~! الغالــية nano .. ضيفــة إفتــح قلبــك .. مــع دمعــة فـــرح !~

**ماهرالفيزو** · 02-19-2011 07:32 PM

ام النان

س: سؤال: انتي ادب عربي ليش دخلتي هالفرع

ولوكان باامكانك تختاري غيره شو مممن كنتي تختاري

الغربة من الامور التي يتعرّض لها الانسان في حياته سواء كان مرغما عليها او تكون برغبته

شو رأيك بلغربة ولفترة طويلة

**nano** · 02-19-2011 08:43 PM

ام النان مساء الخيرات
اهلييين مساالنور

اخباركــــــــــــ انشاء الله تمام
الحمد لله

وين عم تروحي ومن وين عم تجي وكيف الجو وشو عم تاكلي شو عم تشربي

شو عاملين عشا اليوم

اول شي شكرا على الشوكلا اللذيذة ماقصرتي والله
صحتييين ولاااو

بس هاد الشي مابيعني انو خلص خلصنا
يالطيف

المهم وبعد السلام والهرج والمرح

بدي اسئلك

سفينة التايتينك كم كان عدد ركابها واخر عبارة قالتها روز لحبيبها شو هي
هههههههه شو بيعرفني انت بتعرف ؟ما بطيقا لروز

لو انحرق المنتدى وفينك تاخدي معك عضو واحد مين تختاري جواب واضح بدون ماتلففيني الدنيا معك وبدون ماتقنيعيني
شو قصتكون والله حرام عليكون لسا صابرين بتقلي إذا غرق المنتدى وانتا بتقلي إذا احترق اي شو هل الاسئلة الشريرة على كل حال باخد (عمر)معي ما بقدر استغني عنو ابدا

مشتاقة للجامعة ولا مبسوطة بلعطلة بلبيت ومكيفة
لا مكيّفة بالعطلة أل جامعة أل لاحقة عالهنا

انا جوعان وين بروح باكل بلبيت ولا بلمطعم وياريت السبب

طبعا بالبيت لانو اكل السوق على قولة ماما سووووووء

شو الشي الي هو امامك بس صعب عليكي توصلي له
مافي شي صعب على ام النان

شو اكتر شي بيزعجك بسرعة
كون عاملة شي أكلة ومبلشة فيها من الساعة عشرة الصبح وما خالصة معي للمغرب ويجيو أخواتي ويحطولي شي600 ملاحظة

شو عم تستفيدي من النت وياترى النت افضل ولا الكتب
أنا حلقاتي البحث اغلبها من النت بيساعدني كتير وأغلب الاحيان بنزل روايات بس أكيد بفضل الكتاب أكتر

شو رايك بدقة المواعيد تزعجك شي لو كنتي بموعد وتاخر احد عليكي
كتيير بنزعج من الناس اللي مواعيدون عربية

شو رايك بلانتظار وجربتي شي مرة بحياتك وانتظرتي شي
بكره الانتظار بس لساتني عم انتظر نحن دايماً عم ننتظر شي
بالمناسبة انتا قريت مسرحية في انتظار غودو لصومائيل بكيت؟ ورح تشوف اننا ديماًعم ننتظر شي

لو استلمتي رئيسة وزارء شو ممكن تاخدي قرارات
ما تتخذ غير قرار واحد كل شخص بكب شي عالارض غرامة مالية مع سجن 3 أيام بس لانو الزبالة اللي بالشارع ما معقولة

نانو شو نقطة ضعفك
أهلي

وشو نقطت قوتكــــــ
قيادية وبتحمل المسؤولية

راجعلكــــــــــــــ

**nano** · 02-19-2011 08:46 PM

المشاركة الأصلية كتبت بواسطة ماهرالفيزو

لا لا مو معقول

طيب اسألها

حدا يئلي شو صاير ماشي

**nano** · 02-19-2011 09:45 PM

نانو
نعم

شو احلا سؤال مر عليكي للحظة هي
كلون حلوين

وشو اصعب سؤال او سؤال ماحبيته
اصعب سؤال سؤال اراميس احكي عن نفسي بعشر اسطر بس ماكرهتو للسؤال

اجت من الشباك ريحة بطاطا مقلية وانا جوعان يلعن ام جيرانا مالئمهم هي فاصل بس

ههههههههههههه ياحرااام
اختاري وحدة من التنتين
اوكي

الحب او الصداقه
الصداقة
الصديق او الاخ
الاخ
الاخ او الحبيب
الاخ كمان
الاهل او الحبيب
الاهل
الدراسه او المال
الدراسة هي بتجيب المال

الغربة مع الحبيب ولا الوطن وحيدة
لآالغربة مع الحبيب
الابيض او الاسود
الاسوداحلى لكن الابيض شاحب متل الاموات
هدوء او صخب
صخب

بتحبي الشب يكون من النوع الجدي او المزيح
اكيد المزيح الجدّي بيملل