أمي لقد أحرقوا مدينتك

[Abu anas]

إنّا إن شاء الله لعائدون
شكراً لمرورك

الا ما يرجع الياسمين الى مدينة الياسمين...
سلمت اناملك اخ ابو انس

[انس.]

شكرا لك اخي ابو انس ....

للاسف مايراه الناس على شاشات التلفاز لايشكل 5 % من الحقيقة والواقع

كل شهيد في الشاشة هو رقم ولكنه في الواقع هو طفل له ام واب

او رجل له اطفال ينتظرونه ....

أو أم أو زوجة.........أو .....

وكل منهم له قصة تبكي القلب والحجر

والاعلام لم يستطع تعريف العالم بحجم المأساة الحاصلة

فقط من له اقارب في قلب الحدث ربما حصل على 50 % من الحقيقة

واليكم دليل واحد على كلامي

من منكم سمع عن الشهيد الطبيب حسام هريرة من حمص ؟؟؟

اليكم الجواب


استشهاد الدكتور حسام هريرة بعد اصابته برصاص قناص في حي باب هود24 /3 م2012حمص






مما كتبته زوجة الشهيد الدكتور حسام عبد اللطيف هريرة ,,,,

حبيبي الغالي بحبك كتير واليوم صار اسمي زوجة الشهيد البطل حسام ما بعرف شو بدي قول بس بقول الحمد لله على هالشهادي الحلوي يلي كنت منتظرا من زمان رب العالمين استجاب لدعاءك يا أغلى الناس ع قلبي ويارب بطلب من ربي كون معك ورافقك بالجنة وااذا ربي ما استجاب لدعائي بكون لولادنا الام والاب الحنون وانا قوية وصابرة على بعادك ياغالي انتي كنت من أقرب الناس لإلي كنت الزوج الصالح والحنون وكنت وقت... قول اهلي مسافرين وانا بالغربة حاسة حالي كنت تزعل مني كتير وتقلي انا ابوكي وامك بس شو بدي أقول ياعمري وحسومة قلبي متل ماكنت الك رحت وتركتني وتركت أربع وأحلى زهرات رح كون أد المسؤلية وربين التربية الصالحة وعلمن أحسن علام وطبعا بوقوف رب العالمين معي لانو بمساعدتو رح كون من الصابرين ع فراقك ياحبيبي طلبتا ونلتا والله العيشي من بعدك مالا طعمي وماني حاسي غير انو بدي الحقك عن قريب هيك احساسي والله انك بتستاهلا على صفاتك الحميدة وطيبة قلبك وحلاوة لسانك وكبر قلبك كنت تناديلي حسونتي ع طول وبحمد ربي ليل نهار انو كنا سعيدين بحياتنا الزوجية وبحيياتي ماخليتك تنام زعلان وكنت قول مارح ضيع يوم من عمري ونحنا زعلانين الحمد لله هي كلمتي الوحيدي يلي مصبرتني ع فراقك هي الحمد لله وطبعا وجودك بأحلى مرتبة والله شايفتك قدامي مبسوط وأنا بدي بسطك ولو انو بعيد عني شمعاتنا بعيوني وامك بقلبي وخواتك حاطيني بعيونن الحمد لله الحناين كتار وأخوك الغالي ووسيم ابن اختك كمان .
ما بقدر استغني عنك يا أغلى الناس بس مضطرة اصبر لانو الصبر مفتاح الفرج رب العالمين خلاك تنسا مفتاحك ورجعت أخدتو ورديت نسيت هويتك ورجعت جبتا بعد ماكنت ماشي نص الطريق ووقت رجعت قلتلي لاتخافي, قلتلك رب العالمين عم يأنزرك انو ماتروح لانو الطريق خطر بس انتي ماسمعتني شو حكيت , ورحت وتشاهدت متل العادي كل يوم وطبعا رب العالمين اختارك تكون شهيد وباذن الله رافعة راسي فيك ومتفاخرة فيك وبصيتك الحلو



احد تعليقات الناس على استشهاده
الله يرحمك يا دكتور , الله يرحمك يا بطل , ما رح انساك ... الدكتور حسام هريرة من أنجح وأفضل دكاترة الأسنان في حمص , دكتور مثابر مخلص بعمله أخلاقه عالية مهذب لطيف أب لاربعة أطفال كالملائكة , رحمك الله يا أبا رغيد لقد أدميت قلوبنا باستشهادك ..... إلى جنان الخلد

[Abu anas]

صدقت أخي أنس
مشكور للمرور و للمشاركة المميزة
و ألهم أهلنا الصبر و السلوان

[شادي1980]

حروفك جميلة اخويا...
فالحب ملهم الشعراء,,,وساكن السطور بالعشق والعطاء,,,
سلمت أناملكَ’’’’
لكَ كل التقدير والأحترام,,,
( تقبل مداخلتي )