله عايشين على اعصابنا من الخوف على اهلينا
بكل الاحوال الامور سيئه

[انس.]

العدد 100 تقريبا ليس اكثر من ذلك استمرت حوالي الساعتين وهدأت الامور بعدها انا عملي بنفس المنطقة تقريبا وشاهدت العدد

بعيني واصدق عيني اكثر من الجرائد

[ريمة]

أخ حسام الهيئة انك مقتنع كتير بوجهة نظرك ورأيك بالموضوع
أنا ما كذبت الدكتور حسن ولا بكذبك لأنو هي الأخبار أنت ماعم تقولها من عندك أنت سمعتا من قناة بالتلفزيون أو من النت والأخ حسن نفس الشي
أنا مابشك بمصداقيتك لأنك هيك سمعت أو هيك شفت بس أنا بنت بلدك وكنت موجودة بالجامعة وقت صارت الأحداث وما الي مصلحة ألف الخبر من عندي وقلك شوصار
وانت حر بشو الجهة يلي بتاخد منها الأخبار وإذا بتلاحظ الأخ حسن وغيروا من الأعضاء كتبوا كتير مواضيع عن يلي بصير بدرعا وبانياس وغيرا وأنا ماعلقت عليها لأني مو متأكدة من صحة الخبر
إذا كان صحيح أو لأ
بس هاد الخبر أنا كنت موجودة وكتير قريبة من الأحداث فحبيت صححلك معلوماتك انت والأخ حسن
وبتمنى تقبل حكي بروح رياضية نحنا أخوة وولاد أرض وحدة ومو مهم تطابق أفكارنا الأختلاف بالأفكار كتير مهم