أفضل جامعات تركيا - مواقع الجامعات التركية - الدراسة في تركيا

[En.Khaled Alfaiomi]

أخي أن شاء الله رح أحكي مع صديقي عم يدرس طب بتركيا وبخليه يدخل ويقدملك النصائح ..

بس خليكي متابعة الموضووع

[Dr.Berooo]

السلام عليكم ... كيفكون يا شباب ... الظاهر في أسئلة بتتلق بتركيا او عن الدراسة بتركيا ...
المهم انا بدرس هون واذا بتحبو اي خدمة فانا جاهز لأي طلب ...
في عنا الانسة حنان كانت عم تسأل بعض الاسئلة وانا بدي جاوب :
بالنسبة للتركي بتقدري تتعلمي التركي بالمعاهد تعليم اللغة التابعة للجامعات التركية وهو بالاساس لا يوجد الا جامعتان لتعليم اللغة التركية واحدة تابعة لجامعة انقرة ولها فرعين في اسطنبول وانقرة وأخرى جامعة غازي ولها فرعان في انقرة وازمير ويوجد معهد خاص بجامعة اسطنبول وهو لتعليم اللغة التركية ايضا الى جانب اللغات الاخرى ... المهم تكلفة معهد اللغة في جامعة اسطنبول حوالي 400 دولار للفصل ويبدأ التسجيل في اوائل كل فصل دراسي يعني الفصل القادم يبدأ في شهر شباط ...
طرق القبول للجامعات : في السابق كان القبول عن طريق فحص للأجانب اما الاان فقد تغير كل شيئ واصبحت كل جامعة تقبل على حسب علامات بكلوريا البلد الاصل بحساب نسبة مئوية ... اما من ناحية الدراسات العليا يوجد فحص اسمه ALES يخضع له كلا الطلاب الاتراك والاجانب وعلى موجبه يستطيعون دخول الاختصاص او اكمال الدراسة العليا الذي يريدونه ... وهنا يأتي دور الطلاب بتحديد جامعته ( وبدي طمن الطلاب بانو فيتون يحكو مع شي بروف او يتفقو مع الجامعة قبل ما يفوتو على فحص الالس (الماستر ) لأنو بيساعدون يعني في احتمال كبير يقبلوا الطلاب بعلامات قليلة جدا مو متل الطلاب الاتراك نفسون )
المواصلات باسطنبول جيدة يعني بعد دخولك للجامعة بتاخد كرت خاص للوسائط النقل بأسعار مخفضة او بشكل شهري يعني مثلا بتدقع 50 ليرة تركي اي ما يقارب 1500 ليرة سوري وبتطلع قد ما بدك بالمواصلات :))
الاسعار : اسطنبول غالية بعض الشيئ عن بقية محافظات تركيا يعني منطقة سياحية او اروبية بكلام تاني ...
الحياة الاجتماعية :حلوة كتير وناس عقلانيين جدا لأبعد الحدود وبيقدروا الطلاب والحياة الطلابية بس يعني ما يخلا الامر من صعوبات الحياة ( اي مافي شي عالجاهز )
اما بالنسبة للحجاب الان الامر مختلف جدا عن السابق فقد تغير القانون وصار بإمكان المحجبات الدخول الى الجامعات بكل حرية ... الله يوفق الجميع يا رب
المهم هي نظرة عامة عن الحياة بتركيا او باسطنبول لأني انا با سطنبول وما عندي العلم الزايد ببقية المحافظات سوا انا ارخص من عنا بكتير :))

[COLOR="rgb(139, 0, 0)"]الجامعات يللي اتفضل فيون الاستاذ خالد ممتازين وبضيف انا جامعة يدي تبة[/COLOR] http://www.yeditepe.edu.tr/?&language_id=2
وما بعرف اسه بشو بقدر ساعد .... وبتمنى االتوفيق للكل ...

[حنان]

شكراً كتيير يادكتور Dr. Berooo
ولكن بدي اسئل كيف بأمن قبول لهذه الجامعة يعني بكفي على الإنترنت أو بيكون بشكل شخصي أوإذابتعرفلي شي مكتب قبول هون بسورية إذا سمحت
وحضرتك بأي جامعة لأني الجامعة التي شفت فيها اختصاصي هي جامعة اسطنبول ومابعرف شو لغة الدراسة فيها (أنا معيدة باختصاص فلك وديناميك الجو ومتخرجة من كلية الفيزياء)

[Dr.Berooo]

لا شكر على واجب ...
من ناحية القبول من الانترنت مابظن يمشي الحال لأنو متل ما قلتلك لازم تفوتي على فحص وبنفس الوقت بدك تكوني حكيانة مع شي برفسور بالجامعة وطبعا هدا الشي بدو ايكون شخصي بينك وبينو في كتير شباب هيك ساوو هون بتركيا ...
بسوريا لأ مابعرف اي مكتب عنجد انا اسف بس اذا بتسألي السفارة بلكي بيقدروا بيساعدوكي بشي ...
انا بجامعة اسطنبول بدرس بكلية الطب وكل كلية بمحل هون وبالنسبة للغة جامعة اسطنبول تعليمها بالتركي بس ...