شباب سوريا في الاغتراب و الــ ( Girl friend )

[Sanaa]

أنا بعتقد المشكلة للأسف أنه بعض الشباب العرب مو مقتنعين أساسا بالقيم الأساسية لمجتمعاتنا كعرب و

كمسلمين... و إذا اتبعوها بيتبعوها مرغمين .... و دايما بينظروا للتطور و الحضارة من منظور ضيق جدااا ... يعني

الحضارة بالنسبة لهم انه يطلعوا و يفوتوا و يعملوا كل شي بيحلالهم بدون أي ضوابط أو روادع ..

. على مبدأ " خليك فري " ...


هي النظرة هي السبب الرئيسي ورا محاولة شبابنا التقليد الأعمى للمجتمعات الغربية ...

يعني حتى الشب لو مو مغترب و عايش ببلده ... رح تلاقيه عم يقلد الغرب بأمور غريبة...

وهاد الشي طبيعي لأنه لما الشخص ما بيكون مقتنع بقيم مجتمعه و عم يتبعها بس كرمال أهله

( مو لأنه مقتنع أو مؤمن فيها ) ... رح يكون كتير سهل ينصهر بقيم و مبادئ مجتمعات تانية .


ألف شكررر بصراحة موضوع كتير مهم و مميز

[دمعة فرح]

رأيي من رأي sanaa لانو عنجد هذا اللي عم بيصير للأسف الشديد ،،
الله يحمي شباب وبنات المسلمين ويهديهن لطريق الصواب
كل الشكر والتقدير لصاحب الطرح المفيد
دمعة فرح كانت هنا
.....

[M-AraBi]

أنا برأيي هي الظاهرة نتجت عن الأنفعال الحاصل للشاب العربي
الذي خرج من بلد الأنضباط والأحترام والقيم الى بلاد الفلتنة وضياع الدين والشرف
فحيلاقي كل شي متاح ومجاناً وبنات قاتلين حالو عليه فما رح يقصر!!!
الا من رحم ربي وهذا بيكون بيخاف ربه وهذا هو الصح

بس الشب لما يسافر لازم يعمل حسابه أنه هيك رح يصير معه ومن شان هيك لازم يراقب الله في كل عمل ويعمل على تقواه

و انا بعرف شباب سافروا للأمريكا وأول ما رجعوا لسوريا اتجوزوا
ليش ؟؟؟ لأنهم خايفين على حالهم من الفتنة.........

وشكراً أخي أيمن على هذا الطرح الهام

[fawazkh]

شكرا عالموضوع لكن اريد ان اقول شيئ ان قبلتم هذا الا وهو ا من دواعي سروري

من لم يجرب الغربة ارجو ان لايكتب في هذا المنتدى وما ذكر في هذا الموضوع هوا جزء من فاتورة الاغتراب التي ندفعها من سنين عمرنا من ربيع شبابنا
ان المغترب ايها الاعزاء لا يلام على مايفعل فقد يضحي بشبابه وعمره في الغربة والغربة احيانا احسها كاحساس مغترب هي جزء من العذاب والحرمان
فكل شيئ ممنوع والتنازلات التي يقدمها كثيرة في سبيل اكمال المشوار الذي بدئه
وليس كل المغتربين هم من المثقفين وحملة الشهادات العليا فهناك الطبيب وهناك العامل اليومي وهناك المهندس وهناك الاجير

لا تظلمو المغترب ولا تلوموه فهو يقدم كثيرا كثيرا كثيرا

تحياتي لكم